വൈവിധ്യങ്ങളുടെ ഇന്ത്യ

#വൈവിധ്യങ്ങളുടെ ഇന്ത്യ 

📚 ഇന്ത്യയുടെ കാലാവസ്ഥയെ സ്വാധീനിക്കുന്ന ഘടകങ്ങൾ. 

◻️അക്ഷാംശ സ്ഥാനം

◻️ഭൂപ്രകൃതി

◻️സമുദ്രസാമീപ്യം

◻️സമുദ്രനിരപ്പിൽ നിന്നുള്ള ഉയരം

◻️കാറ്റുകൾ

◻️പർവ്വതങ്ങൾ

🔸ഇന്ത്യയിലെ ഋതുക്കൾ ഏവ?

1️⃣ശൈത്യകാലം

2️⃣ഉഷ്ണകാലം

3️⃣തെക്കുപടിഞ്ഞാറൻ മൺസൂൺ കാലം

4️⃣ വടക്കു കിഴക്കൻ മൺസൂൺ കാലം(മൺസൂണിന്റെ പിൻവാങ്ങൽ കാലം)

🔸 ഇന്ത്യയിലെ *ശൈത്യകാലത്തിന്റെ* സവിശേഷതകൾ.

◻️സൂര്യന്റെ ദക്ഷിണായന കാലത്താണ് ഇന്ത്യയിൽ ശൈത്യകാലം അനുഭവപ്പെടുന്നത്. 

◻️ഡിസംബർ, ജനുവരി, ഫെബ്രുവരി മാസങ്ങളിലാണ് ഇന്ത്യയിൽ ശൈത്യകാലം.

◻️പലഭാഗങ്ങളിലും കനത്ത മൂടൽമഞ്ഞും ഹിമാലയത്തിന്റെ താഴ്‌വരയില്‍  മഞ്ഞുവീഴ്ചയും ഉണ്ടാവുന്നു.

◻️ശൈത്യകാലത്ത് ഇന്ത്യയുടെ തെക്കുനിന്നും വടക്കോട്ട് പോകുന്തോറും താപനില കുറഞ്ഞു കുറഞ്ഞു വരുന്നു.

◻️ശൈത്യകാലത്ത് ഉത്തരേന്ത്യയിൽ പകൽസമയത്ത് മിതമായ ചൂടും രാത്രികാലങ്ങളിൽ തണുപ്പും

അനുഭവപ്പെടുന്നു.

ഈ കാലഘട്ടത്തിൽ അനുഭവപ്പെടുന്ന ഒരു പ്രതിഭാസമാണ് പശ്ചിമ അസ്വസ്ഥത.

🔸എന്താണ് പശ്ചിമ അസ്വസ്ഥത 

◻️ശൈത്യകാലത്ത് മെഡിറ്ററേനിയൻ കടലിൽ രൂപം കൊള്ളുന്ന ശക്തമായ ന്യൂനമർദ്ദം ക്രമേണ കിഴക്കോട്ട് നീങ്ങി ഇന്ത്യയിലെത്തുന്നു.

◻️ഇത് ഉത്തര മഹാസമതലപ്രദേശങ്ങളിൽ, പ്രത്യേകിച്ച് പഞ്ചാബിൽ ശൈത്യകാല മഴക്ക് കാരണമാകുന്നു.

 ◻️ഇതിനെയാണ് പശ്ചിമ അസ്വസ്ഥത എന്ന് അറിയപ്പെടുന്നത്.

◻️ടോപ്പോപ്പാസിലൂടെയുള്ള അതിശക്തമായ വായുപ്രവാഹമായ ജെറ്റ് പ്രവാഹമാണ് പശ്ചിമ അസ്വസ്ഥതയെ ഇന്ത്യയിലെത്തുന്നത്.

🔸 എന്താണ് *ഒക്ടോബർ* ചൂട് ?

ഒക്ടോബർ നവംബർ മാസങ്ങളിലായി ഇന്ത്യയൊട്ടാകെ അനുഭവപ്പെടുന്ന ഉയർന്ന ഊഷ്മാവും ആർദ്രതയും പകൽ സമയങ്ങളെ ദുസഹമാക്കുന്ന പ്രതിഭാസമാണ് *ഒക്ടോബർ ചൂട്*.

🔸 ഇന്ത്യയിലെ  *ഉഷ്ണകാലം*

മാർച്ച്, ഏപ്രിൽ, മെയ് മാസങ്ങളിലാണ് ഇന്ത്യയിൽ ഉഷ്ണകാലം അനുഭവപ്പെടുന്നത്.

