വിളക്കുടി Mmtc യിൽ നടന്ന ക്രിസ്മസ് ആഘോഷം.

Weekly Reflection (16-12-2019/19-12-2019)

Weekly Reflection (16-12-2019/19-12-2019)
അധ്യാപന പരിശീലനത്തിന് അഞ്ചാം  വാരവും വളരെ ഭംഗിയായി അവസാനിച്ചിരുന്നു. നിരവധി ക്ലാസുകളിൽ പരീക്ഷ നിയന്ത്രിക്കുകയും പരീക്ഷ ഏകോപനം നടത്താൻ കഴിഞ്ഞതും വ്യത്യസ്ത അനുഭവമായിരുന്നു. ഈ പ്രവർത്തനങ്ങൾക്ക് പ്രഥമാധ്യാപിക യുടെ  പ്രത്യേക അഭിനന്ദനവും ലഭിച്ചിരുന്നു. 

Weekly Reflection (09-12-2019/ 13-12-2019)

Weekly Reflection (09-12-2019 /13-12-2019)

 അധ്യാപന പരിശീലനത്തിന്റെ നാലാം ആഴ്ചയും വളരെ ഭംഗിയായി കടന്നുപോയി. ഈ വാരം ക്രിസ്മസ് പരീക്ഷ ആയതിനാൽ ക്ലാസ്സ് എടുക്കാൻ കഴിഞ്ഞില്ല. പരീക്ഷ ചുമതലയും ക്രമീകരണവും, പരീക്ഷ സംഘാടനവും പരീക്ഷാ നടത്തിപ്പും വ്യത്യസ്ഥ അനുഭവമാണെന്ന്  മനസ്സിലാക്കാൻ സാധിച്ചു. പരീക്ഷ നടത്തിപ്പ് അധ്യാപന പരീശീലനകാലത്തെ നവീന അനുഭവമായിരുന്നു. 

Weekly Reflection (03-12-2019/06-12-2019)

 അധ്യാപന പരിശീലനത്തിന്റെ മൂന്നാം ആഴ്ചയിൽ  6 പാഠാസൂത്രണങ്ങൾ  പഠിപ്പിക്കാൻ സാധിച്ചു രണ്ട് പാഠാസൂത്രണങ്ങൾ മാതൃക രീതിയിൽ ആണ് പഠിപ്പിച്ചത്. സോഷ്യൽ സയൻസ് എക്സിബിഷൻ സംഘടിപ്പിച്ചിരുന്നു. ഈ ആഴ്ച 15 പാഠപുസ്തകങ്ങൾ പൂർത്തീകരിക്കാൻ സാധിച്ചിരുന്നു. കുട്ടികളുടെ മികച്ച പങ്കാളിത്തം ബോധനം കൂടുതൽ ഗുണകരം ആക്കി മാറ്റാൻ സഹായിച്ചു. 

Weekly Reflection (25-11-2019/29-11-2019)
 അദ്ധ്യാപക പരിശീലനത്തിൻ്റെ രണ്ടാം ആഴ്ചയിൽ ഏഴ് പാഠപുസ്തകങ്ങൾ പഠിപ്പിക്കാൻ കഴിഞ്ഞു മൂന്നു ലെസ്സൺപ്ലാൻ ഐസിടി മാതൃകയായിരുന്നു ഭരണഘടന ദിനാചരണത്തിന് ഭാഗമായി സോഷ്യൽ സയൻസ് ക്ലബ്ബിൻറെ നേതൃത്വത്തിൽ പ്രത്യേക അസംബ്ലിയും, ക്വിസ് മത്സരം സംഘടിപ്പിച്ചു. കൈത്താങ്ങ് എന്ന വിഷയത്തിൽ ചിത്രരചനാ മത്സരം സംഘടിപ്പിക്കാൻ സാധിച്ചിരുന്നു. 

കൈത്താങ്ങ് ചിത്രരചനാ മത്സരം

ഭിന്നശേഷി ദിനത്തോടനുബന്ധിച്ച് IGMVHSS ൽ  ചിത്രരചനാ മത്സരം സംഘടിപ്പിച്ചു.

ഒന്നാം സ്ഥാനം ഹരികൃഷ്ണൻ (10 B)

I. G. M. V. S. S ലെ സോഷ്യൽ സയന്‍സ് ക്ലബ്ബിന്റെ നേതൃത്വത്തിൽ നടത്തിയ സ്കൂൾ അസംബ്ലി. 

Weekly Reflection (20-11-2019/22-11-2019)

 അധ്യാപക പരിശീലനത്തിന് ആദ്യ ആഴ്ചയിൽ വളരെ വ്യത്യസ്തമായ അനുഭവങ്ങളായിരുന്നു.  ബോധനത്തിനുള്ള അനുമതി പ്രഥമാധ്യാപിക  നൽകിയിരുന്നു.  9 ഏ യിലെ മലയാളം മീഡിയം ആയിരുന്നു എൻറെ ക്ലാസ്സ് സൂഫി പ്രസ്ഥാനവും ഭക്തിപ്രസ്ഥാനവും ഈ ആഴ്ച പഠിപ്പിക്കാൻ കഴിഞ്ഞിരുന്നു. കുട്ടികളുടെ സജീവപങ്കാളിത്തം ഉണ്ടായിരുന്നു.  സാമൂഹ്യ ശാസ്ത്ര ക്ലബ്ബിൻറെ പ്രവർത്തനങ്ങൾക്ക് തുടക്കം കുറിക്കാനും ഈയാഴ്ച സാധിച്ചിരുന്നു. 

Community Living Camp 2019

Weekly Reflection... (05-08-2019 to 08-08-2019).
ഈ ആഴ്ച എനിക്ക് ക്ലാസ് എടുക്കാനായി ലഭിച്ചത് 6 പിരീഡുകളായിരുന്നു. ജോഗ്രഫി യിലെ ഭൂകമ്പങ്ങൾ, സുനാമി,അഗ്നിപർവതം, ദേശീയവരുമാനം, ദേശീയ വരുമാനം കണക്കാക്കുന്നതിൻറെ ആവശ്യകത,ദേശീയ ഉൽപ്പന്നം എന്നീ പാഠഭാഗങ്ങളാണ് പഠിപ്പിച്ചത്. ഹിരോഷിമ ദിനത്തോട് അനുബന്ധിച്ച് ക്വിസ് മത്സരം നടത്തി. ഈ ആഴ്ച ഓടെ 36 ലെസൺപ്ലാൻ ആയി. 

