ശ്രീനാരായണ ഗുരു ഓപ്പണ്‍ യൂണിവേഴ്‌സിറ്റി : വന്ദിച്ചില്ലെങ്കിലും നിന്ദിക്കരുത് ഗുരുദേവനെ.

 വന്ദിച്ചില്ലെങ്കിലും നിന്ദിക്കരുത് ഗുരുദേവനെ ...

കേരള വിദ്യാഭ്യാസ രംഗത്ത് പുരോഗമനപരമായ തുടക്കമായിരുന്നു ശ്രീനാരായണഗുരു ഓപ്പണ്‍ യൂണിവേഴ്‌സിറ്റി. ഇഗ്നോയ്ക്ക് സമാനമായ രീതിയില്‍ കേരളത്തില്‍ തന്നെ ഒരു ഓപ്പണ്‍ യൂണിവേഴ്‌സിറ്റി വരുന്നത് അഭിമാനകരമായി തന്നെ കണ്ടിരുന്നു. വിദൂര വിദ്യാഭ്യാസത്തിന് പുത്തന്‍ ദിശാബോധം നൽകുമെന്ന് പ്രഖ്യാപനം മാത്രമായി ഒതുങ്ങി.  2.32 ലക്ഷം വിദ്യാർത്ഥികൾ പഠിച്ചിരുന്ന കേരളത്തിലെ വിവിധ സർവ്വകലാശാലകളുടെ വിദൂര വിദ്യാഭ്യാസവും പ്രൈവറ്റ് കോളേജുകളും ഒരു നിമിഷം കൊണ്ട് പൂട്ടിക്കുകയാണ് സര്‍ക്കാര്‍ ചെയ്തത്. 

വിദ്യാഭ്യാസത്തിലൂടെ സാമൂഹ്യ പുരോഗതി ഉണ്ടാകുമെന്ന ഗുരുവിന്റെ വീക്ഷണത്തിന്റെ ഉദാഹരണമാണ്  "വിദ്യ കൊണ്ട് സ്വതന്ത്രരാവുക" എന്ന അദ്ദേഹത്തിന്റെ തത്വം തന്നെ. കേരള സര്‍ക്കാരിന്റെ നടപടികളെ കേരള സമൂഹം പ്രതീക്ഷയോടെ കണ്ടെങ്കിലും പ്രതീക്ഷകള്‍ പാളി. നവോത്ഥാന കേരള ശിൽപിയായ ഗുരുദേവനെ വോട്ട് ബാങ്കിന് വേണ്ടി സര്‍ക്കാര്‍ ഉപയോഗിക്കുന്നു എന്ന ആരോപണങ്ങൾ ഉയര്‍ന്നതും കേരളം കണ്ടതാണ്. 

