UNIT 1

ലോകത്തിന്റെ നെറുകയിൽ

1 . ഭൂപ്രകൃതി സവിശേഷതകളുടെ അടിസ്ഥാനത്തിൽ ഉത്തരപർവതമേഖലയെ എത്രയായി തിരിച്ചിരിക്കുന്നു .അവ ഏതെല്ലാം ?

📚 ട്രാൻസ് ഹിമാലയം 

📚- ഹിമാലയം 

📚- കിഴക്കൻ കുന്നുകൾ

2 . ഉത്തരപർവതമേഖല - കുറിപ്പ് തയാറാക്കുക. 

◻️താരതമ്യേന പ്രായം കുറഞ്ഞതും ഉയരമേറിയതുമാണ് ഈ പർവതനിരകൾ. 

◻️ശിലാ പാളികൾക്ക് വലനം സംഭവിച്ച് രൂപപ്പെട്ട മടക്കു പർവതങ്ങളാണിവ.

◻️പടിഞ്ഞാറ് സിന്ധു നദി മുതൽ കിഴക്ക് ബ്രഹ്മപുത്ര നദി വരെ ഏകദേശം 2400 കിലോമീറ്റർ നീളത്തിൽ

വ്യാപിച്ചു കിടക്കുന്നു. 

◻️150 മുതൽ 400 കിലോമീറ്റർ വരെ വീതിയുണ്ട്.

◻️ ഉയരമേറിയ കൊടുമുടികളും ഹിമാനികളും താഴ്‌വരകളും നിറഞ്ഞ  ഭൂപ്രദേശം .

3 . മടക്കു പർവതങ്ങൾ രൂപം കൊള്ളുന്നതെങ്ങിനെ? ഉദാഹരണങ്ങൾ?

◻️ഭൂവൽക്കത്തിലെ ശിലാപാളികൾ സമ്മർദ ബലത്താൽ മടങ്ങി മടക്കു പർവതങ്ങൾ രൂപപ്പെടാറുണ്ട്.

◻️വലനം (Folding) എന്ന ഈ പ്രക്രിയയിലൂടെയാണ് മടക്കു പർവതങ്ങൾ രൂപപ്പെടുന്നത്.

4 . ട്രാൻസ് ഹിമാലയത്തിന്റെ സവിശേഷതകൾ എന്തെല്ലാം? 

◻️ഏറ്റവും വടക്കു കാണപ്പെടുന്ന ട്രാൻസ് ഹിമാലയം ടിബറ്റൻ ഹിമാലയം എന്ന് അറിയപ്പെടുന്നു. 

◻️ശരാശരി 3000 മീറ്റർ ഉയരം

ഏകദേശം 40 കിലോമീറ്റർ വീതിയും 965 കിലോമീറ്റർ നീളവുമുണ്ട്.

5 . ഹിമാലയ പർവതത്തെ പാമീർ പർവതക്കെട്ടുമായി ബന്ധിപ്പിക്കുന്ന പർവതനിരയേത്?

◻️കാരക്കോറം

6.  ഹിമാലയത്തെ മൂന്നായി തിരിച്ചിരിക്കുന്നു? ഏതെല്ലാം? 

📚 ഹിമാദ്രി 

📚ഹിമാചൽ 

📚സിവാലിക് 

📚 ഹിമാദി

◻️(ഗ്രേറ്റർ ഹിമാലയം, ഇന്നർ ഹിമാലയം)

◻️ഉയരം - 6100 മീറ്റര്‍ 

◻️ വീതി 25 കിലോമീറ്റർ. 

◻️മഞ്ഞുമൂടപ്പെട്ട പർവതങ്ങളാണിവ. 

◻️ലോകത്തിലെ ഉയരമേറിയ മിക്ക കൊടുമുടികളും കാണപ്പെടുന്നു. 

📚 ഹിമാചൽ

◻️(ലസ്സർ ഹിമാലയം)

◻️സമുദ്രനിരപ്പിൽനിന്നും 3500 മുതൽ 4500 മീറ്റർ വരെ ശരാശരി ഉയരം. 

◻️60 മുതൽ 80 കിലോമീറ്റർ

വരെ വീതി. 