 ചന്ദ്രയാൻ 🌝  രണ്ടിലെ ക്യാമറ പകർത്തിയ ഭൂമിയുടെ 🌍 ചിത്രങ്ങൾ ഐ എസ് ആർ ഒ പുറത്തുവിട്ടു. ചന്ദ്രയാൻ 🌜 രണ്ടിലെ ക്യാമറ പകർത്തുന്ന, ഭൂമിയുടെ 🗺️ ആദ്യചിത്രങ്ങളാണിവ.

Weekly Reflection... (29-07-2019 to 02-08-2019)
 ഈ ആഴ്ച എനിക്ക് ക്ലാസ് എടുക്കുവനായി ലഭിച്ചത് അഞ്ച് പിരീഡുകളായിരുന്നു 9 ആം ക്ലാസ്സിലെ ജ്യോഗ്രഫിയിലെ ഫലകങ്ങൾ ചലിക്കുന്നു, വൻകരാവിസ്ഥാപന സിദ്ധാന്തം, സംയോജക സീമ, ഛേദകസീമ എന്നീ പാഠഭാഗങ്ങളാണ് പഠിപ്പിച്ചത്. വിദ്യാർത്ഥികളുടെ പൂര്‍ണ പങ്കാളിത്തം ലഭിച്ചിരുന്നു. ICT യുടെ ഉപയോഗം ക്ലാസുകളെ കൂടുതൽ കാര്യക്ഷമമാക്കി. 

Weekly Reflection (22-07-2019-26-07-2019).
ഈ ആഴ്ച എനിക്ക് ക്ലാസ് എടുക്കാനായി ലഭിച്ചത് മൂന്ന് പിരീഡുകളായിരുന്നു. ആവശ്യമായ പഠന സാമഗ്രികളുടെ അടിസ്ഥാനത്തിലാണ് പഠിപ്പിച്ചത്, ICT ഉപയോഗിച്ചിരുന്നു. വിദ്യാർത്ഥികളുടെ Mid term exam പരീക്ഷ ആരംഭിച്ചതിനാൽ  അതിനാൽ കൂടുതൽ ക്ലാസുകൾ ലഭിച്ചിരുന്നില്ല. പരീക്ഷ ചുമതല പുതിയ അനുഭവമായിരുന്നു. 

Weekly Reflection (15-07-2019 - 19-07-2019)
ഈ ആഴ്ചയിൽ എനിക്ക് ക്ലാസ് എടുക്കുവനായി ലഭിച്ചത് ഏഴ് പിരീഡുകളായിരുന്നു. 9 ക്ലാസിലെ ഹിസ്റ്ററി പാഠഭാഗത്ത് നിന്ന് ജ്യോഗ്രഫി തുടർച്ചയായി ആരംഭിച്ചു. കോളേജിൽ നിന്ന് വിഷയാധ്യപിക ക്ലാസ് കാണുകയും ആവശ്യമായ നിര്‍ദേശം നല്‍കുകയും ചെയ്തു. പ്രവർത്താധിഷ്ഠിത പാഠാസൂത്രണത്തോടൊപ്പം ഐസിടി ഉപയോഗിച്ചും ക്ലാസ് എടുക്കാൻ സാധിച്ചിരുന്നു. ഈ ആഴ്ചയിൽ ഏഴ്പാഠാസൂത്രണം പഠിപ്പിക്കാൻ കഴിഞ്ഞു. 

Weekley Reflection...(08/07/2019- 12/07/2019)
ഈ ആഴ്ച ക്ലാസ് എടുക്കാനായി ലഭിച്ചിരുന്നത് നാല് ദിവസങ്ങളായിരുന്നു.
9 A യിലെ സോഷ്യൽ സയൻസ് രണ്ടാം യൂണിറ്റ് പൂർത്തികരിക്കുകയും ഇന്ത്യൻ ഭരണഘടന:അവകാശങ്ങളും കർത്തവ്യങ്ങളും എന്ന പാഠഭാഗം തുടങ്ങാനും സാധിച്ചു. 8 പ്രവർത്താധിഷ്ഠിത ആസൂത്രണങ്ങളും ഒന്ന് അഡ്വാന്‍സ് ഓർഗനൈസർ മാതൃകയിലും ക്ലാസെടുത്തു. ജൂലൈ 11 ന്  ലോക ജനസംഖ്യദിനത്തോട് അനുബന്ധിച്ച് ക്വിസ് മത്സരങ്ങളുടെ സംഘാടകനാകാനും കഴിഞ്ഞു. വെള്ളിയാഴ്ച ഉച്ചയ്ക്ക് ശേഷം നടന്ന പിറ്റിഎ യിൽ പങ്കാളിയാകാന്  കഴിഞ്ഞതും പുത്തൻ അനുഭവമായി.

ഇന്ന് ജൂലൈ 11 ലോക ജനസംഖ്യദിനം. 

Weekly Reflection... (01-07-2019 to 05-07-2019)
ഈ ആഴ്ച സ്കൂളിൽ മൂന്ന് പ്രവർത്തിദിനങ്ങൾ മാത്രമേ ഉണ്ടായിരുന്നുള്ളൂ. രണ്ടുദിനങ്ങൾ വിദ്യാർത്ഥി സമരം ആയിരുന്നു.
മധ്യകാല വിദ്യാഭ്യാസവും, സർവ്വകലാശാലകളും, കലയും സാഹിത്യവും ആണ് പഠിപ്പിച്ചത്. സാമഗ്രികളുടെ സഹായത്തോടെ കുട്ടികളിൽ ആശയം എത്തിക്കാൻ കഴിഞ്ഞു. സ്കൂളിൽ നടന്ന ലഹരിക്കെതിരെയുള്ള പരിപാടിയിലും പങ്കാളിയാകാൻ കഴിഞ്ഞത് പുതിയ അനുഭവമായിരുന്നു. താലൂക്ക് ലൈബ്രറി കൗണ്‍സിലിൻ്റെ നേതൃത്വത്തിലുള്ള ക്വിസ് മത്സരം സംഘടിപ്പിക്കാനും കഴിഞ്ഞു. 

ജൂൺ 26 ലഹരിവിരുദ്ധ ദിനത്തോടനുബന്ധിച്ച് മഞ്ഞക്കാല. ജി. എം. വി. എച്ച്. എസ്. എസ് സ്കൂളിൽ എക്സൈസ് ഡിപ്പാര്‍ട്ട്മെൻ്റിൻ്റെയും വിമുക്തിയുടെയും നേതൃത്വത്തിൽ നടന്ന ബോധവത്കരണ ക്ലാസ്സും ഹാഗിയോസിൻ്റെ നേതൃത്വത്തിൽ ലഹരിക്കെതിരെയുള്ള പാവനാടകവും അവതരിപ്പിച്ചു. 

