ഭൂമിയുടെ പുതപ്പ്

UNIT: 10

      *ഭൂമിയുടെ പുതപ്പ്*

1. എന്താണ് അന്തരീക്ഷം? 

◻️ഭൂമിയെ ആവരണം ചെയ്തിരിക്കുന്ന വായുവിന്റെ പുതപ്പാണ് അന്തരീക്ഷം. 

2.ഓക്സിജൻ,കാർബൺഡയോക്സൈഡ് എന്നീ വാതകങ്ങളുടെ അളവിനെ നിയന്ത്രിക്കുന്നതിൽ സസ്യങ്ങൾക്കുള്ള പങ്കെന്ത്?

◻️സസ്യങ്ങൾ അവയുടെ വളർച്ചയ്ക്കാവശ്യമായ ഊർജം സംഭരിക്കുന്നത് പ്രകാശസംശ്ലേഷണത്തിലൂടെയാണ്.

◻️ഇതിലൂടെ സസ്യങ്ങൾ കാർബൺഡയോക്സൈഡ് ആഗിരണം ചെയ്യുകയും അന്തരീക്ഷത്തിലേക്ക് ഓക്സിജൻ പുറന്തള്ളുകയും ചെയ്യുന്നു.

◻️മനുഷ്യനും മറ്റു ജീവജാലങ്ങൾക്കും ആവശ്യമായ പ്രാണവായുവാണ് ഈ ഓക്സിജൻ. 

3. ജീവജാലങ്ങളുടെ നിലനിൽപ്പിന് നൈട്രജൻ, കാർബൺ ഡയോക്സൈഡ് ഓക്സിജൻ, എന്നീ വാതകങ്ങൾക്ക് എത്രമാത്രം പ്രാധാന്യമുണ്ടെന്ന് കണ്ടെത്തുക.

◻️പ്രകാശസംശ്ലേഷണത്തിന് സസ്യങ്ങൾ കാർബൺ ഡയോക്സൈഡ് ഉപയോഗപ്പെടുത്തുന്നു. 

◻️ ശ്വസനപ്രക്രിയയ്ക്കായി മനുഷ്യനും മറ്റു ജന്തുജാലങ്ങളും ഓക്സിജൻ ഉപയോഗപ്പെടുത്തുന്നു. 

◻️ നൈട്രജൻ സ്ഥിതീകരണത്തിലൂടെ സസ്യവളർച്ചയ്ക്കായി നൈട്രജൻ ഉപയോഗപ്പെടുത്തുന്നു.

4. ഏതൊക്കെ മാർഗങ്ങളിലൂടെയാണ് മുഖ്യമായും പൊടിപടലങ്ങൾ അന്തരീക്ഷത്തിലെത്തിച്ചേരുന്നത്? 

• കാറ്റിലൂടെ ഭൂമിയിൽനിന്ന് ഉയർത്തപ്പെടുന്നവ.

• അഗ്നിപർവതങ്ങളിലൂടെ പുറത്തുവരുന്നവ.

◻️ ഉൽക്കകൾ കത്തുന്നതിലൂടെ ഉണ്ടാകുന്ന ചാരം. 

5. അന്തരീക്ഷത്തിലെ നേർത്ത പൊടിപടലങ്ങളെ ഘനീകരണമർമം എന്ന് വിശേഷിപ്പിക്കാൻ കാരണമെന്ത്?

👉 മേഘരൂപീകരണത്തെ സഹായിക്കുന്നതിനാൽ. 

6. അന്തരീക്ഷത്തിലെ പൊടിപടലങ്ങൾക്കുള്ള പ്രാധാന്യമെന്ത്?

* അന്തരീക്ഷത്തിലെ നേർത്ത പൊടിപടലങ്ങളെ കേന്ദ്രീകരിച്ച് ഘനീകരണ പ്രക്രിയ നടക്കുന്നതു കൊണ്ടാണ് മേഘങ്ങൾ രൂപപ്പെടുന്നത്.

7.  എവറസ്റ്റ് കൊടുമുടി കയറുന്ന പർവ്വതാരോഹകർ ഓക്സിജൻ സിലിണ്ടർ ഒപ്പം

കരുതുന്നതെന്തിനാണ്?

◻️ഉയരം കൂടുന്തോറും വാതകങ്ങളുടെ (ഓക്സിജൻ) അളവ് കുറഞ്ഞു വരുന്നു.

.7. ശൈത്യമേഖലാ രാജ്യങ്ങളിൽ കെട്ടിടങ്ങൾ നിർമിക്കുമ്പോൾ സ്ഫടികം കൂടുതലായി ഉപയോഗിക്കാറുണ്ട്. എന്തുകൊണ്ട്?

◻️സ്ഫടികതലങ്ങൾക്ക് സൗരോർജത്തെ (സൗരതാപനത്തെ) ഉള്ളിലേക്കു കടത്തി വിടാനും ഭൗമവികിരണത്തെ തടഞ്ഞു നിർത്താനും കഴിവുണ്ട്.