📚 സിവാലിക്

◻️(ഔട്ടർഹിമാലയം)

◻️3500 മുതൽ 4500 മീറ്റർ

വരെ ശരാശരി ഉയരം.  

◻️ഏറ്റവും പുറമെയുള്ള ഭാഗം

◻️ ഏറ്റവും തെക്ക്

◻️ ഗംഗാസമതലത്തിന് അതിരായി സ്ഥിതി ചെയ്യുന്നു. 

◻️- 60 മുതൽ 150 കിലോമീറ്റർ വരെ വീതി. 

7 .  മൂന്നുതരം ഫലക അതിരുകളാണുള്ളത്. ഏതെല്ലാം?

📚 സംയോജക സീമ -

 ഫലകങ്ങൾ തമ്മിൽ അടുക്കുന്ന അതിരുകള്‍. 

📚- വിയോജക സീമ 

 ഫലകങ്ങൾ തമ്മിൽ അകലുന്ന അതിരുകൾ

📚 ഛേദകസീമ 

 ഫലകങ്ങൾ തിരശ്ചീനമായി ഉരസി മാറുന്ന അതിരുകൾ. 

8 . ഹിമാലയ പർവതം രൂപംകൊണ്ടതെങ്ങിനെ?

📚 ഇന്ത്യൻ ഫലകത്തിന്റെ സ്ഥാനം വടക്കോട്ടു നീങ്ങി യൂറേഷ്യൻ ഫലകത്തിനടുത്തു വന്നപ്പോൾ രണ്ടു ഫലകങ്ങളുടെയും ഇടയിൽ നിലകൊണ്ടിരുന്ന ടെഥിസ് സമുദ്രത്തിന്റെ അടിത്തട്ട് മടങ്ങി ഉയർന്നുവരാൻ തുടങ്ങി. അങ്ങനെയാണ് ഹിമാലയ പർവതം രൂപംകൊണ്ടത്.

9.  . പർവതനിരകൾക്ക് കുറുകെ ഒഴുകുന്ന നദികളെ അടിസ്ഥാനപ്പെടുത്തിയാണ് ഹിമാലയത്തെ പ്രാദേശിക വിഭാഗങ്ങളായി വേർതിരിക്കുന്നത്. ഇവ ഏതെല്ലാം?

📚 പടിഞ്ഞാറൻ ഹിമാലയം

📚മധ്യഹിമാലയം

📚 കിഴക്കൻ ഹിമാലയം



10 . പടിഞ്ഞാറൻ ഹിമാലയത്തെ മൂന്ന് മേഖലകളായി തിരിച്ചിരിക്കുന്നതെങ്ങിനെ?

📚 - കാശ്മീർ ഹിമാലയം

📚 - ഹിമാചൽ ഹിമാലയം

📚 ഉത്തരാഖണ്ഡ് ഹിമാലയം. 

11 . കാശ്മീർ ഹിമാലയത്തിന്റെ സവിശേഷതകൾ എന്തെല്ലാം ?

📚 ജമ്മുകാശ്മീർ, ലഡാക്ക് പ്രദേശത്ത് ഏകദേശം 3.5 ചതുരശ്ര കിലോമീറ്റർ വിസ്തൃതിയിൽ വ്യാപിച്ച് കിടക്കുന്നു. 

📚ഏകദേശം 700 കിലോമീറ്റർ നീളവും 500 കിലോമീറ്റർ വീതിയുമുണ്ട്.

 📚 മഞ്ഞുമൂടിയ കൊടുമുടികളും താഴ്വരകളും മലനിരകളും നിറഞ്ഞതാണ്. 

📚സിയാച്ചിൻ, ബോൽ ടോരോ തുടങ്ങിയവ പ്രധാന ഹിമാനികളാണ്.

 12. കാശ്മീർ ഹിമാലയത്തിലെ പ്രധാന പർവതനിരകൾ ഏതെല്ലാം?

📚 കാരക്കോറം, സസ്കർ, ലഡാക്ക്, പീർപഞ്ചാൽ

13 . ലോകത്തിലെ രണ്ടാമത്തെ ഉയരമേറിയ കൊടുമുടിയേത്?

 സ്ഥിതിചെയ്യുന്ന പർവതനിരയേത്?