Weekly Reflection... (19/07/2019-21/07/2019)
ബി എഡ് 2018-2020 വർഷത്തെ സിലബസിൻ്റെ ഭാഗമായുള്ള അധ്യാപക പരിശീലന പരിപാടിക്കായി എനിക്ക് അനുവദിച്ചത് ഐ ജി എം വി എച്ച് എസ് സ്കൂൾ ആയിരുന്നു രാവിലെ 9.15 സ്കൂളിലെത്തി പ്രഥമാധ്യപികയെ കണ്ട് ക്ലാസെടുക്കാനുള്ള അനുമതി വാങ്ങി. ആദ്യദിനം കുട്ടികളെ പരിചയപ്പെടുന്നതിനാണ് ഉപയോഗിച്ചത്. രണ്ടാം ദിവസം മധ്യകാല വാണിജ്യപാതയാണ് പഠിപ്പിച്ചത്.മൂന്നാം ദിവസം മധ്യകാല നഗരങ്ങളെ കുറിച്ചും പഠിപ്പിച്ചു. ആദ്യ ആഴ്ച തന്നെ പുത്തൻ അനുഭവമായിരുന്നു. പഠനത്തിൽ കുട്ടികളുടെ പങ്കാളിത്തം ആത്മവിശ്വാസം വർദ്ധിക്കാൻ സഹായിച്ചു.

അന്താരാഷ്ട്ര യോഗദിനത്തോട് അനുബന്ധിച്ച് വിളക്കുടി മന്നം മെമ്മോറിയൽ ട്രെയിനിങ് കോളേജിൽ നടന്ന യോഗദിനാചരണം. 

ഇന്ന് ജൂണ്‍ ആറ്... 
സ്കൂള്‍ #പ്രവേശനോത്സവം... 
അറിവിന്റെ ലോകത്തേയ്ക്ക്
ആദ്യചുവടുവെയ്ക്കുന്ന കുരുന്നുകള്‍ക്ക് ആശംസകള്‍.....

ഇന്ന് ജൂൺ 5...
ലോക പരിസ്ഥിതി ദിനം...
പരിസ്ഥിതി പ്രശ്നങ്ങളെ കുറിച്ചുള്ള അവബോധം വരുത്താനും കർമ്മ പരിപാടികൾ ആസൂത്രണം ചെയ്യാനുമാണ് പരിസ്ഥിതി ദിനം ആചരിക്കുന്നത്. ഐക്യരാഷ്ട്രസഭ ജനറൽ അസംബ്ലിയാണ് 1972 മുതൽ ഈ ദിനാചരണം ആരംഭിച്ചത്.
#Beat_Air_Pollution

Mother is a statue of unconditional love and sacrifice . She is our first teacher who teach us valuable quality .
#HappyMothersDay2019

നേരിനെ സംരക്ഷിക്കാൻ... പക്ഷപാതം ഇല്ലാതെ...
സ്വതന്ത്രമായി...
നീതിപൂർവ്വമായി...
ജനപക്ഷത്ത് നിന്ന് ചിന്തിച്ച്...
കൈവിലങ്ങുകളെയും നിരോധനത്തിൻ്റെയും നിയന്ത്രണത്തിൻ്റെയും അധികാര ധാർഷ്ഠ്യത്തെ ചെറുത്ത് തോൽപ്പിച്ച് ജനഹൃദയവീഥികളിൽ കടന്നുവരുന്ന എല്ലാവർക്കും....
#ലോകമാധ്യമസ്വാതന്ത്ര്യദിനം

#മെയ് 1-            #ലോകതൊഴിലാളിദിനം

1886 മെയ് 4-ന് ചിക്കാഗോയിലെ ഹേ മാർക്കറ്റിൽ നടന്ന സംഭവങ്ങളിൽ നിന്നാണ് പിൽക്കാലത്ത് മെയ്ദിനം ആചരിക്കപ്പെട്ടു തുടങ്ങുന്നത്.


*മെയ് ദിനത്തിന്റെ ചരിത്രം*
1850-കൾ മുതൽ അമേരിക്കയിലുടനീളം തൊഴിലാളികളുടെ ഒട്ടനവധി   ''Eigh hour League'' കൾ നിലവിൽ വന്നു കഴിഞ്ഞിരുന്നു. 1867-ൽ ഇല്ലിനോയി സ്റ്റേറ്റ് അസംബ്ലി ഇല്ലിനോയി സംസ്ഥാനത്തെ നിയമപരമായ തൊഴിൽ ദിവസം എട്ടു മണിക്കൂറാണെന്നു പ്രഖ്യാപനം നടത്തി.
എങ്കിലും തൊഴിലാളികളുടെ തൊഴിൽ ദിവസം പത്തും പന്ത്രണ്ടും പതിനാലും മണിക്കൂറുകളായി തുടർന്നു. ഫെഡറേഷൻ ഓഫ് ഓർഗനൈസ്ഡ് ട്രേഡ് ആന്റ് ലേബർ (പിൽക്കാലത്തു അമേരിക്കൻ ഫെഡറേഷൻ ഓഫ് ലേബർ) എട്ടു മണിക്കൂർ തൊഴിൽദിവസം നടപ്പാക്കാനുള്ള ഡെഡ്ലൈനായി 1886 മെയ് ഒന്നിനെ പ്രഖ്യാപിച്ചു.

ആ ദിവസം അമേരിക്കയിലെ 12000 ഫാക്ടറികളിലെ 3,40,000 തൊഴിലാളികൾ രാജ്യവ്യാപകമായി പണിമുടക്കി.
മെയ് ഒന്നിന് ചിക്കാഗോയിൽ ആൽബർട് പാർസൺസിന്റെ നേതൃത്വത്തിൽ അദ്ദേഹത്തിന്റെ ഭാര്യയും കുട്ടികളുമടക്കം 80,000 പേർ തെരുവുകളിലൂടെ മാർച്ചു ചെയ്തു.

ഫെബ്രുവരി 16 മുതൽ ലോക്ക് ഔട്ടിലായിരുന്ന മാക്രോമിക് പ്ലാന്റിലെ 1500 തൊഴിലാളികളും അതിൽ പങ്കു ചേർന്നു.മെയ് മൂന്നിന് പ്ലാന്റിനു സമീപത്തെ റോഡിൽ ആർബിറ്റർ സെയ്റ്റുങ് പത്രാധിപർ മി.ഓഗസ്റ്റ് സ്പൈസ് പണിമുടക്കിയ തൊഴിലാളികളെ അഭിസംബോധന ചെയ്തു. ഫാക്ടറി ബെൽ മുഴങ്ങിയപ്പോൾ പുറത്തിറങ്ങിയ കരിങ്കാലിത്തൊഴിലാളികളെ കൂവിക്കളിയാക്കാനായി തൊഴിലാളികളിലൊരു വിഭാഗം ഫാക്ടറി ഗേറ്റിലേക്ക് നീങ്ങി.

