മഗധ മുതല്‍ താനേശ്വരം വരെ

 

              UNIT: 9
*മഗധ മുതൽ താനേശ്വരം വരെ*

1. രാഷ്ട്രത്തിന് അനിവാര്യമായ ഏഴു ഘടകങ്ങളെക്കുറിച്ച് കൗടില്യൻ അർത്ഥശാസ്ത്രത്തിൽ പറയുന്നുണ്ട് . സപ്താംഗങ്ങൾ എന്നറിയപ്പെടുന്ന ഏഴു ഘടകങ്ങൾ ഏതെല്ലാം?

◽സ്വാമി : രാജാവ് 👑

◽അമാത്യൻ : മന്ത്രി /ഉദ്യോഗസ്ഥൻ.

◽ദണ്ഡ : നീതിന്യായം.

◽കോസ : ഖജനാവ് നികുതി

◽ദുർഗം : സൈന്യം/ കോട്ട

◽മിത്രം : സഖ്യങ്ങൾ.

◽ജനപദം : പ്രദേശം.

2. സപ്താംഗങ്ങൾ എന്ന ആശയം ചന്ദ്രഗുപ്തമൗര്യന്റെ ഭരണത്തിൽ എത്രമാത്രം പ്രതിഫലിച്ചിരുന്നു.

◽സപ്താംഗങ്ങളെ അടിസ്ഥാനമാക്കിയുള്ള ഒരു ഭരണവ്യവസ്ഥ.

◽പാടലീപുത്രമായിരുന്നു (ഇന്നത്തെ പാറ്റ്ന) ആസ്ഥാനം.

◽ശക്തമായ ഒരു സൈന്യം.
പല രാജ്യങ്ങളുമായും സഖ്യം സ്ഥാപിച്ചു.

◽ഭരണത്തിൽ സഹായിക്കാൻ മന്ത്രിമാരും നിരവധി ഉദ്യോഗസ്ഥരുമുണ്ടായിരുന്നു.

◽ചുറ്റുമുള്ള പ്രദേശങ്ങൾ ആക്രമിച്ചു കീഴടക്കി രാജ്യവിസ്തൃതി വർധിപ്പിച്ചു.

◽ ഭരണച്ചെലവിനായി പലതരം നികുതികൾ പിരിച്ചു.

3. മൗര്യരാജ്യത്തിന് ഇന്ത്യയിലെ ആദ്യത്തെ സാമ്രാജ്യം എന്ന പദവി നേടിക്കൊടുത്ത ഘടകങ്ങൾ എന്തെല്ലാമാണ്?

🔸 രാജ്യം വളരെ വിസ്തൃതമായിരുന്നു.

🔸 ഭരണം രാജാവിൽ കേന്ദ്രീകരിച്ചിരുന്നു.

🔸 രാജ്യത്തുടനീളം ഏകീകൃതമായ ഭരണസമ്പ്രദായം നില നിന്നിരുന്നു.

4. മൗര്യ സാമ്രാജ്യത്തിലെ ഭരണാധികാരികൾ ഫ്ലോ ചാർട്ട്.

    ചന്ദ്രഗുപ്തമൗര്യൻ
                    ⬇️
          ബിന്ദുസാരൻ
                     ⬇️
            അശോകൻ

5. അശോകന്റെ ധമ്മയെക്കുറിച്ച് കുറിപ്പ് തയ്യാറാക്കുക.

👉 ധമ്മ (ധർമം) നടപ്പാക്കാൻ അശോകന് പ്രേരണയായത് ബുദ്ധമതമാണ്.

👉 എല്ലാ മതങ്ങളിലെയും ആശയങ്ങൾ ഇതിൽ കാണാൻ കഴിയും.

👉 രാജാവും ജനങ്ങളും തമ്മിലുള്ള ബന്ധം പിതാവും മക്കളും തമ്മിലുള്ള ബന്ധം പോലെയാണ് ശിക്ഷകൾ ലഘൂകരിക്കുകയും ലളിതജീവിതത്തിന് ആഹ്വാനം ചെയ്യുകയും ചെയ്തു.

6. ധമ നടപ്പിലാക്കിയതിന്റെ ലക്ഷ്യങ്ങൾ എന്തെല്ലാമായിരുന്നു?

✅ അശോകന്റെ കാലത്ത് മൗര്യസാമാജ്യം വിശാലമായിരുന്നു.

✅ വിശാലമായ രാജ്യത്ത് ജനങ്ങൾക്കിടയിൽ ഐക്യവും സമാധാനവും സൗഹാർദവും നിലനിർത്തേണ്ടത് അനിവാര്യമായിരുന്നു.