മൗണ്ട് K2 (Godwin Austin)

കാരക്കോറം

14.  എന്താണ് ചുരങ്ങൾ?

📚 പർവതനിരകൾ മുറിച്ചുകടക്കാൻ സഹായകമായ സ്വാഭാവിക ഇടങ്ങളാണ് ചുരങ്ങൾ.

പർവതങ്ങളുടെ ഇരുവശങ്ങളെയും തമ്മിൽ ബന്ധിപ്പിച്ച് ഗതാഗതം സാധ്യമാക്കുന്നത് പർവതങ്ങളിലെ ചുരങ്ങളാണ്. 

15.  ജമ്മു പ്രദേശത്തെ കാശ്മീർ താഴ്വരയുമായി ബന്ധിപ്പിക്കുന്ന ചുരമേത്?

പീർപഞ്ചാൽ പർവതനിരയ്ക്ക് കുറുകെയുള്ള ബനിഹാൽ ചുരം. 

16.  കാശ്മീർ ടൂറിസത്തിൽ ദാൽ തടാകത്തിന്റെ പ്രധാന്യം ?

📚 പ്രധാന ശുദ്ധജലതടാകം

ഈ തടാകത്തിന്റെ കരയിലാണ് ശ്രീനഗർ പട്ടണം സ്ഥിതിചെയ്യുന്നത്

.📚 കാശ്മീരിലെ ഒരു പ്രധാന വിനോദസഞ്ചാര വാണിജ്യ കേന്ദ്രം കൂടിയാണിത്.

📚ദാൽ തടാകത്തിലെ ശികാര തോണികളും ഫ്ലോട്ടിംഗ് മാർക്കറ്റുകളും (തോണികളിലെ വിപണികൾ) കാശ്മീർ ടൂറിസത്തിന്റെ മുഖമുദ്രകളാണ്.

17.  എന്താണ് 'മർഗുകൾ ? 

 പർവതച്ചരിവുകളിൽ വേനൽക്കാലങ്ങളിൽ രൂപപ്പെടുന്ന പുൽമേടുകളാണ് 'മർഗുകൾ'.

. ഉദാ- സോൺ മർഗ്, ഗുൽമർഗ്

18. . ഹിമാചൽ ഹിമാലയം - കുറിപ്പ് തയ്യാറാക്കുക

📚പ്രധാനമായും ഹിമാചൽ പ്രദേശ് സംസ്ഥാനം ഉൾപ്പെടുന്ന ഹിമാലയ ഭാഗം മാണ് ഹിമാചൽ ഹിമാലയം .

📚 പ്രധാന നദി - ചിനാബ് രവി, ബിയാസ്

📚- പർവതനിരകൾ - ധൗളാധർ, പീർപഞ്ചാൽ. 

📚 ശുദ്ധജലതടാകങ്ങൾ ചന്ദ്രതാൽ സൂരജ് താൽ

📚പ്രധാന ചുരങ്ങൾ. - ഹിമാചൽപ്രദേശിനെ ലഡാക്കുമായി ബന്ധിപ്പിക്കുന്ന ബാരാലച്ചാലാ ചുരവും. 

കുളു താഴ് വരയെ  

 ലാഹുൽ, സ്പിതി എന്നീ താഴ്വരകളുമായി ബന്ധിപ്പിക്കുന്ന റോഹാങ് ചുരവുമാണ്. 

📚 മനോഹരമായ താഴ്വരകൾ - കുളു, കാംഗ്ര, ലാഹുൽ. 

📚 സുഖവാസകേന്ദ്രങ്ങൾ

- ഷിംല, മണാലി

19 . ഉത്തരാഖണ്ഡ് ഹിമാലയത്തിന്റെ സവിശേഷതകൾ എന്തെല്ലാം ?

 📚സത് ലജ് നദി മുതൽ കാളിന്ദി വരെയുള്ള ഹിമാലയ പ്രദേശം.

 📚 പടിഞ്ഞാറുഭാഗം ഗഢ് വാൾ  ഹിമാലയം എന്നും കിഴക്കൻ ഭാഗം കുമയൂൺ ഹിമാലയം എന്നും അറിയപ്പെടുന്നു.