ഉടൻ തന്നെ പോലീസ് ഇൻസ്പെക്ടർ ജോൺ ബോൺഫീൽഡ് തന്റെ സേനയുമായി എത്തിച്ചേരുകയും അക്രമണമാരംഭിക്കുകയും ചെയ്തു.  അന്നവിടെ മരിച്ചവരുടെയും പരിക്കേറ്റവരുടെയും കണക്കെടുപ്പൊരിക്കലും നടന്നില്ല.

സ്പൈസ് പിറ്റേദിവസം ഒരു പ്രതിഷേധ സമ്മേളനത്തിന് പ്ലാൻ ചെയ്തു. അഡോൾഫ് ഫിഷറും ജോർജ്ജ് ഏംഗലും ഹേ മാർക്കറ്റിൽ ഒരു പ്രതിഷേധ റാലിക്കും ആഹ്വാനം നല്കി.

മെയ് നാലിന് വൈകീട്ട് 8.30നു സ്പൈസ് ഹേ മാർക്കറ്റിലെത്തി തൊഴിലാളികളോട് പ്രസംഗിച്ചു. തുടർന്ന് ആൽബർട് പാർസൺസ്, സാമുവൽ ഫീൽഡൺ എന്നിവരും പ്രസംഗിച്ചു. രാത്രി പത്തു മണിയോടെ 180 പോലീസുകാർക്കൊ
പ്പം അവിടെയെത്തിയ ഇൻസ്പെക്ടർ ബോൺ ഫീൽഡ് എല്ലാവരോടും ഉടനടി പിരിഞ്ഞുപോകാൻ ആക്രോശിക്കവേ പോലീസുകാർക്കിടയിലേക്ക് ഒരു ബോംബ് വന്നു പൊട്ടി. ഉടനടി പോലീസ് വെടിവെയ്പാരംഭിച്ചു. എല്ലാം കഴിഞ്ഞപ്പോൾ ഏഴു പോലീസുകാരും നാലു സിവിലിയന്മാരും മരിച്ചുവീണിരുന്നു.ഇരുന്നൂറോളം പേർക്ക് പരിക്കേറ്റു.

മരിച്ച ഒരു പോലീസുകാരനൊഴികെ മറ്റുള്ളവർക്കെല്ലാം പരിക്കേറ്റതു പോലീസ് വെടിവപ്പിലാണ്.
ചിക്കാഗോ തൊഴിലാളി നേതാക്കളായ എട്ടു പേര് സംഭവത്തിൽ പ്രതികളാക്കപ്പെട്ടു.
ജൂറി അംഗങ്ങളായി വന്നത് മരിച്ച ഒരു പോലീസുകാരന്റെ ബന്ധുവടക്കം അറു പിന്തിരിപ്പന്മാരാണ്. സാക്ഷിമൊഴികളെല്ലാം പൊളിയുകയും, മേയറടക്കം പ്രതിഭാഗത്തിനായി സാക്ഷി പറയുകയും ചെയ്തിട്ടും ജൂറി ഏഴു പേരെ വധശിക്ഷക്ക് വിധിച്ചു.ഏഴു പോലീസുകാരുടെ ജീവന് പകരമായി ഏഴു തൊഴിലാളി നേതാക്കൾ... എട്ടാമനായ ഓസ്കർ നീബിനെ വെറുതെ വിടാനായിരുന്നു സ്റ്റേറ്റ് അറ്റോർണി ആവശ്യപ്പെട്ടതെങ്കിലും അദ്ദേഹത്തിനും ജൂറി പതിനഞ്ചുവർഷം തടവ് ശിക്ഷ നൽകി. ഒരുവർഷത്തിനു ശേഷം1887 മെയ് പതിനൊന്നിന് നാലു തൊഴിലാളി നേതാക്കളെ കഴുവിലേറ്റി.

ഓഗസ്ററ് സ്പൈസ്, ആൽബർട് പാർസൺസ്, ജോർജ്ജ് ഏംഗൽ, അഡോൾഫ് ഫിഷർ എന്നിവർ. രണ്ടു പേർക്ക് ദയാഹർജിയിൽ വധശിക്ഷ ജീവപര്യന്തം തടവാക്കി ഇളവുചെയ്യപ്പെട്ടു. വധശിക്ഷ വിധിക്കപ്പെട്ട ലൂയിസ് ലിംഗ്, വധശിക്ഷക്കു തലേന്ന് ഡൈനമൈറ്റു കൊണ്ട് സ്വയം ജീവനെടുത്തു ശത്രുവിന്റെ കൈകളിലെ മരണം ഒഴിവാക്കി.


തൂക്കുമരത്തിനുമുന്നിൽ വച്ച് സ്പൈസ് ഉച്ചത്തിൽ വിളിച്ചുപറഞ്ഞു ''ഇന്ന് നിങ്ങൾ ശ്വാസം മുട്ടിച്ചു ഇല്ലാതാക്കുന്ന
ഞങ്ങളുടെ ശബ്ദത്തേക്കാൾ ഞങ്ങളുടെ നിശ്ശബ്ദത കൂടുതൽ കരുത്തേറിയതാകുന്ന ഒരു കാലം വരും"മെയ് പതിമൂന്നിന് നടന്ന ശവസംസ്കാര ചടങ്ങിൽ രണ്ടു ലക്ഷം പേരാണ് പങ്കെടുത്തത്.

ചിക്കാഗോ നഗരം അന്നേ വരെ കണ്ടതിൽ വെച്ചേറ്റവും വലിയ ജനക്കൂട്ടം. തുടർന്ന് മെയ് ഒന്ന് അഖിലലോക തൊഴിലാളി ദിനമായി ആചരിക്കാൻ തീരുമാനമെടുത്തു.