◻️ഇത്തരത്തിൽ കെട്ടിടങ്ങൾക്കുള്ളിൽ താപം കുറയാതെ നിലനിർത്താനാകുന്നു. 

8. താഴെ പറയുന്ന പദങ്ങൾ എന്തെന്ന് വിശദമാക്കുക.

a) *ഹരിതഗൃഹങ്ങൾ*

ഭൗമവികിരണത്തെ തടഞ്ഞു നിർത്തി സസ്യവളർച്ചയ്ക്കാവശ്യമായ താപം ഉള്ളിൽ നിലനിർത്താൻ സ്ഫടിക നിർമ്മിതികൾകൊണ്ട് കഴിയുന്നു. അതിനാൽ ഇവയെ ഹരിതഗൃഹങ്ങൾ (Green Houses) എന്നാണു വിളിക്കുന്നത്.

b) ഹരിതഗൃഹ പ്രഭാവം,

ഹരിതഗൃഹവാതകങ്ങൾ

• കാർബൺ ഡയോക്സൈഡ്, മീഥേൻ, ഓസോൺ തുടങ്ങിയ വാതകങ്ങളും നീരാവിയും ഭൂമിയിൽ നിന്നുയരുന്ന ഭൗമവികിരണത്തെ ആഗിരണം ചെയ്ത് ഭൂമിയോടടുത്തുള്ള അന്തരീക്ഷത്തിലെ താപനില കുറയാതെ നിലനിർത്തുന്നു. 

ഈ പ്രതിഭാസത്തെ *ഹരിതഗൃഹപ്രഭാവമെന്നും* (Green House Effect) ഇതിന് കാരണമാകുന്ന വാതകങ്ങളെ *ഹരിതഗൃഹവാതകങ്ങൾ* (Green House gases) എന്നും പറയുന്നത്.

9. ഏതൊക്കെയാണ് ഹരിതഗൃഹവാതകങ്ങളുടെ സ്രോതസ്സുകൾ?

◻️അഗ്നിപർവത സ്ഫോടനം,

◻️ ജൈവവസ്തുക്കളുടെ ജീർണനം തുടങ്ങിയ സ്വാഭാവിക മാർഗങ്ങളിലൂടെയും

◻️ ധാതു ഇന്ധനങ്ങൾ കത്തിക്കൽ,

◻️ മരം മുറിക്കൽ തുടങ്ങിയ പ്രവർത്തനങ്ങളിലൂടെയും ഹരിത ഗൃഹവാതകങ്ങൾ അന്തരീക്ഷത്തിലെത്തുന്നു.

10. വർധിച്ചതോതിൽ ഹരിതഗൃഹവാതകങ്ങൾ അന്തരീക്ഷത്തിലെത്തിച്ചേരുന്നതിനു കാരണമായ പ്രവർത്തനങ്ങൾക്ക് ഉദാഹരണങ്ങൾ കണ്ടെത്തുക.

◻️വനനശീകരണം, വാഹനങ്ങളിൽ നിന്നും ഫാക്ടറികളിൽ നിന്നും പുറന്തള്ളുന്ന പുക 

11. അന്തരീക്ഷത്തിൽ കാർബൺഡയോക്സൈഡിന്റെ അളവ് കൂടുന്നതിന് വന നശീകരണം

കാരണമാകുന്നു. എങ്ങനെ?

◻️അന്തരീക്ഷത്തിലെ കാർബൺഡയോക്സൈഡ് സസ്യങ്ങൾ പ്രകാശ സംശ്ലേഷണത്തിന് ഉപയോഗപ്പെടുത്തുന്നതുകൊണ്ടാണ് അളവ് ക്രമാതീതമായി വർദ്ധിക്കാത്തത്.

◻️വനനശീകരണം മൂലം മരങ്ങൾ ഇല്ലാതാവുമ്പോൾ അന്തരീക്ഷത്തിലെ

കാർബൺഡയോക്സൈഡ് ആഗിരണം ചെയ്യാത്ത അവസ്ഥയ്ക്ക് കാരണമാകുന്നു.

12. എന്താണ് ആഗോളതാപനം?

◻️ഹരിതഗൃഹ വാതകങ്ങളിലൂടെ അന്തരീക്ഷ താപനിലയിലുണ്ടാകുന്ന വർധനവിനെ

ആഗോളതാപനം (Global Warming) എന്നു വിശേഷിപ്പിക്കുന്നു.

13. ആഗോളതാപനം ഭൂമിയിലെ ജീവജാലങ്ങളുടെ നിലനിൽപ്പിന് ഭീഷണിയാവുന്നു. എങ്ങനെ ?

 ◻️ധ്രുവപ്രദേശങ്ങളിലെ മഞ്ഞുരുകുന്നതിലൂടെ സമുദ്രജലനിരപ്പുയരും

◻️ സമുദ്രതീര ആവാസവ്യവസ്ഥയിലുണ്ടാകുന്ന നാശം ഭക്ഷ്യ ദൗർലഭ്യം, വൻതോതിലുള്ള കുടിയേറ്റം തുടങ്ങിയ പ്രശ്നങ്ങൾക്കു കാരണമാകും. 