യുജിസി യുടെ അംഗീകാരം പോലും ലഭിക്കാതെ ഒരു സർവ്വകലാശാല തട്ടിക്കൂട്ടി രൂപീകരിക്കുക എന്നത് വിദ്യാർത്ഥികളെ വഞ്ചിക്കുന്നത് മാത്രമല്ല ഗുരുദേവന്റെ ആദർശങ്ങളെ അപമാനിക്കുന്നതിന് തുല്യമാണ്. ഒരു ഓപ്പണ്‍ സർവ്വകലാശാല ഇത്രയ്ക്ക് നിരുത്തരവാദപരമായി രൂപീകരിക്കേണ്ടതാണോ ? കൺസ്യൂമർഫെഡിൻ്റെ പണത്തിന് വേണ്ടി പതിനഞ്ചു തവണ സ്വപ്നയെ വിളിച്ച ഉന്നത വിദ്യാഭ്യാസ മന്ത്രി ഒരു തവണ ഈ യൂണിവേഴ്‌സിറ്റിക്ക് വേണ്ടി വിളിച്ചിട്ടുണ്ടെങ്കിൽ അത് വിസി നിയമനത്തിന് വേണ്ടി മാത്രമാണ്. കേരള സർവകലാശാലയ്ക്ക് കീഴിലെ ബിരുദ-ബിരുദാനന്തര കോഴ്സുകളുടെ അഡ്മിഷൻ നടപടികള്‍ പോലും പൂർത്തികരിക്കാൻ ഇതുവരെ കഴിയാത്ത  കൂട്ടരാണ് ഓപ്പണ്‍ യൂണിവേഴ്‌സിറ്റി നിർമ്മിക്കുന്നത്.  ഈ യൂണിവേഴ്‌സിറ്റിയിലെ  നിയമനങ്ങൾ സര്‍ക്കാര്‍ നാമനിര്‍ദേശം കൂടിയാവുമ്പോൾ സമ്പൂര്‍ണ അഴിമതിക്ക് കാരണം ആകുമെന്നത് തീർച്ചയാണ്. ഹൈക്കോടതിയിൽ നിരന്തരം തിരിച്ചടി നേരിടുന്ന യുജിസി അംഗീകാരം ഇല്ലാത്ത ഈ സർവ്വകലാശാലയിൽ എന്ത് വിശ്വാസത്തില്‍ വിദ്യാർത്ഥികൾ പഠിക്കും ?  ഈ സർവ്വകലാശാലയ്ക്ക് വേണ്ടി ഒരു വെബ്‌സൈറ്റ് പോലും നിർമ്മിക്കാൻ ഇതുവരെ കഴിഞ്ഞിട്ടില്ലെന്നത് വസ്തുതയാണ്.

      🖋  അതുൽ കമുകുംചേരി -

Teachers vacancies (2020)

 *അധ്യാപക നിയമനം. 8000 ഒഴിവുകൾ*

*ഫിസിക്കൽ എഡ്യൂക്കേഷൻ, ഇംഗ്ലീഷ്, ഹിന്ദി, ഹിസ്റ്ററി, പൊളിറ്റിക്സ്, ഫിസിസ്ക്, കെമിസ്ട്രി, ബയോളജി, സൈക്കോളജി, കോമേഴ്‌സ്, കമ്പ്യൂട്ടർ സയൻസ് തുടങ്ങി 17 സബ്ജക്ടിലേക്കാണ് നിയമനം നടക്കുന്നത്.*

കൂടുതൽ വിവരങ്ങൾക്ക്

👇👇👇👇

http://aps-csb.in/College/Index_New.aspx

Spoken English

 #English 

#SreeNarayanaGuruOpenUniversity, Kerala.

കൊല്ലം ആസ്ഥാനമായി ശ്രീനാരായണ ഗുരു ഓപ്പണ്‍ യൂണിവേഴ്‌സിറ്റി വരുന്നതോടെ കേരളത്തിലെ വിദൂര പഠന സമ്പ്രദായത്തിന് ഒരു ഏകീകൃത രീതി കൈവരുന്നു. വിദൂര പഠനം രണ്ട് വര്‍ഷം മുമ്പ് തന്നെ യുജിസി അവസാനിപ്പിച്ചതാണ്. വിദൂര പഠനം തുടർന്നിരുന്ന കേരളാ യൂണിവേഴ്‌സിറ്റി ഉൾപ്പെടെയുള്ള സർവ്വകലാശാലകൾക്ക് യുജിസി അന്ത്യശാസനം നല്‍കിയിരുന്നു. ഫലത്തില്‍ New Education Policy 2020 യുടെ ചുവടുപിടിച്ചാണ് ഓപ്പണ്‍ യൂണിവേഴ്‌സിറ്റിയുടെ രൂപകല്‍പ്പന. വിദൂര പഠനത്തിന് പുറമെ പ്രൈവറ്റ് രജിസ്ട്രേഷനും ഇനി ഓപ്പണ്‍ യൂണിവേഴ്‌സിറ്റിയ്ക്ക് കീഴിലാകും. സെനറ്റ്, സിന്‍ഡിക്കേറ്റ്, അക്കാദമിക് കൗണ്‍സില്‍ തുടങ്ങിയ ഭരണനിർവഹണ സംവിധാനവും ഉണ്ടാകും. ഇന്ദിരാഗാന്ധി നാഷണല്‍ ഓപ്പണ്‍ യൂണിവേഴ്‌സിറ്റിയ്ക്ക് സമാനമായ രീതിയില്‍ തന്നെ മേഖലാ കേന്ദ്രങ്ങളും സ്റ്റഡി സെന്ററുകളും ഉണ്ടാകും. സയന്‍സ് വിഷയങ്ങളില്‍ ഡിഗ്രി, പി.ജി ഉണ്ടാകും അതിനായി ഗവണ്മെന്റ്, എയ്ഡഡ് കോളേജ് സൗകര്യം ഉപയോഗപ്പെടുത്തും. പ്രധാനപ്പെട്ട സയന്‍സ്, ആർട്സ് വിഷയങ്ങൾ ഉണ്ടാകും.