📚 ഉയരമേറിയ കൊടുമുടികൾ - നന്ദാദേവി, കാമെറ്റ്, ബദരീനാഥ്, കേദാർ നാഥ്. 

📚ഹിമാനികൾ

-

ഗംഗോത്രി, യമുനോത്രി

📚 ശുദ്ധജല തടാകങ്ങൾ - നൈനിതാൽ, ഭീംതാൽ

20. എന്താണ് ദൂണുകൾ (Duns)?

ലെസ്സർ ഹിമാലയത്തിനും സിവാലിക് മലനിരകൾക്കുമിടയിൽ കാണപ്പെടുന്ന നിരപ്പായ താഴ്‌വരകളാണ് ദൂണുകൾ. 

ഉദാ :ദേരാദൂൺ (Dehradun)

 

21. എന്താണ് 'ബുഗ്യാൽ'

📚 ഉയർന്ന പർവതച്ചരിവുകളിൽ കാണപ്പെടുന്ന വേനൽക്കാല പുൽമേടുകളാണ് 'ബുഗ്യാൽ' ശൈത്യകാലത്ത് മഞ്ഞിനടിയിലാകുന്ന ബുഗ്യാലുകൾ പലയിടങ്ങളിലും വിനോദസഞ്ചാരത്തിനായി പ്രയോജനപ്പെടുത്തുന്നു.

22 . നേപ്പാൾ ഹിമാലയം എന്നറിയപ്പെടുന്ന ഹിമാലയ മേഖലയേത് ?പ്രത്യേകതകൾ എന്തെല്ലാം? 

📚 • മധ്യഹിമാലയം

•📚 കാളീനദി മുതൽ ടിസ്ത നദി വരെയുള്ള പ്രദേശം

📚 ഭൂരിഭാഗവും നേപ്പാളിലാണ്.

📚 കാഞ്ചൻജംഗ പർവതവും നാഥുല ചുരവും ഈ പ്രദേശത്ത് സ്ഥിതിചെയ്യുന്നു.

📚 കുതിച്ചൊഴുകുന്ന ടീസ്ത നദിയും അതിന്റെ നദീതീരത്തട്ടുകളും. 

📚 ഡാർജിലിംഗ് തേയില അന്താരാഷ്ട്രതലത്തിൽ ഏറെ പ്രസിദ്ധമാണ്.

23 . ലോകത്തിലെ ഏറ്റവും ഉയരം കൂടിയ കൊടുമുടിയേത്?

• മൗണ്ട് എവറസ്റ്റ് (Mount Everest) നേപ്പാളിലാണ്.

24 . കിഴക്കൻ ഹിമാലയം - നോട്ടു കുറിക്കുക

◻️പടിഞ്ഞാറൻ ഹിമാലയത്തെ അപേക്ഷിച്ച് ഉയരം കുറഞ്ഞ മലനിരകളാണ് 

◻️• ടീസ്ത നദി മുതൽ കിഴക്ക് ബ്രഹ്മപുത്ര നദി വരെ കാണപ്പെടുന്നു.

◻️ അസം ഹിമാലയം എന്നും അറിയപ്പെടുന്നു. 

◻️പ്രധാന കൊടുമുടിയാണ് നരച്ച ബർവ (7756 M).

◻️പ്രധാന നദികൾ - ബ്രഹ്മപുത്ര, കാമെങ്, ലോഹിത്, സുബൻ സിരി. 

◻️പ്രധാന ചുരങ്ങൾ - അരുണാചൽ പ്രദേശിനെ ടിബറ്റിലെ ലാസയുമായി ബന്ധിപ്പിക്കുന്ന ബോംഡിലാ മ്യാൻമറുമായി ബന്ധിപ്പിക്കുന്ന ദിഫു

തുടങ്ങിയവ. 

25 . പൂർവാചൽ കുന്നുകൾ - കുറിപ്പ് തയ്യാറാക്കുക. 

◻️ബ്രഹ്മപുത്രാ

താഴ്  വരയ്ക്ക് കിഴക്ക് ഹിമാലയ പർവതം വടക്ക്-തെക്ക് ദിശയിൽ അരുണാചൽ പ്രദേശ് മുതൽ മിസോറാം വരെ. 