◻️ആവാസവ്യവസ്ഥയിലെ പല സസ്യജന്തുജാലങ്ങളുടെയും നാശത്തിന് വഴിതെളിക്കും.

14. ആഗോളതാപനം നിയന്ത്രിക്കാനുതകുന്ന രണ്ട് പ്രവർത്തനങ്ങൾ എഴുതുക. 

* മരങ്ങൾ വെച്ചു പിടിപ്പിക്കുക. 

*പൊതു ഗതാഗതം കൂടുതൽ ഉപയോഗപ്പെടുത്തുക. 

15. ഓസോൺ പാളി എന്നതു കൊണ്ട് എന്താണ് അർത്ഥമാക്കുന്നത്? ഇതിന്റെ പ്രാധാന്യമെന്ത്? 

◻️അന്തരീക്ഷത്തിന്റെ ഉയർന്ന ഭാഗങ്ങളിൽ ഒരു പാളിയായി ഓസോൺ വാതകം കേന്ദ്രീകരിച്ചിരിക്കുന്നതിനാൽ ഇതിനെ ഓസോൺ പാളി എന്നു പറയുന്നു.

◻️സൂര്യനിൽ നിന്നുള്ള ഹാനികരമായ അൾട്രാവയലറ്റ് രശ്മികളെ ആഗിരണം ചെയ്യുകയും ഭൂമിയിലെ ജീവജാലങ്ങളെ സംരക്ഷിക്കുകയും ചെയ്യുന്നു.

16. ക്ലോറോഫ്ളൂറോ കാർബണുകൾ, ഹാലാൻ തുടങ്ങിയ വാതകങ്ങളുടെ സ്രോതസ്സു കൾ ഏതെല്ലാം?

റഫിജറേറ്ററുകൾ, എയർകണ്ടീഷനറുകൾ, വിവിധതരം സ്പ്രേ , അഗ്നി ശമന വാതകങ്ങൾ, പെയിന്റ് തുടങ്ങിയവ. 

17. അൾട്രാവയലറ്റ് കിരണങ്ങൾ സ്യഷ്ടിക്കുന്ന ദോഷഫലങ്ങൾ എന്തെല്ലാം?

◻️കാലാവസ്ഥാ മാറ്റം

◻️തൊലിപ്പുറത്തുണ്ടാകുന്ന കാൻസർ

◻️അന്ധത, നിശാതിമിരം

അകാല വാർധക്യം. 

◻️ആഹാരശൃംഖലയുടെ തകർച്ച

◻️ കൃഷി നാശം

◻️ സസ്യവളർച്ച മുരടിക്കൽ

18. എന്താണ് ഓസോൺ സുഷിരം? ഇത് ഉണ്ടാകുന്നതെങ്ങനെ?

◻️അന്തരീക്ഷത്തിലെ ഓസോൺ പാളിയിലുണ്ടാകുന്ന ശോഷണത്തെ ഓസോൺ സുഷിരം (ozone hole) എന്നുവിളിക്കുന്നു.

. ക്ലോറോഫ്ളൂറോ കാർബണുകൾ, ഹാലാൻ തുടങ്ങിയ വാതകങ്ങൾക്ക് ദീർഘകാലം അന്തരീക്ഷത്തിൽ മാറ്റമില്ലാതെ നിലനിൽക്കാൻ ശേഷിയുണ്ട്.

ഉയർന്ന വിതാനങ്ങളിലേക്ക് എത്തുന്ന ഈ വാതകങ്ങൾ സൂര്യനിൽനിന്നുള്ള അൾട്രാവയലറ്റ് കിരണങ്ങളാൽ വിഘടിച്ച് ക്ലോറിൻ, ബാമിൻ തുടങ്ങിയ വാതക ങ്ങളായി മാറ്റപ്പെടുന്നു.

* ഈ വാതകങ്ങൾക്ക് ഓസോൺ തന്മാത്രകളെ വിഘടിപ്പിക്കാൻ കഴിയും.

19. ലോക ഓസോൺ ദിനമായി ആചരിക്കുന്നതെന്ന്? 

- സെപ്റ്റംബർ 16

20. എന്താണ് ക്രമമായ താപനഷ്ടനിരക്ക്?

ടോപോസ്ഫിയറിൽ ഓരോ 165 മീറ്റർ ഉയരത്തിനും ഒരു ഡിഗ്രി സെൽഷ്യസ് എന്ന തോതിൽ താപം കുറഞ്ഞു വരുന്നു. ഇതിനെ ക്രമമായ താപനഷ്ട നിരക്ക് എന്നു വിളിക്കുന്നു.

21. ഓരോ അന്തരീക്ഷമണ്ഡലത്തിൻ്റെയും സവിശേഷതകൾ പട്ടികപ്പെടുത്തുക.