           

യുജിസി വിദൂര വിദ്യാഭ്യാസം അവസാനിപ്പിച്ച് ഓപ്പൺ സർവ്വകലാശാലയ്ക്ക് രൂപം നല്‍കാന്‍ രണ്ട് വര്‍ഷം മുമ്പ് തന്നെ നിർദ്ദേശം നൽകിയതാണ്. വരുന്ന സംസ്ഥാന മന്ത്രിസഭ യോഗത്തില്‍ യൂണിവേഴ്‌സിറ്റിയ്ക്ക് അംഗീകാരം നല്‍കും. ഈ വര്‍ഷം തന്നെ അഡ്മിഷൻ നടപടികള്‍ ആരംഭിക്കുമെന്നും അറിയുന്നു.
#SreeNarayanaGuruOpenUniversity
#ശ്രീനാാരായണഗുര_ഓപ്പ്ൺ_സർവകലാശാല

 

September 5 : Teachers Day

 Happy teachers day 

Beautiful Nature

Nature

 

#വികലമാകരുത്_വിദ്യാഭ്യാസ_നയം. 

 ഇന്ത്യയിലെ വിദ്യാഭ്യാസ രംഗത്ത് മൂന്നര പതിറ്റാണ്ടിനുശേഷം നിലവില്‍ വന്ന വിദ്യാഭ്യാസ നയമാണ് ഇന്ന് ചര്‍ച്ചയാകുന്നത്. രാജ്യത്തെ വിദ്യാഭ്യാസ സമ്പ്രദായത്തില്‍ കാതലായ മാറ്റങ്ങള്‍ അനിവാര്യമാണ് കാരണം സാമൂഹ്യമാറ്റങ്ങൾക്ക് അനുസൃതമായി വിദ്യാഭ്യാസ നയവും മാറേണ്ടതുണ്ട്.  1834  മെക്കാളെ പ്രഭു കൊണ്ടുവന്ന താഴെ തട്ടിലേക്കുള്ള അരിച്ചിറങ്ങൽ ( Downword Filtration Theory) യും ഇന്ത്യന്‍ വിദ്യഭ്യാസ മാഗ്നാകാർട്ട എന്ന് വിശേഷിപ്പിക്കപ്പെട്ട 1854 ലെ വുഡ്സ് ഡെസ്പാച്ചും വിദ്യാഭ്യാസ രംഗത്ത്  കൊണ്ടുവന്ന മാറ്റങ്ങൾ പ്രസക്തമാണ്. സ്വാതന്ത്ര്യാനന്തരം നിലവിൽ വന്ന രാധാകൃഷ്ണന്‍ കമ്മീഷനും, മുതലിയാര്‍ കമ്മീഷനും, കോത്താരി കമ്മീഷനും വിദ്യാഭ്യാസ രംഗത്തെ നെടുംതൂണുകൾ എന്ന് പറയേണ്ടി വരും.  1986 ലെ നവീന വിദ്യാഭ്യാസ നയം ( New Education Policy) നിലവില്‍ വന്നപ്പോഴും നിലവിലുള്ള വിദ്യാഭ്യാസ സമ്പ്രദായത്തെ കൂടുതല്‍ കാര്യക്ഷമമാക്കുകയും വിദൂര വിദ്യാഭ്യാസത്തിനും പ്രാഥമിക വിദ്യാഭ്യാസത്തിനും കാതലായ മാറ്റങ്ങള്‍ കൊണ്ടുവരുകയും ചെയ്തു.