*തൊഴിലാളികളുടെ അവകാശങ്ങൾക്ക് വേണ്ടി ജീവൻ വെടിഞ്ഞ ഇവരുൾപ്പെടെയുള്ള മഹാത്യാഗികളെ ആദരപൂർവ്വം സ്മരിക്കാം.... ജയ് മെയ്ദിനം

സാമൂഹ്യ പരിഷ്കരണ പ്രസ്ഥാനങ്ങൾ

ഇന്ന്‌ മാര്‍ച്ച് 22... 
എല്ലാ വർഷവും മാർച്ച് 22 നാണ് ലോക ജലദിനം ആയി ആചരിക്കുന്നത്. ജലംഓരോ തുള്ളിയും സൂക്ഷിച്ച് ഉപയോഗിക്കേണ്ടതിന്റെ ആവശ്യകത ലോകജനതയെ മനസ്സിലാക്കുകയാണ് ജലദിനാചരണത്തിന്റെ ലക്ഷ്യം. ലോക ജലദിനമെന്ന നിർദ്ദേശം ആദ്യമായി ഉയർന്നുവന്നത് 1992-ൽ ബ്രസീലിലെറിയോവിൽ ചേർന്ന യു.എൻ. കോൺഫറൻസ് ഓൺ എൻവയൺമെന്റ് ആൻഡ് ഡവലപ്‌മെന്റിലാണ് (UNCED).^[ഇതേ തുടർന്ന് യു.എൻ. ജനറൽ അസംബ്ലി 1993 മാർച്ച് 22 മുതൽ ഈ ദിനം ലോക ജലദിനമായി ആചരിക്കുവാൻ തീരുമാനിച്ചു..

മാർച്ച് 8 ലോക വനിതാ ദിനത്തോട് അനുബന്ധിച്ച് സാമൂഹ്യ ശാസ്ത്രം അസോസിയേഷൻ "ഭൂമിക" യുടെ നേതൃത്വത്തിൽ നടന്ന വനിതാ സുരക്ഷാ വിഡിയോ പ്രദര്‍ശനം. 

ഇന്ന് ലോക വനിതാ ദിനം... 

ലോകമെങ്ങുമുള്ള വനിതകളുടെ അവകാശങ്ങള്‍ സംരക്ഷിക്കപ്പെടേണ്ട ദിനം. സ്ത്രീകളുടെ തുല്യത, പങ്കാളിത്തം, അവകാശം ഇവയെക്കുറിച്ച് ഓര്‍ക്കാനും ഓര്‍മപ്പെടുത്താനും ഒരുദിനം. ദേശത്തിന്റെ അതിരുകള്‍ക്കപ്പുറത്ത്, ലോകത്തെമ്പാടുമുള്ള വനിതകള്‍ക്കായി ഒരു ദിനം എന്ന ചിന്തയില്‍ നിന്നാണ് വനിതാദിനാചരണം ഉരുത്തിരിഞ്ഞത്. അന്താരാഷ്ട്ര വനിതാദിനം എല്ലാ വര്‍ഷവും മാര്‍ച്ച് 8 ന് ആചരിക്കുന്നു.

ജര്‍മ്മന്‍ വനിതാ നേതാവും രാഷ്ട്രീയ പ്രവര്‍ത്തകയുമായ ക്ലാര സെറ്റ്കിന്‍ 1910ല്‍ ഡെന്മാര്‍ക്കില്‍ നടന്ന അന്താരാഷ്ട്ര വനിതാ സമ്മേളനത്തില്‍ മുന്നോട്ടുവെച്ച ആശയമാണ് വനിതാ ദിനം. ‘കുതിക്കാം പുരോഗതിക്കായ് എന്നതാണ് ഈ വര്‍ഷം വനിതാ ദിനത്തില്‍ ഐക്യരാഷ്ട്ര സഭ മുന്നോട്ടുവെക്കുന്ന ആശയം. രാഷ്ട്രീയവും സാംസ്‌കാരികവും സാമൂഹികവുമായ രംഗങ്ങളില്‍ സ്ത്രീയുടെ തുറന്നുപറച്ചിലിന് വേദിയായ വര്‍ഷമാണ് കടന്നുപോയത്.

സ്ത്രീകള്‍ അവകാശങ്ങള്‍ക്കുവേണ്ടി ശബ്ദമുയര്‍ത്തിയതിന്റെ ഓര്‍മ്മകളുമായി ഒരു ദിവസം. ജാതിമത ദേശ സാമ്പത്തിക സാംസ്‌കാരിക അതിര്‍ത്തികളെ ഇല്ലാതാക്കി സ്ത്രീകള്‍ അവര്‍ക്കായി കണ്ടെത്തിയ ദിനം. അവകാശ സമരത്തിന്റെ നിരവധി അനുഭവങ്ങളിലൂടെയാണ് ഈ ദിവസം പിറക്കുന്നത്. ചോരയും കണ്ണീരും വീണതിന്റെ ഓര്‍മ്മകള്‍. അധ്വാനത്തിന്റെയും വിയര്‍പ്പിന്റെയും ആധിപത്യത്തിനെതിരായ പോരാട്ടത്തിന്റെയും ചരിത്രമുണ്ടതിന്.

ഇരുപതാം നൂറ്റാണ്ടിന്റെ തുടക്കത്തില്‍ വ്യവസായ വിപ്ലവത്തിലേക്ക് രാജ്യങ്ങള്‍ കുതികൊണ്ട കാലം. മനുഷ്യരെ യന്ത്രങ്ങള്‍ക്ക് സമാനമായി കല്‍പ്പിച്ച് പരമാവധി പിഴിഞ്ഞൂറ്റുകയെന്ന മുതലാളിത്ത തന്ത്രം വിജയം കണ്ട കാലം. പുരുഷന്‍മാരുടേതിനേക്കാള്‍ മോശം വേതനത്തില്‍ അതിലും മോശം തൊഴില്‍ സാഹചര്യങ്ങളില്‍, ചൂഷണങ്ങളില്‍ നരകിക്കുകയായിരുന്നു സ്ത്രീകള്‍. സഹനത്തിന്റെ ഒടുവില്‍ സ്ത്രീകള്‍ നടത്തിയ ഉജ്വലമായ മുന്നേറ്റത്തെയാണ് ഈ ദിനം കുറിക്കുന്നത്. സ്വന്തം ജോലിസ്ഥലത്തെ സൗകര്യങ്ങളും ജീവിത സാഹചര്യങ്ങളും മെച്ചപ്പെടുത്താന്‍ സ്ത്രീകള്‍ നടത്തിയ മുന്നേറ്റത്തിന്റെയും വ്യവസായ കുത്തകകളുടെ ആധിപത്യത്തിനുമേല്‍ വരിച്ച വിജയത്തിന്റെയും ഓര്‍മ്മപ്പെടലാണ് അന്താരാഷ്ട്ര വനിതാ ദിനം. കുറഞ്ഞ വേതനത്തിലും മോശപ്പെട്ട തൊഴില്‍ സാഹചര്യത്തിലും ജീവിക്കേണ്ടിവന്ന സ്ത്രീകളുടെ നിശ്ചയദാര്‍ഢ്യമാണ് അന്താരാഷ്ട്ര വനിതാ ദിനമെന്ന ആശയത്തിന് കാരണമായത്.