◻️ഉയരംകുറഞ്ഞ കുന്നുകൾ. 

◻️ 500 മുതൽ 3000 മീറ്റർ വരെ ഉയരം. 

◻️പട്കായ്ബും, നാഗാകുന്നുകൾ, മിസോ കുന്നുകൾ, മണിപ്പൂർ കുന്നുകൾ  ഇതിൽ

പ്രധാനപ്പെട്ടവ.

◻️ലോകത്തിൽ ഏറ്റവും കൂടുതൽ മഴ ലഭിക്കുന്ന ചിറാപുഞ്ചി, മൗസിൻറം എന്നീ പ്രദേശങ്ങളും ഇവിടെയാണ് സ്ഥിതി ചെയ്യുന്നത്.

◻️നദികൾ മുറിച്ചുകടക്കുന്നതിനായി മരങ്ങളുടെ വേരുകൾ (Root Bridges) ചേർത്ത് നിർമ്മിക്കുന്ന പാലങ്ങളാണ് ഉപയോഗിക്കുന്നത്. 

26 . എന്താണ് കാലാവസ്ഥാ വിഭാജകം?

ഇന്ത്യയുടെ വടക്കൻ അതിരായ ഹിമാലയ പർവതവും തുടർപർവതങ്ങളും ചേർന്ന് ഇന്ത്യൻ ഉപഭൂഖണ്ഡത്തിനും മധ്യേഷ്യയ്ക്കുമിടയിൽ തീർക്കുന്ന ഒരു കാലാവസ്ഥാ അതിരാണ് കാലാവസ്ഥാ വിഭാജകം (climatic divide)

27 .  ഹിമാലയ പർവത പ്രദേശങ്ങളിലെ കാലാവസ്ഥയെ സ്വാധീനിക്കുന്ന ഘടകങ്ങൾ എന്തെല്ലാം?

📚 പ്രദേശത്തിന്റെ ഉയരം

📚ഭൂപ്രകൃതി 

28 . മിതോഷ്ണ കാലാവസ്ഥ അനുഭവപ്പെടുന്നത് ഏതൊക്കെഭാഗങ്ങളിലാണ്?

📚 താരതമ്യേന ഉയരം കുറഞ്ഞ പർവതച്ചരിവുകളിലും സിവാലിക് മലയടിവാരങ്ങളിലും മിതോഷ്ണ

കാലാവസ്ഥയായിരിക്കും. 

29.  ശൈത്യ കാലാവസ്ഥ അനുഭവപ്പെടുന്നത് ഏത് ഭാഗത്താണ്?

◻️ ഉയരംകൂടിയ പർവതഭാഗങ്ങളിൽ. 

30 . ധ്രുവ സമാനമായ തീവ ശൈത്യ കാലാവസ്ഥ അനുഭവപ്പെടുന്നത് എവിടെ?

📚 ഉയർന്ന പർവതഭാഗങ്ങളിലും ലഡാക്ക് മേഖലയിലും

31.  തെക്ക് പടിഞ്ഞാറൻ മൺസൂൺ മഴ ലഭിക്കുന്നത് ഏതൊക്കെഭാഗങ്ങളിലാണ്? 

📚 സിവാലിക് മലനിരകളുടെ തെക്കൻ ചരിവുകളിലും വടക്കുകിഴക്കൻ ഇന്ത്യയിലും

32 . വടക്കു കിഴക്കൻ ഇന്ത്യയിൽ പ്രത്യേകിച്ച് മേഘാലയ പിഠഭൂമിയിൽ ഉയർന്ന തോതിൽ മഴ ലഭിക്കുന്നത്

എങ്ങനെ?

📚  ബംഗാൾ ഉൾക്കടലിൽ നിന്ന് വീശുന്ന മൺസൂൺ കാറ്റുകൾ അസം ഹിമാലയത്തിനും പൂർവാചൽകുന്നുകൾക്കുമിടയിൽ എത്തുമ്പോൾ ഏറെകുറെ മുഴുവൻ നീരാവിയും ഈ പ്രദേശത്ത് പെയ്തൊഴിയുന്നു. അതിനാൽ വടക്കുകിഴക്കൻ ഇന്ത്യയിൽ, പ്രത്യേകിച്ച് മേഘാലയ പീഠഭൂമിയിൽ ഉയർന്ന തോതിൽ മഴ ലഭിക്കുന്നു.