          മൂന്നര പതിറ്റാണ്ടിനുശേഷം ഭാരതത്തിലെ വിദ്യാഭ്യാസ രംഗത്ത് ദിശബോധം നൽകുമെന്ന് പറയപ്പെടുന്ന ഡോ. കസ്തൂരിരംഗൻ്റെ നേതൃത്വത്തിലുള്ള സമിതി റിപ്പോര്‍ട്ടുകളിലെ ചില നിര്‍ദേശങ്ങള്‍ സ്വാഗതാർഹവും ചിലത് തികഞ്ഞ  ഇതികർത്തവൃതാമൂഢത്വാവസ്ഥയിലുള്ളതാണ് .ഇത്തരത്തിലുള്ള പിഴവുകള്‍ വസ്തുതാപരമായി സൂചിപ്പിക്കുവാൻ ഞാന്‍ ആഗ്രഹിക്കുന്നു.

1. 2030 ന് ശേഷം നിലവിലുള്ള ബി. എഡ് കോഴ്സ് അപ്രസക്തമായി മാറുകയും , പിന്നീടുള്ള അധ്യാപക നിയമനത്തിനുള്ള അടിസ്ഥാന യോഗ്യത ഇൻ്റഗ്രേറ്റഡ് ബി. എഡ് ആയി നിശ്ചയിക്കുന്നു.

നിലവില്‍ രണ്ട് വര്‍ഷ ബി.എഡ് പഠിച്ചവരും പഠിക്കുന്നവർക്കും 2030 ന് ശേഷം ഭ്രഷ്ട് കല്പിക്കുന്നത് എന്തിനാണ് ?  

നിലവിലെ രണ്ട് വര്‍ഷ ബി.എഡ്  വിദ്യാർത്ഥികളോട് കോഴ്സ് തുടരാന്‍ ആവശ്യപ്പെടുന്നത് അവരെ വഞ്ചിക്കുന്നതിന് തുല്യമല്ലേ ?

നിലവില്‍ സാങ്കേതിക വിദ്യയിലധിഷ്ഠിതമായി ബി. എഡ് ചെയ്തവർക്ക് 2030 ശേഷം വിലക്ക് വെയ്ക്കുന്നത് എന്ത് അടിസ്ഥാനത്തിലാണ് , കേന്ദ്ര - സംസ്ഥാന സര്‍ക്കാര്‍ മാനദണ്ഡം പാലിച്ച് പഠിച്ചതാണോ തെറ്റ് ? 

രാജ്യത്ത് തൊഴിലില്ലായ്മ കുത്തനെ വർദ്ധിക്കുമ്പോൾ, സംസ്ഥാനത്ത് നിയമന നിരോധനാവസ്ഥയിൽ നിലനില്‍ക്കുമ്പോൾ എങ്ങനെ ഇനിയുള്ള 9 വർഷത്തിനുള്ളിൽ അധ്യാപക ജോലിയില്‍ പ്രവേശിക്കാനാകും ?  

2.ആറാം ക്ലാസ് മുതല്‍ തൊഴിലധിഷ്ഠിത വിദ്യാഭ്യാസത്തിനൊപ്പം ഇൻ്റേൺഷിപ്പും നടപ്പാക്കുമെന്നാണ് നയം വ്യക്തമാക്കുന്നത്. അതിനായി നൽകിയിരിക്കുന്ന തൊഴിലുകള്‍ മരപ്പണി, കരകൗശല നിർമ്മാണം, മൺപാത്ര നിർമ്മാണം എന്നിവയ്ക്കൊപ്പം വ്യാപാരികള്‍ക്കൊപ്പം ഇൻ്റേൺഷിപ്പും ആണ് പറയുന്നത്. ആർട്ടിക്കിൾ 24 നിലനില്‍ക്കുന്ന ഒരു രാജ്യത്താണ് ഇങ്ങനെ ഒരു ഇന്റേൺഷിപ്പിനുള്ള ശുപാര്‍ശ എന്നതും ആശ്ചര്യപ്പെടുത്തുന്നു. കാലത്തിന് അനുസരിച്ചുള്ള മാറ്റം ഉൾക്കൊള്ളുന്നതാണോ ഈ തൊഴിലുകൾ?