✅ ധമ്മ പ്രചരിപ്പിക്കുന്നതിനായി അശോകൻ ഉദ്യോഗസ്ഥരെ രാജ്യത്തിന്റെ വിവിധ ഭാഗ ങ്ങളിലേക്കും രാജ്യത്തിന് പുറത്തേക്കും അയച്ചു.

✅ ധമ്മ പ്രചരിച്ച പ്രദേശങ്ങളിൽ സാമൂഹിക സംഘർഷങ്ങളും വിഭാഗീയചിന്തകളും ഇല്ലാതായി.

7. അശോകശാസനങ്ങളുടെ പ്രസക്തിയെന്ത്?

◽അശോകൻ തന്റെ ആശയങ്ങളും കല്പനകളും ജനങ്ങളിലെത്തിക്കാനായി രാജ്യത്തിന്റെ വിവിധ ഭാഗങ്ങളിൽ ശാസനങ്ങൾ സ്ഥാപിക്കുകയും പാറകളിൽ കൊത്തി വെയ്ക്കുകയും ചെയ്തു.

◽ പാതകളുടെ വശങ്ങളിലും നഗരങ്ങൾക്ക് സമീപവുമാണ് ഇവ കൂടുതലും സ്ഥാപിച്ചത്.

◽വലിയ ശിലാശാസനങ്ങൾ, ചെറിയ ശിലാശാസനങ്ങൾ, സ്തംഭശാസനങ്ങൾ എന്നിങ്ങനെ അവയെ തിരിക്കാം.

◽ശാസനങ്ങൾ അക്കാലത്തെ കലാവൈഭവത്തിന്റെ തെളിവുകൾ കൂടിയാണ്.

8. മൗര്യസാമ്രാജ്യത്തിലെ സാമ്പത്തികപ്രവർത്തനങ്ങളെ ഭരണകൂടം നിയന്ത്രിച്ചിരുന്നതെങ്ങനെ?

✍🏻 കീഴടക്കിയ പ്രദേശങ്ങളിൽ ചക്രവർത്തിയുടെ നിയന്ത്രണത്തിൽ കൃഷി ആരംഭിച്ചു.

✍🏻 കാർഷിക പുരോഗതിക്കായി ചക്രവർത്തിമാർ ജലസേചനസൗകര്യങ്ങളൊരുക്കി.

✍🏻 കൃഷിയുടെയും ഗ്രാമങ്ങളുടെയും വളർച്ച കച്ചവടപുരോഗതിക്ക് കാരണമായി.

✍🏻 കച്ചവടത്തിന്റെ പുരോഗതിക്കായി നിരവധി പാതകൾ നിർമ്മിക്കുകയും പാതയ്ക്കിരുവശവും
വൃക്ഷങ്ങൾ വെച്ചു പിടിപ്പിക്കുകയും സാധനങ്ങൾ ഇറക്കിവയ്ക്കാൻ അത്താണികൾ നിർമ്മിക്കുകയും ചെയ്തു.

9. മൗര്യസാമ്രാജ്യത്തിലെ നാണയസമ്പ്രദായത്തിന്റെ പ്രത്യേകതകൾ എന്തെല്ലാം?

◻️കച്ചവടത്തിനും ഉദ്യോഗസ്ഥർക്ക് ശമ്പളം നൽകാനും മുദ്രിതനാണയങ്ങൾ (Punch marked coins) ഉപയോഗിച്ചു.

◻️നാണയങ്ങൾ അടിച്ചിറക്കാനുള്ള അധികാരം ഭരണകൂടത്തിനായിരുന്നു.

10. നികുതിസമ്പ്രദായത്തിന്റെ പ്രത്യേകതകൾ എന്തെല്ലാം?

🔸ഉദ്യോഗസ്ഥർ കച്ചവടക്കാരിൽനിന്ന് നികുതി പിരിക്കുകയും അളവുതൂക്ക സമ്പ്രദായത്തിന്റെ കൃത്യത ഉറപ്പുവരുത്തുകയും ചെയ്തു.

🔸വൻ സൈന്യത്തെയും ഉദ്യോഗസ്ഥവൃന്ദത്തെയും നിലനിർത്താൻ ഭരണാധികാരികൾ പലതരം നികുതികൾ പിരിച്ചു.

👉 ഭാഗ : ഭൂനികുതി

👉 ബലി : പഴങ്ങൾക്കും പൂന്തോട്ടങ്ങൾക്കും മേലുള്ള നികുതി.

👉 ഉദകഭാഗ : ജലനികുതി

👉 ശൂൽക : കയറ്റുമതിയുടെയും ഇറക്കുമതിയുടെയും മേലുള്ള നികുതി.

11. കൃഷിയുടെ വ്യാപനം സാമൂഹിക അസമത്വങ്ങൾക്ക് കാരണമായതെങ്ങനെ?