സൂര്യന്റെ ഉത്തരായന കാലത്താണ് ഇന്ത്യയിൽ വേനൽക്കാലം അനുഭവപ്പെടുന്നത്.

🔸 *തെക്കുപടിഞ്ഞാറൻ മൺസൂൺ കാലം*

ഉത്തരാർദ്ധഗോളത്തിൽ വേനൽക്കാലത്ത് ഏതാണ്ട് മെയ് അവസാനം ഇന്ത്യയിൽ ഉത്തരമഹാസമതലത്തിൽ ശക്തമായ നൂനമർദ്ദം രൂപംകൊള്ളുന്നു.

◻️ഈ ന്യൂനമർദ്ദമേഖലയിലേക്ക് ദക്ഷിണാർദ്ധഗോളത്തിൽ വീശുന്നു തെക്കുകിഴക്കൻ വാണിജ്യവാതം ഭൂമധ്യരേഖ മുറിച്ച് കടക്കുന്ന തെക്കുകിഴക്കൻ വാണിജ്യ വാതങ്ങൾ ദിശാവ്യതിയാനം സംഭവിച്ച തെക്കുപടിഞ്ഞാറൻ മൺസൂൺ കാറ്റായി വീശുന്നു.

◻️തെക്കുപടിഞ്ഞാറൻ മൺസൂൺ കാറ്റുകളെ ഇന്ത്യൻ ഉപഭൂഖണ്ഡം

◻️ അറബിക്കടൽ ശാഖ എന്നും,

◻️ ബംഗാൾ ഉൾക്കടൽ ശാഖ എന്നും

രണ്ടായി വിഭജിക്കുന്നു.

 👉 *അറബിക്കടൽ ശാഖ*

◻️അറബിക്കടലിൽ നിന്നും നീരാവി വഹിച്ചുകൊണ്ട് വരുന്ന അറബിക്കടൽ ശാഖ പശ്ചിമഘട്ടത്തിന്റെ

പടിഞ്ഞാറുഭാഗത്ത് തട്ടി ഉയർന്നുപൊങ്ങി മഴയായ് പശ്ചിമഘട്ടത്തിന്റെ പടിഞ്ഞാറുഭാഗത്ത് പെയ്തിറങ്ങുന്നു.

◻️കേരളം, ഗോവ, മഹാരാഷ്ട്ര, ഗുജറാത്ത് എന്നീ സംസ്ഥാനങ്ങളിൽ മഴപെയ്യിക്കുന്നു.

👉 *ബംഗാൾ ഉൾക്കടൽ ശാഖ*

◻️ബംഗാൾ ഉൾക്കടലിൽ നിന്നും നീരാവി വഹിച്ചെത്തുന്ന ഈ ശാഖ പൂർവ്വ ഘട്ടത്തിനു സമാന്തരമായി വടക്കോട്ട് സഞ്ചരിച്ച് ഹിമാലയ 

പർവ്വതത്തിൽ തട്ടി രണ്ടായി പിരിയുന്നു.

🔸 *മൺസൂണിന്റെ പിൻവാങ്ങൽ കാലം* (വടക്കുകിഴക്കൻ മൺസൂൺ കാറ്റുകൾ)

◻️സെപ്റ്റംബർ, ഒക്ടോബർ മാസങ്ങളിലാണ് വടക്കു കിഴക്കൻ മൺസൂൺ കാലം അനുഭവപ്പെടുന്നത്.

◻️വടക്കു കിഴക്കൻ മൺസൂൺ കാറ്റുകൾ വരണ്ട കാറ്റുകൾ ആയതിനാൽ ഇത് ഇന്ത്യയിൽ പൊതുവെ മഴ ഉണ്ടാക്കാറില്ല.

 മൺസൂണിന്റെ പിൻവാങ്ങൽ കാലമെന്നും വിശേഷിപ്പിക്കാറുണ്ട്.

മഴക്കാലത്തിനും ശൈത്യകാലത്തിനും ഇടയിലുള്ള ഇടവേളയാണിത്.

 ◻️  തമിഴ്നാട് തീരത്ത് കനത്ത മഴക്ക് കാരണമാകുന്നു.

❓ കേരളത്തിൽ വടക്കുകിഴക്കൻ മൺസൂൺ കാലം അറിയപ്പെടുന്നത് *തുലാവർഷം* എന്നാണ്.