3. 15 വർഷം കൊണ്ട് എല്ലാ കോളേജുകൾക്കും സ്വയംഭരണാധികാരം ലഭിക്കുമെന്ന് പറയുന്നുണ്ടെങ്കിലും അതിന്റെ അടിസ്ഥാനം എന്താണ്?

സർവകലാശാലകൾ കാഴ്ചക്കാരൻ്റെ റോളിലേക്ക് മാറുമ്പോൾ കോളേജുകളുടെ നിയന്ത്രണം ആരുടെ കൈകളിലാണ് നിക്ഷിപ്തമാകുന്നത്?.

4. രാജ്യാന്തര സർവ്വകലാശാലകളുടെ പ്രവര്‍ത്തനം ഇന്ത്യയില്‍ എങ്ങനെ  സാധ്യമാക്കും ?

അതിനുള്ള ഗുണപരമായ സമീപനങ്ങള്‍ എന്തെല്ലാമാണ് ?.

5.. നാല് വര്‍ഷ ഇൻ്റഗ്രേറ്റഡ് ഡിഗ്രി കോഴ്സിൽ ബി. എഡ് പരിശീലനം എങ്ങനെ നടപ്പാക്കും? സിദ്ധാന്തങ്ങളിലൂടെയുള്ള അധ്യാപക പരിശീലന പഠനമാണോ, അതോ പരിശീലനത്തിലൂടെയുള്ള പഠനത്തിനാണോ പ്രാമുഖ്യം നല്‍കുന്നത് ?

പരിശീലനം ഇല്ലാത്ത ബി.എഡ് വരും തലമുറയെ നിശ്ചലാവസ്ഥയിലാക്കും.

        വിദ്യാഭ്യാസ നയങ്ങൾ കാലോചിതമായി പരിഷ്കാരിക്കുന്നതിനും പാഠ്യപദ്ധതിയിലും പഠനരീതിയിലും മാറ്റം ഉണ്ടാക്കാന്‍ കഴിയുന്നതാകണം വിദ്യാഭ്യാസ നയം.  484 പേജുള്ള ഡോ. കസ്തൂരിരംഗൻ്റെ പുത്തൻ വിദ്യാഭ്യാസ നയ റിപ്പോര്‍ട്ട് 64 പേജായി ചുരുങ്ങിയെന്നതും പ്രസക്തമാണ്. 

" ഒരു മനുഷ്യനിലുള്ള സമഗ്രമായ കഴിവുകളുടെ - ശാരീരിക - മാനസിക - ആദ്ധ്യാത്മിക - പൂർണ്ണതയുടെ വികസനവുമാണ് വിദ്യാഭ്യാസമെന്നതു കൊണ്ട് അർത്ഥമാക്കുന്നത് " എന്ന രാഷ്ട്രപിതാവിൻ്റെ വാക്കുകള്‍ അർത്ഥപൂർണ്ണമാക്കുന്നതാകണം നമ്മുടെ വിദ്യാഭ്യാസ നയം. അതിനുള്ള ശേഷി ഇന്നത്തെ വിദ്യാഭ്യാസ നയത്തിന് ഉണ്ടോ എന്ന് പൊതുസമൂഹം പരിശോധിക്കട്ടെ  അതിന് ശേഷം നടപ്പിലാക്കാം. പുതിയ വിദ്യാഭ്യാസ നയത്തെ കുറിച്ചുള്ള ചർച്ചകളും മാറ്റങ്ങളും നമ്മുടെ സമൂഹത്തിന് തന്നെ ഗുണപരമാകും.

        #NEP2020

           🖋 അതുൽ കമുകുംചേരി.