◻️മൗര്യഭരണകാലത്ത് കൃഷി കൂടുതൽ വ്യാപകമായതോടെ കൃഷിയെ അടിസ്ഥാനമാക്കിയുള്ള കൈത്തൊഴിലുകൾ രൂപംകൊണ്ടു.

◽ ഇത് തൊഴിലിനെ അടിസ്ഥാനമാക്കിയുള്ള വർണസമ്പ്രദായം കൂടുതൽ ശക്തമാകുന്നതിന് ഇടയാക്കി.

◽സമൂഹത്തിൽ അന്ന് ഏഴു വിഭാഗങ്ങൾ നിലനിന്നിരുന്നു.

◽ദാസന്മാർ എന്ന് വിളിച്ചിരുന്ന അടിമകളും
കൂട്ടുകുടുംബസമ്പ്രദായം അന്നത്തെ സമൂഹത്തിന്റെ പ്രധാന സവിശേഷതകളിലൊന്നായിരുന്നു.

12. മെഗസ്തനീസിന്റെ അഭിപ്രായത്തിൽ സമൂഹത്തിൽ നിലനിന്നിരുന്ന ഏഴു വിഭാഗങ്ങൾ ഏതെല്ലാം?

1)കർഷകർ
2)തത്വചിന്തകർ
3) സൈനികർ
4) കാലിമേയ്ക്കുന്നവരും വേട്ടയാടുന്നവരും 5)കൈത്തൊഴിലുകാരും കച്ചവടക്കാരും 6)ന്യായാധിപന്മാർ
7)രാജാവിന്റെ ഉപദേശകർ

13. കുഷാന്മാരിൽ ശ്രദ്ധേയനായ ഭരണാധികാരി ആര്?
പ്രധാന ഭരണപരിഷ്കാരങ്ങൾ എന്തെല്ലാം?

*കനിഷ്കൻ*

📚 *ശകവർഷം* ആരംഭിച്ചു. (സി.ഇ 78) ഇതു പിന്നീട് ഇന്ത്യയുടെ ഔദ്യോഗിക കലണ്ടറായി അംഗീകരിച്ചു.

📚 ബുദ്ധമതത്തിന്റെ വ്യാപനത്തിന് അദ്ദേഹം നിരവധി സംഭാവനകൾ നൽകി.

📚 കനിഷ്കൻ മഹായാന ബുദ്ധമതത്തെ രാജ്യത്തെ ഔദ്യോഗിക മതമായി പ്രഖ്യാപിക്കുകയും അതിന് പ്രോത്സാഹനം നൽകുകയും ചെയ്തു.

📚 ഇന്ത്യയിലെ ആദ്യത്തെ സ്വർണനാണയങ്ങൾ പുറത്തിറക്കിയത് കുഷാനന്മാരായിരുന്നു.

📚 വൈദ്യശാസ്ത്രത്തിന് നിരവധി സംഭാവനകൾ നൽകിയ ചരകനും ശുശ്രുതനും അക്കാലത്താണ് ജീവിച്ചിരുന്നത്.

📚 ഗാന്ധാരശില്പകല രൂപപ്പെട്ടു.

14. കനിഷ്കന്റെ കൊട്ടാരത്തിലുണ്ടായിരുന്ന ബുദ്ധമതപണ്ഡിതന്മാർ ആരെല്ലാം?

അശ്വിഘോഷൻ, വസുമിത്രൻ

15. ഗാന്ധാരശില്പകലയുടെ പ്രത്യേകതയെന്ത്?

🔸 ഗ്രീക്കുകാരുടെയും റോമാക്കാരുടെയും ശില്പവിദ്യയും ഇന്ത്യയിൽ നിലനിന്നിരുന്ന ശില്പവിദ്യയും ചേർന്ന് രൂപപ്പെട്ട ഒരു പുതിയ ശൈലിയാണ്.

16. മൗര്യകാലഘട്ടത്തിനുശേഷം മധ്യേന്ത്യയിലും ദക്ഷിണേന്ത്യയിലുമായി ശക്തിപ്രാപിച്ച ഭരണാധികാരികള്‍
ആര് ? പ്രധാന ഭരണപരിഷ്കാരങ്ങൾ എന്തെല്ലാം?

◽ശതവാഹനന്മാരായിരുന്നു. ബി.സി.ഇ. ഒന്നാം നൂറ്റാണ്ടിലാണ് അവർ ഭരണം നടത്തിയിരുന്നത്.

◽പ്രതിഷത്താന (ഇന്നത്തെ മഹാരാഷ്ട്രയിലെ പൈതാൽ ) ആയിരുന്നു അവരുടെ ആസ്ഥാനം.