1857 മാര്‍ച്ച് എട്ടിന്, ന്യൂയോര്‍ക്കിലെ വനിതകള്‍ നടത്തിയ സമരവും പ്രക്ഷോഭവുമാണ് വനിതാദിനത്തിന് തുടക്കമായത്. തുണി മില്ലുകളില്‍ തൊഴിലെടുത്തിരുന്ന ആയിരക്കണക്കിന് സ്ത്രീകള്‍, കുറഞ്ഞ ശമ്പളത്തിനും അതിദീര്‍ഘമായ തൊഴില്‍ സമയത്തിനും മുതലാളിത്തത്തിനുമെതിരെ വോട്ടുചെയ്യാനുമുളള അവകാശത്തിനുവേണ്ടി ആദ്യമായി ശബ്ദമുയര്‍ത്തി. ആ ശബ്ദം നൂറ്റാണ്ടുകളിലൂടെ സ്ത്രീ ശബ്ദമായി മാറി. ന്യൂയോര്‍ക്കില്‍ ഉയര്‍ന്ന ഈ സമരാഗ്നി ലോകമാകെ പടര്‍ന്നുപിടിക്കാന്‍ അധികകാലം വേണ്ടിവന്നില്ല. ലോകത്തിന്റെ പല ഭാഗങ്ങളിലും സ്ത്രീകള്‍ സംഘടിക്കാനും അവകാശങ്ങള്‍ക്കുവേണ്ടി ശബ്ദമുയര്‍ത്താനും തുടങ്ങി.

യു.എസ്സില്‍ 1909 ഫെബ്രുവരി 28ന് വനിതാദിനം ആചരിച്ചു. 1910ല്‍ കോപ്പന്‍ഹേഗനില്‍ നടന്ന സമ്മേളനത്തില്‍, ലോക വനിതാ ദിനം ആചരിക്കണമെന്ന ആവശ്യമുയര്‍ന്നു. തുടര്‍ന്ന്, 1911 മാര്‍ച്ച് 19ന് ജര്‍മ്മനിയും സ്വിറ്റ്സര്‍ലന്‍ഡും ഉള്‍പ്പെടെയുള്ള രാജ്യങ്ങള്‍ വനിതാ ദിനം ആചരിച്ചു. ജര്‍മ്മനിയിലെ സോഷ്യലിസ്റ്റ് ഡെമോക്രാറ്റിക് പാര്‍ട്ടി വനിതാ വിഭാഗം അദ്ധ്യക്ഷ ക്ലാരസെട്കിനിന്റെ നേതൃത്വത്തിലായിരുന്നു ഇത്. അന്ന് 17 രാജ്യങ്ങളില്‍ നിന്നുള്ള വനിതാ പ്രതിനിധികള്‍ പങ്കെടുത്ത സമ്മേളനത്തില്‍ ഉയര്‍ന്നുവന്ന ആശയത്തിന് അപ്പോള്‍ത്തന്നെ അംഗീകാരം നല്‍കി. തൊട്ടടുത്ത വര്‍ഷം, അതായത് ഒരു നൂറ്റാണ്ട് മുമ്പ് 1911 മാര്‍ച്ച് എട്ടിന്, അന്താരാഷ്ട്രതലത്തില്‍ ഈ ദിനം വനിതാ ദിനമായി ആചരിച്ചു. 1917 മാര്‍ച്ച് എട്ടിന് റഷ്യയില്‍ നടത്തിയ വനിതാ ദിന പ്രകടനം, റഷ്യന്‍ വിപ്ലവത്തിന്റെ ഒന്നാം ഘട്ടമായാണ് കണക്കാക്കപ്പെടുന്നത്. 1975ല്‍, ഐക്യരാഷ്ട്ര സഭ മാര്‍ച്ച് എട്ട് അന്താരാഷ്ട്ര വനിതാ ദിനമായി പ്രഖ്യാപിച്ചു.

പോരാട്ടത്തിന്റെ നൂറ്റാണ്ട് ചരിത്രമാണ് വനിതാ ദിനം പറയുന്നത്. നാം ജീവിക്കുന്ന സമൂഹം തുടര്‍പോരാട്ടത്തിലൂടെ ഉടച്ചുവാര്‍ക്കപ്പെടണ്ടേതുണ്ടെന്ന് ഓര്‍മ്മപ്പെടുത്തുകയും ചെയ്യുന്നു. നമ്മുടെ സ്ത്രീകള്‍, പെണ്‍മക്കള്‍, കുഞ്ഞുങ്ങള്‍ എല്ലാവരുടെയും സുരക്ഷക്കായി സ്വയം ശക്തിപ്പെടേണ്ട കാലമായി എന്നാണ് ഈ ദിവസം നമ്മോട് പറയുന്നത്. ഓരോ വര്‍ഷവും,ഐക്യരാഷ്ട്രസഭയുടെ യു എന്‍ വുമന്‍ മുന്നോട്ട് വയ്ക്കുന്ന മുദ്രാവാക്യമാണ് ലോകമൊട്ടാകെ അംഗീകരിക്കപ്പെടുന്നത്. ആ വര്‍ഷം മുഴുവന്‍ അത് ലക്ഷ്യമാക്കിയുള്ള പ്രയത്നങ്ങളാണ് നടത്തുന്നത്. ഓരോ രാഷ്ട്രവും അവിടത്തെ സാഹചര്യത്തിനുതകുന്ന മുദ്രാവാക്യങ്ങള്‍ തയ്യാറാക്കുന്നതും പതിവാണ്. ‘കുതിക്കാം പുരോഗതിക്കായ് എന്നതാണ് ഈ വര്‍ഷം വനിതാ ദിനത്തില്‍ ഐക്യരാഷ്ട്ര സഭ മുന്നോട്ടുവെക്കുന്ന ആശയം.

എല്ലാ അമ്മമാര്‍ക്കും സോദരിമാര്‍ക്കും പെണ്‍മക്കള്‍ക്കും ലോകമെമ്പാടുമുള്ള എല്ലാ വനിതകള്‍ക്കും വനിതാദിനാശംസകള്‍ നേരുന്നു.

രാഷ്ട്രപിതാവ് മഹാത്മാഗാന്ധിയുടെ രക്തസാക്ഷിത്വത്തിന് ഇന്ന് 71 വയസ്സ്.
   പ്രണാമം...