 

 #ചങ്കല്ല_ചതിയാണ്_ചൈന

കിഴക്കനേഷ്യയിലെ  ഏറ്റവും വലിയ രാജ്യമായ ചീനയുടെ അതായത്  ചൈനയുടെ പടിഞ്ഞാറന്‍ പ്രവിശ്യയിലാണ് ഇസ്ലാം മത വിശ്വാസികളായ ഉയിഗുർ വംശജർ ബഹുഭൂരിപക്ഷമുള്ള സിൻജിയാങ് സ്ഥിതിചെയ്യുന്നത്.  പ്രാചീന പട്ടുപാതയുടെ ഭാഗമാണ് സിൻജിയാങ്. പുരാതന കാലം മുതല്‍ തന്നെ പട്ടിൻ്റെയും രത്നങ്ങളുടെയും വ്യാപാരികളായിരുന്നു ഉയിഗുർ വംശജർ. ലോകം കണ്ടതിൽ എറ്റവും വലുതും ആസൂത്രിതവുമായ വംശഹത്യയ്ക്കാണ് സിൻജിയാങ് സാക്ഷ്യം വഹിച്ചുകൊണ്ടിരിക്കുന്നത്. 

                   ചൈന അവലംബിച്ചിരുന്ന ഒറ്റ കുട്ടി നയം തിരുത്തുകയും ഭൂരിപക്ഷ മതവിഭാഗമായ ഹാൻ വംശജരുടെ ഇടയില്‍ കൂടുതല്‍ കുട്ടികളുണ്ടാകാനുള്ള പ്രോത്സാഹനം നല്‍കുകയുമാണ് ചൈനീസ്  ഭരണകൂടം ചെയ്തത്.  90 ലക്ഷത്തിനടുത്ത് ജനസംഖ്യയുള്ളവരാണ് ഉയിഗുർ വംശജർ.  ഉയിഗുർ വംശജരുടെ ജനസംഖ്യ കുറയ്ക്കുന്നതിനായി ചൈന സ്വീകരിച്ച നടപടികളാണ് ഇന്ന് ലോകമനസാക്ഷിയെ ഞെട്ടിക്കുന്നത്.   ജനസംഖ്യ നിയന്ത്രണത്തിനായി സര്‍ക്കാര്‍ ഉയിഗുർ സ്ത്രീകളുടെ ഇടയില്‍ നിർബന്ധിത ഗർഭപരിശോധന നടത്തിയും വന്ധൃംകരണവും ഗർഭഛിദ്രവും അവർക്കിടയിൽ അടിച്ചേല്പിച്ചു. ചൈനീസ് കോൺസൻട്രേഷൻ ക്യാമ്പുകളില്‍ കുട്ടികളും സ്ത്രീകളും ഉള്‍പ്പെടെ പത്തുലക്ഷത്തിലധികം ആളുകളെ പാർപ്പിച്ചിരിക്കുന്നുവെന്നാണ് കണക്കുകള്‍.

               ചൈന എന്നും നിഗൂഢതകളുടെ രാജ്യമാണ്, അവർ ചവച്ചു തൂപ്പുന്ന മാലിന്യം പോലും നിർമ്മിത വസ്തുക്കളായി ലോകവിപണിയെ കീഴടക്കുകയാണ്. ചിലര്‍ക്ക് ചൈന ചങ്കിലാണെങ്കിൽ,  ലോകത്തിന് അവര്‍ മരണത്തിൻ്റെ വ്യാപാരികള്‍ തന്നെയാണ്.  ഉയിഗുർ വംശജരുടെ പ്രതിഷേധങ്ങളും ശബ്ദവും ചൈനയുടെ അധികാരമുഷ്ഠിക്കുള്ളിൽ ഞെരിഞ്ഞമരുമ്പോൾ ലോകജനത തന്നെ ഈ ക്രൂരതയ്ക്ക് മുന്നില്‍ മൂകസാക്ഷിയായി  നിൽക്കുന്ന ചിത്രം എത്രയും വേദനയോടെ മാത്രമേ കാണാന്‍ കഴിയുകയുള്ളൂ.