33 . ഏതൊക്കെ നദികൾ ചേർന്നാണ് ഹിമാലയൻ നീരൊഴുക്കു വ്യൂഹം സൃഷ്ടിക്കുന്നത്?

📚 സിന്ധു, ഗംഗ, ബ്രഹ്മപുത്ര എന്നീ നദികളും അവയുടെ പോഷകനദികളും ചേർന്നാണ്

34.  ഹിമാലയൻ നദികൾ സൃഷ്ടിക്കുന്ന ഭൂരൂപങ്ങൾ ഏതെല്ലാം?

📚• 'V' രൂപതാഴ്വരകൾ, ഗിരികന്ദരങ്ങൾ, വെള്ളച്ചാട്ടങ്ങൾ

35 . ഹിമാലയ പർവത പ്രദേശത്ത് പൊതുവായി കാണപ്പെടുന്ന മണ്ണിനങ്ങൾ ഏതെല്ലാം? 

📚 പർവതമണ്ണും വനമണ്ണും

36.   ഉയർന്ന ചെരിവുകളിലും താഴ്‌വരകളിലും  കാണപ്പെടുന്ന മണ്ണിനങ്ങളുടെ സവിശേഷതകൾ എന്തെല്ലാം? 

📚 ഉയർന്ന ചരിവുകളിൽ വലിയ തരികളോടു കൂടിയ ജൈവാംശം കുറഞ്ഞ മണ്ണായിരിക്കും. 

📚 താഴ്‌വരകളിൽ എക്കൽ മണ്ണിന്റെ നിക്ഷേപം. 

37.  കരേവാസ് എന്നാൽ എന്ത്? 

ഇതിൻ്റെ പ്രത്യേകതയെന്ത്?

📚 കാശ്മീർ താഴ്‌വരയിലെ ഹിമാനികൾ നിക്ഷേപിക്കുന്ന അവസാദങ്ങളാണ് കരേവാസ് (Karewas). 

📚 നേർത്ത മണലും ജൈവാംശങ്ങളും നിറഞ്ഞ മണ്ണാണിത്.

38 . ഏത് കൃഷിക്കാണ് കരേവാസ് ഗുണകരമാകുന്നത്?

📚 കുങ്കുമപ്പൂ കൃഷിക്ക് (Saffron Kesar) അനുയോജ്യമാണ്.

39 . വന്യജീവി സമ്പത്തിന്റെ സംരക്ഷണം ലക്ഷ്യം വയ്ക്കുന്ന സ്ഥാപനങ്ങൾ ഏതെല്ലാം?

 📚 1. ജൈവമണ്ഡല റിസർവുകൾ (Biosphere Reserve)

സസ്യങ്ങളുടെയും മൃഗങ്ങളുടെയും സംരക്ഷണത്തിനായി ഉദ്ദേശിച്ചിട്ടുള്ള സംരക്ഷിത മേഖലകളാണ്

 2. ദേശീയോദ്യാനങ്ങൾ (National Park)

പരിസ്ഥിതിയുടെ സംരക്ഷണത്തിനായി കേന്ദ്ര ഗവൺമെന്റ് നീക്കിവച്ചിരിക്കുന്ന പ്രദേശമാണ്. 

3.വന്യജീവിസങ്കേതങ്ങൾ (Wildlife Sanctuary)

 മൃഗങ്ങളുടെ ആവാസവ്യവസ്ഥയാണ്.

40 . കൃഷി രീതികളുടെ പ്രത്യേകതകൾ എന്തെല്ലാം?

📚  പർവതച്ചരിവുകൾ തട്ടുകളായിത്തിരിച്ച് ഓരോ പ്രദേശത്തിനും അനുയോജ്യമായ വിളകൾ

കൃഷിചെയ്യുന്നു. 

📚 വടക്കുകിഴക്കൻ ഇന്ത്യയിലെ കുന്നുകളിൽ തദ്ദേശീയ ഗോത്രജനത സ്ഥാന മാറ്റകൃഷി (Shifting Cultivation) പോലുള്ള പരമ്പരാഗത കൃഷിരീതികൾ പിന്തുടരുന്നു. 