വിളക്കുടി MMTC യിൽ നടന്ന റിപ്പബ്ളിക് ദിനാഘോഷം.. 

🇮🇳Happy Republic Day 🇮🇳 

റിപ്പബ്ലിക് ദിനം (ഇന്ത്യ)

ഇന്ത്യ ബ്രിട്ടീഷ് ഭരണത്തിൽ നിന്നും മോചിതമായി ഒരു പരമോന്നത റിപ്പബ്ലിക്രാജ്യമായമായതിന്റെ ഓർമ്മക്കായി ജനുവരി26 ന് ആഘോഷിക്കുന്നതിനെയാണ് റിപ്പബ്ലിക് ദിനം എന്നറിയപ്പെടുന്നത്. ഇന്ത്യയിലെ ദേശീയ അവധി ദിവസങ്ങളിൽ ഒന്നാണ് ജനുവരി 26.

ചരിത്രം

1947 ഓഗസ്റ്റ് 15 ന് ഇന്ത്യക്ക് സ്വാതന്ത്യം ലഭിച്ചെങ്കിലും ഇന്ത്യയുടെ പരമോന്നത ഭരണ ഘടന നിലവിൽ വന്നത് 1950 ജനുവരി 26 നാണ്. 1947 മുതൽ 1950 വരെയുള്ള കൈമാറ്റ കാലയളവിൽ ജോർജ്ജ് നാലാമനായിരുന്നു ഇന്ത്യയുടെ ഭരണ തലവൻ. ആ കാലഘട്ടത്തിലെ ഗവർണർജനറൽ സി. രാ‍ജഗോപാലാചാരി ആയിരുന്നു. 1950 ജനുവരി 26 ന് ഡോ. രാജേന്ദ്രപ്രസാദ്ഇന്ത്യയുടെ ആദ്യത്തെ രാഷ്ട്രപതിയായി തിരഞ്ഞെടുക്കപ്പെട്ടു.

ആഘോഷങ്ങൾ

ഈ ദിവസത്തിന്റെ പ്രാധാന്യം നിലനിർത്താൻ എല്ലാ വർഷവും ഇന്ത്യയുടെ തലസ്ഥാനമായ ന്യൂ ഡെൽഹിയിൽ വൻ സൈനിക പരേഡുകളും സാംസ്കാരിക പരിപാടികളും നടത്തപ്പെടുന്നു. സൈനിക പരേഡ് രാഷ്ട്രപതി ഭവനിൽ തുടങ്ങി രാജ്‌പഥിൽകൂടി ചരിത്ര പ്രസിദ്ധമായ ചെങ്കോട്ടയിൽചെന്ന് ചേർന്ന് അവസാനിക്കുന്നു. ഇന്ത്യയുടെ മൂന്ന് സേനകളായ കരസേന, നാവികസേന, വ്യോമസേന എന്നിവരുടെ സൈനികർ അവരുടെ മുഴുവൻ ഔദ്യോഗിക വേഷത്തിൽ ഈ ദിവസം പരേഡ് നടത്തുന്നു. ഇന്ത്യൻ സൈന്യത്തിന്റെ പരമോന്നത നേതാവായ രാഷ്ട്രപതി ഈ സമയം ഇതിന്റെ സല്യൂട് സ്വീകരിക്കുന്നു. ഇതു കൂടാതെ ഇന്ത്യയുടെ സാംസ്കാരിക വൈവിധ്യം കാണിക്കുന്ന ഒരു പാട് കാഴ്ചകളും ഈ പരേഡിൽ പ്രദർശിപ്പിക്കപ്പെടുന്നു. കൂടാതെ ഇന്ത്യൻ വ്യോമസേനയുടെ വിമാന സൈനിക പ്രദർശനങ്ങളും ഈ ദിവസം നടക്കുന്നു.

ഡെൽഹി കൂടാതെ എല്ലാ സംസ്ഥാന തലസ്ഥാനങ്ങളിലും അതാത് സംസ്ഥാനത്തെ ഗവർണർമാർ പതാക ഉയർത്തുകയും ചെയ്യുന്നു.

ദേശീയ യുവജനദിനം
യുവജനങ്ങള്‍ക്കായി ഒരു ദിവസം. അതെ. ജനുവരി 12 ദേശീയ യുവജനദിനമായി ആഘോഷിക്കുന്നു. 1984ലാണ് ഈ ദിവസം ദേശീയ യുവജനദിനമായി ആഘോഷിക്കാന്‍ കേന്ദ്ര സര്‍ക്കാര്‍ തീരുമാനിച്ചത്.

തുടര്‍ന്ന് 1985 മുതല്‍ എല്ലാ വര്‍ഷവും ഈ ദിനം യുവജന ദിനമായി കൊണ്ടാടുന്നു. ഭാരതത്തിലെ സന്ന്യാസിമാരില്‍ പ്രമുഖനാ‍യ വിവേകാനന്ദന്‍റെ ജന്മദിനമാണ് ദേശീയ യുവജനദിനമായി കൊണ്ടാ‍ടുന്നത് എന്ന പ്രത്യേകതയുമുണ്ട്.

വിവേകാനന്ദ സ്വാമിയുടെ തത്വങ്ങളും ആശയങ്ങളും ഇന്ത്യന്‍ യുവത്വത്തിന് പ്രചോദനമാണെന്ന് ചൂണ്ടിക്കാട്ടിയാണ് കേന്ദ്ര സര്‍ക്കാര്‍ സ്വാമിയുടെ ജന്മദിനം യുവജനദിനമായി പ്രഖ്യാപിച്ചത്. ഇന്ത്യയില്‍ എല്ലായിടത്തും ദേശീയ യുവജനം കൊണ്ടാ‍ടുന്നുണ്ട്. സ്കൂളുകളിലും കലാലയങ്ങളിലും പ്രത്യേക ചടങ്ങുകള്‍ സംഘടിപ്പിക്കുന്നു.

യുവജന സമ്മേളനങ്ങള്‍, പ്രഭാഷണങ്ങള്‍, സംഗീതം, ഘോഷയാത്രകള്‍ എന്നിവ യുവജന ദിനത്തോടനുബന്ധിച്ച് നടത്താറുണ്ട്. സ്വാമി വിവേകാനാന്ദന്‍റെ കൃതികളും പ്രഭാഷണങ്ങളും യുവജനങ്ങള്‍ക്ക് ഉത്തമ പ്രചോദനമാണെന്നാണ് വിലയിരുത്തപ്പെടുന്നത്.