          ✒️അതുൽ കമുകുംചേരി

ആരാണ് മരണത്തിന്റെ വ്യാപാരികള്‍?

കോവിഡ് ബാധിതരുടെ എണ്ണം പ്രതിദിനം വര്‍ദ്ധിച്ച് വരുന്ന സാഹചര്യത്തിലൂടെയാണ് നാം കടന്നുപോകുന്നത്. നമ്മുടെ തലസ്ഥാനം തന്നെ എറ്റവും ഭീകരമായ അവസ്ഥയിലൂടെയാണ് കടന്നുപോകുന്നതെന്ന് ഏതൊരു കുട്ടിക്ക് പോലും അറിയാം. ഈ സാഹചര്യത്തിലാണ്  കീം പരീക്ഷ ( Kerala Engineering Architecture Medical - KEAM) നടത്തപ്പെട്ടതും. ഏകദേശം 1.03 ലക്ഷം വിദ്യാർത്ഥികൾ പരീക്ഷ എഴുതിയതായും അറിയുന്നു. തിരുവനന്തപുരം പട്ടം സെന്റ് മേരീസ് സ്കൂളില്‍ നടന്ന പരീക്ഷ മാമാങ്കം മൂക്ക് കീഴോട്ട് ഇരിക്കുന്ന ഏവരെയും അമ്പരപ്പിച്ചിരിക്കുകയാണ്. കേരള മുഖ്യമന്ത്രി പിണറായി വിജയന്‍ എല്ലാദിവസവും വൈകുന്നേരം ആറ് മണിക്ക് നടത്തുന്ന ദൈനംദിന കഥാപ്രസംഗം തുടര്‍ന്നു കൊണ്ടിരിക്കുന്നു.
അദ്ദേഹം പറയുന്നതിന് ഘടകവിരുദ്ധമായ പ്രവത്തിയാണ് സമൂഹത്തില്‍ നടപ്പാക്കുന്നത് എന്ന് ഉദാഹരണ സഹിതം പറയാന്‍ ഏറെയാണ്.
പരീക്ഷകൾ നടത്തുന്നതിൽ തെറ്റില്ല പക്ഷെ പരീക്ഷയില്‍ കോവിഡ് മാനദണ്ഡങ്ങൾ പാലിക്കപ്പെട്ടിരുന്നോ. ? പൊതുജനത്തിനെ നിരന്തരം കോവിഡ് ക്ലാസ്സെടുക്കുന്ന മുഖ്യമന്ത്രിക്ക് എന്തുകൊണ്ട് പരീക്ഷാ നടത്തിപ്പ് സുഗമമായി നടത്താന്‍ സാധിച്ചില്ലാ.? എന്തിന് ഇത്രയും ജനക്കൂട്ടത്തെ തലസ്ഥാനനഗരിയിൽ  മുഖ്യമന്ത്രി തന്നെ പറയുന്ന സ്പോടനാത്മക സാഹചര്യത്തില്‍ കോവിഡ് പ്രോട്ടോക്കോള്‍ മറികടന്ന് നിൽക്കേണ്ടി വന്നു.?
സംസ്ഥാനത്തെ നിരവധി സ്കൂളുകള്‍ അധ്യയനം മുടങ്ങിക്കിടക്കുന്ന സാഹചര്യത്തില്‍ കൂടുതല്‍ പരീക്ഷ സെൻ്ററുകൾ അനുവദിച്ചിരുന്നെങ്കിൽ ഈ അവസ്ഥ ഉണ്ടാകുമായിരുന്നോ.?
കായംകുളത്ത് കെമിസ്ട്രി പ്രാക്ടിക്കൽ പരീക്ഷയ്ക്ക് എത്തിയ വിദ്യാര്‍ഥിക്ക് കോവിഡ് സ്ഥിരീകരിച്ചതും മറ്റ് വിദ്യാർത്ഥികൾ നിരീക്ഷണത്തിൽ പോകേണ്ടി വന്നതും നാം കണ്ടതാണ്. സമുഹ വ്യാപനം എന്ന് നിത്യം പറയുന്ന മുഖ്യമന്ത്രി തന്നെയാണ് ഈ പരീക്ഷയ്ക്ക് ചുക്കാന്‍ പിടിച്ചതുമെന്ന് ചിന്തിക്കുമ്പോൾ  ആശ്ചര്യം തോന്നുന്നു.