41.  . പ്രധാന കാർഷിക വിളകൾ ഏതെല്ലാം ?

📚  പയറുവർഗങ്ങൾ ഉരുളക്കിഴങ്ങ്, ഗോതമ്പ്, മിതോഷ്ണ പഴവർഗങ്ങൾ, തേയില

42 . കൃഷി - പ്രതികൂല ഘടകങ്ങൾ ഏതെല്ലാം?

📚  ഉയരം, ചെങ്കുത്തായ ചരിവ് പാകമാകാത്ത മണ്ണ് (Immature Soil) കുറഞ്ഞതാപനില തുടങ്ങിയവ. 

43 . ഭൂപ്രദേശത്തിന്റെ ഉയരകമം അനുസരിച്ചുള്ള മൃഗവൈവിധ്യം. 

📚 പ്രദേശത്തിന്റെ ഉയരകമമനുസരിച്ച് കാലാവസ്ഥയിൽ മാറ്റം വരുന്നതിനാൽ വളർത്തുമൃഗങ്ങളുടെ ഇനത്തിലും മാറ്റം വരുന്നു.

 📚 താഴ്‌വരകളിൽ ആട്, പശു തുടങ്ങിയ മൃഗങ്ങൾ

ഉയരം കൂടിയ പർവതഭാഗങ്ങളിൽ ചെമ്മരിയാട്, കുതിര തുടങ്ങിയവ. 

44 . ഹിമാചൽ, ലഡാക്ക് മേഖലകളിലെ മൃഗവൈവിധ്യത്തിന്റെ പ്രത്യേകതയെന്ത്?

📚  തണുപ്പിനെ അതിജീവിക്കാൻ ശേഷിയുള്ള 'യാക്ക്' പോലുള്ള മൃഗങ്ങൾ. 

45 . ആരാണ് ഗുജ്ജറുകൾ?

📚 പടിഞ്ഞാറൻ ഹിമാലയത്തിലെ പർവതപ്പുൽമേടുകളിൽ മൃഗപരിപാലനം നടത്തുന്ന ഇടയ ജനവിഭാഗമാണ്. 

46.  ഭൂപ്രകൃതി സവിശേഷതകൾ അനുകൂലമായതിനാൽ ഹിമാലയ പ്രദേശങ്ങൾ വിനോദസഞ്ചാരത്തിന് ഏറെ സാധ്യതയുള്ള ഒരു വരുമാനദായക മേഖലയാണ്. സമർത്ഥിക്കുക. 

1.  തീർത്ഥാടനവുമായി ബന്ധപ്പെട്ട യാത്രകളാണ് ഒന്നാം ഘട്ടം ടൂറിസം വികസനത്തിന്  തുടക്കമിട്ടത്.

കൈലാസം, മാനസസരോവരം, അമർനാഥ് ഹേമകുണ്ഡ് സാഹിബ് തുടങ്ങി നിരവധി തീർത്ഥാടന കേന്ദ്രങ്ങൾ. 

2.  ബ്രിട്ടീഷുകാർ സുഖവാസകേന്ദ്രങ്ങൾ വികസിപ്പിച്ചതോടെയാണ് ടൂറിസം വികസനത്തിന്റെ രണ്ടാംഘട്ടം ഷിംല, ഡാർജിലിംങ്, ഷില്ലോങ്, അൽമോറ, റാണിക്കേറ്റ് മുസോറി, നൈനിതാൽ തുടങ്ങിയ റിസോർട്ട് പട്ടണങ്ങൾ. 

3.  1953 മെയ് 29 ന് ഷെർപ്പ ടെൻസിംഗ് നോർഗെയും എഡണ്ട് ഹിലാരിയും എവറസ്റ്റ് കൊടുമുടി കീഴടക്കിയതിനു ശേഷമാണ് ടൂറിസം വികസനത്തിന്റെ മൂന്നാംഘട്ടമായ ആധുനിക ടൂറിസം സാധ്യതകൾ പർവതാരോഹണം, പാരാഗ്ലൈഡിംഗ്, സ്കീയിംഗ് തുടങ്ങിയ സാഹസിക വിനോദ സഞ്ചാരമേഖല.