◽ ഉത്തരേന്ത്യയിൽ നിന്ന് കച്ചവടക്കാരും, ജൈന ബുദ്ധ ബ്രാഹ്മണമത പ്രചാരകരും ദക്ഷിണേന്ത്യയിലേക്കു വന്നു. ഇത് തെക്കും വടക്കും തമ്മിലുള്ള സാംസ്കാരികമായ വിനിമയത്തിനു കാരണമായി.

◽ഭരണാധികാരികൾ ബുദ്ധസന്ന്യാസിമാർ, ബ്രാഹ്മണർ എന്നിവർക്ക് ഭൂമി ദാനമായി നൽകി.

17. ശതവാഹനരാജ്യത്തിന്റെ ശക്തിയും വ്യാപ്തിയും വർധിപ്പിച്ച ഭരണാധികാരികൾ ആരെല്ലാം?

*ഗൗതമിപുത്രശതകർണി,  വസിഷ്ഠ പുത്രൻ*

18. ഗുപ്തകാലഘട്ടത്തിൽ വിവിധ മേഖലകളിലുണ്ടായ മാറ്റങ്ങൾ വിലയിരുത്തുക.

◽കച്ചവടത്തിന്റെ തകർച്ചയെ തുടർന്ന് ജനങ്ങൾ കൃഷിയിലേക്കു കൂടുതലായി കടന്നുവന്നു.

◽നഗരങ്ങൾക്ക് പ്രാധാന്യം നഷ്ടപ്പെട്ടു.

◽അധികാരം ഭൂവുടമകളിൽ കേന്ദ്രീകരി ക്കപ്പെട്ടു.

◽രാജവാഴ്ച ദുർബലമായി.

◽ സമൂഹത്തിൽ നിരവധി വിവേചനങ്ങൾ നിലനിന്നിരുന്നു വർണസമ്പ്രദായം കൂടുതൽ ശക്തമായി
സാഹിത്യരംഗത്തും ശാസ്ത്രരംഗത്തും പുരോഗതിയുണ്ടായി.

◽ സംസ്കൃതഭാഷയിൽ നിരവധി കൃതി കൾ രചിക്കപ്പെട്ടു.

19. ഗുപ്തകാലഘട്ടത്തിലെ ഭരണാധികാരികൾ
ഫ്ലോ ചാർട്ട്.

ചന്ദ്രഗുപ്തൻ ഒന്നാമന്‍
                    ⬇️
        സമുദ്രഗുപ്ത
                    ⬇️
              കുമാരൻ

20. കാളിദാസന്റെ പ്രധാന കൃതികൾ?
  
*അഭിജ്ഞാനശാകുന്തളം,*വികമോർവശീയം, *മാളവികാഗ്നിമിത്രം *കുമാരസംഭവം

21. വരാഹമിഹിരന്റെ പ്രധാന കൃതികൾ?

പഞ്ചസിദ്ധാന്തിക,
ലഘുജാതകം,
ബൃഹത്ജാതകം

22. ആര്യഭടീയം ആരുടെ കൃതിയാണ്?

ആര്യഭട്ട

23. അമരസിംഹന്റെ ഭാഷാനിഘണ്ടു?

അമരകോശം

24. ഗുപ്തന്മാർക്കുശേഷം പ്രാചീന ഇന്ത്യയിൽ നിലനിന്ന ശക്തമായ ഭരണാധികാരികൾ ആരായിരുന്നു?
ഇവരിൽ പ്രധാനി ആരായിരുന്നു?

*വർധനരാജാക്കന്മാർ*

   ഹർഷവർധനൻ

25. ഹർഷവർധനന്റെ സംഭാവനകൾ എന്തെല്ലാം ?

◻️ബുദ്ധമതത്തിന്റെ പ്രചാരത്തിനായി അദ്ദേഹം നിരവധി സഹായങ്ങൾ നൽകി.

◻️നളന്ദ സർവകലാശാലയുടെ ഉന്നമനത്തിനായി പല നടപടികൾ കൈക്കൊണ്ടു. അദ്ദേഹം രചിച്ച നാടകങ്ങളാണ് *രത്നാവലി, പ്രിയദർശിക, നാഗാനന്ദം* എന്നിവ.

26.വർധനരാജാക്കന്മാരുടെ കാലഘട്ടത്തക്കുറിച്ച് പ്രധാനമായും വിവരങ്ങൾ ലഭിക്കുന്ന സ്രോതസ്സുകൾ
ഏതെല്ലാം?

*ബാണ ഭട്ടൻ* രചിച്ച ' *ഹർഷചരിതം* '

ചൈനീസ് സഞ്ചാരിയായ *ഹുയാൻസാങ്ങിന്റെ*  വിവരണങ്ങൾ.