1863 ജനുവരി 12ന് ജനിച്ച സ്വാമി വിവേകാന്ദന്‍റെ പൂര്‍വാശ്രമത്തിലെ പേര് നരേന്ദ്ര നാഥ് ദത്ത എന്നായിരുന്നു. പിന്നീട് ശ്രീരാ‍മകൃഷ്ണ പരമഹംസന്‍റെ ശിഷ്യത്വം സ്വീകരിച്ച് സ്വാമി വിവേകാനന്ദനായ അദ്ദേഹം വേദാന്ത യോഗയുടെ പ്രചാരകനായിരുന്നു. രാമകൃഷ്ണ മഠത്തിന്‍റെയും രാമകൃഷ്ണ ആശ്രമത്തിന്‍റെയും സ്ഥാപകനാണ് അദ്ദേഹം. ഹൈന്ദവ നവോത്ഥാനത്തിന് ശ്രമിച്ചവരില്‍ സ്വാമി വിവേകാനന്ദന്‍റെ പേര് അദ്വിതീയമാണ്.


മാതൃരാജ്യത്ത് പുരോഗമനപരമായ പ്രവര്‍ത്തനങ്ങളില്‍ ഏര്‍പ്പെട്ട സ്വാമി വിവേകാനന്ദന്‍ ഇതോടൊപ്പം യോഗയും വേദാന്തവും അമേരിക്കയിലേക്കും ഇംഗ്ലണ്ടിലേക്കും പരിചയപ്പെടുത്തി. ഈ രാജ്യങ്ങളില്‍ നിരവധി പ്രഭാഷണങ്ങളും അദ്ദേഹം നടത്തി.

പടിഞ്ഞാറന്‍ രാ‍ജ്യങ്ങള്‍ സന്ദര്‍ശിക്കുന്ന ആദ്യത്തെ അറിയപ്പെടുന്ന ഹിന്ദു സന്യാസിയാണ് സ്വാമി വിവേകാനന്ദന്‍.1893 ല്‍ ചിക്കാഗോയില്‍ നടന്ന ലോക മത പാര്‍ലമെന്‍റിലൂടെ അദ്ദേഹം ഭാരത തത്വചിന്ത ലോകത്തിന് പരിചയപ്പെടുത്തി. ഈ സമ്മേളനത്തില്‍ അദ്ദേഹം സദസ്സിനെ അഭിസംബോധന ചെയ്ത ശൈലി പ്രസിദ്ധമാണ്. എന്‍റെ സഹോദരീ-സഹോദരന്മാരെ എന്ന പ്രയോഗം അക്ഷരാ‍ര്‍ത്ഥത്തില്‍ സദസ്സിനെ കയ്യിലെടുക്കുകയായിരുന്നു.

ബാല്യ കാലം മുതല്‍ക്കേ മറ്റ് കുട്ടികളില്‍ നിന്ന് വ്യത്യസ്തനായിരുന്നു നരേന്ദ്രനാഥ് ദത്ത. ധ്യാനം വളരെ ചെറുപ്പത്തിലേ പരിശീലിച്ചിരുന്നു.ജിംനേഷ്യത്തില്‍ പരിശീലനം നടത്തിയിരുന്ന നരേന്ദ്രനാഥ് ദത്ത ഗുസ്തി, മറ്റ് കായിക ഇനങ്ങള്‍ എന്നിവയിലും പരിശീലനം നടത്തിയിരുന്നു. സംഗീതവും പഠിച്ചു. ചെറുപ്പ കാലം മുതല്‍ക്ക് തന്നെ അന്ധവിശ്വാസങ്ങളെയും അനാചാരങ്ങളോടും എതിര്‍പ്പ് പ്രകടിപ്പിച്ചിരുന്നു.

1879 ല്‍ കൊല്‍ക്കത്ത പ്രസിഡന്‍സി കോളേജില്‍ ഉന്നത വിദ്യാഭ്യാസത്തിന് ചേര്‍ന്നു. ഒരു വര്‍ഷത്തിന് ശേഷം തത്വശാസ്ത്രപഠനത്തിനായി കൊല്‍ക്കത്തയിലെ തന്നെ സ്കോട്ടിഷ് ചര്‍ച്ച് കോളേജില്‍ പ്രവേശനം തേടി. ഈ വേളയിലാണ് അദ്ദേഹം പടിഞ്ഞാറന്‍ തത്വചിന്തയിലും യൂറോപ്യന്‍ രാജ്യങ്ങളുടെ ചരിത്രത്തിലും അവഗാഹം നേടുന്നത്.

ഈശ്വരനെ കുറിച്ചുള്ള ചിന്ത മനസിനെ മഥിക്കാന്‍ തുടങ്ങിയപ്പോള്‍ അദ്ദേഹത്തെ കൊണ്ടു ചെന്നെത്തിച്ചത് ബ്രഹ്മ സമാജിലാണ്. എന്നാല്‍, അവിടെയും
തന്‍റെ മനസിലുള്ള ചോദ്യങ്ങള്‍ക്ക് ഉത്തരം ലഭിക്കാത്തതിനെ തുടര്‍ന്നാണ് അദ്ദേഹം ശ്രീരാമകൃഷ്ണ പരമഹംസന്‍റെ അടുക്കലെത്തുന്നത്. ആദ്യം ശ്രീരാ‍മകൃഷ്ണ പരമഹംസന്‍റെ ആശയങ്ങളോട് യോജിപ്പില്ലായിരുന്നെങ്കിലും പിന്നീട് വിവേകാനന്ദന്‍ ആത്മീയ ഗുരുവായി അദ്ദേഹത്തെ സ്വീകരിച്ചു. ഇവിടെ വച്ചാണ് അദ്വൈത വേദാന്ത സ്വാമി വിവേകാനന്ദന്‍ ആ‍ഭ്യസിക്കുന്നത്. 

കേരളത്തിലെ സാമൂഹിക സാമുദായിക നവോത്ഥാനത്തിൽ പ്രധാന പങ്കുവഹിച്ച വ്യക്തിയാണ് മന്നത്ത്‌ പത്മനാഭൻ(ജനുവരി 2, 1878 - ഫെബ്രുവരി 25, 1970). (കൊല്ലവർഷം 1053 ധനു 20 - 1145 കുംഭം 13) നായർ സർവീസ്‌ സൊസൈറ്റിയുടെസ്ഥാപകനാണ് ഇദ്ദേഹം ^[1]. ഇദ്ദേഹത്തെ അന്നത്തെ രാഷ്‌ട്രപതി ഭാരത കേസരി^[2]സ്ഥാനം നൽകി ആദരിച്ചിട്ടുണ്ട്. പത്മഭൂഷൺ പുരസ്കാരവും ലഭിച്ചിട്ടുണ്ട്