ബുദ്ധൻ

#ബുദ്ധവചനം

Weekly Reflection

അധ്യാപന പരിശീലനത്തിന്റെ എട്ടാം ആഴ്ചയിൽ മൂന്ന് പാഠാസൂത്രണങ്ങൾ പഠിപ്പിക്കാൻ കഴിഞ്ഞു. ഇതോടെ 30 പാഠാസൂത്രണങ്ങൾ പൂർത്തിയാക്കാൻ കഴിഞ്ഞു. രണ്ട് സഹപാഠിയുടെ ക്ലാസ് കാണാൻ സാധിച്ചിരുന്നു. എല്ലാ പ്രവർത്തനങ്ങളിലും സജീവ പങ്കാളിത്തം ലഭിച്ചിരുന്നു. സിദ്ധിശോധകം നടത്താനും, Conscientization പരിപാടി ഐസിടി ഉപയോഗിച്ച് നടത്തുവാനും സാധിച്ചിരുന്നു.
അധ്യാപന പരിശീലനം ഈ ആഴ്ചയോടെ നല്ല രീതിയിൽ അവസാനിച്ചിരുന്നു.

Innovative lesson plan (തിരഞ്ഞെടുപ്പിലെ അനഭിലഷണീയ പ്രവണതകൾ)

Conscientization program

Conscientization program :"Drug abuse and drug addiction "

Innovative lesson plan (തിരഞ്ഞെടുപ്പ് രീതികൾ)

Weekly Reflection (06-01-2020/10-01-2020)

Weekly Reflection (06-01-2020/10-01-2020)
അധ്യാപന പരിശീലനത്തിന്റെ  ഏഴാം വാരം മൂന്ന് പ്രവർത്തി ദിനങ്ങളാണ് ലഭിച്ചിരുന്നത്.
ആറ് പാഠാസൂത്രണങ്ങൾ പഠിപ്പിക്കാൻ സാധിച്ചു. ജനുവരി 9 പ്രവാസി ദിനം ആചരിച്ചിരുന്നു. മൂന്ന് പാഠാസൂത്രണങ്ങൾ മാതൃക രീതിയിൽ ആണ് പഠിപ്പിച്ചത്. ഹെല്‍ത്ത്, ഫിസിക്കൽ എഡ്യുക്കേഷൻ പാഠാസൂത്രണങ്ങളും ഈ വാരം പഠിപ്പിച്ചിരുന്നു. 

പ്രവാസി ദിനാചരണം

 ജനുവരി 9 ന് IGMVHSS ൽ നടത്തിയ പ്രവാസിദിനാചരണം.

Innovative Work (സമന്വയത്തിന്റെ ഇന്ത്യ)

Weekly Reflection (30-12-2019/03-01-2020)

അധ്യാപന പരിശീലനത്തിന്റെ ആറാം വാരം 21 പാഠാസൂത്രണങ്ങൾ പൂർത്തീകരിക്കാൻ സാധിച്ചിരുന്നു. സ്കൂളിലെ അധ്യാപന പരിശീലന വിദ്യാർഥികളായ നീതു മാത്യു, രഞ്ജിത, പ്രിൻസി ഫിലിപ്പ്, ലക്ഷ്മി എന്നിവരുടെ അഞ്ച് ക്ലാസുകൾ കണ്ടിരുന്നു. ഈ ആഴ്ച നിദാനശോധകം നടത്തുവാനും, Remedial പാഠാസൂത്രണങ്ങൾ പഠിപ്പിക്കുവാനും സാധിച്ചു.ബോധനത്തിൽ  വിദ്യാർത്ഥികളുടെ  സജീവ പങ്കാളിത്തമുണ്ടായിരുന്നു.