നദിതട സംസ്കാരങ്ങളിലൂടെ..

 

യൂണിറ്റ് : 2 

നദിതട സംസ്കാരങ്ങളിലൂടെ. 

1 . ഹരപ്പയിലെ വീടുകളുടെ പ്രത്യേകതകൾ ?

📚 തെരുവുകളുടെ ഇരുവശങ്ങളിലാണ് വീടുകൾ നിർമ്മിച്ചിരുന്നത്.

📚 വീടുകൾ വ്യത്യസ്ത ഘടനയുള്ളതായിരുന്നു.

📚ഒറ്റമുറി വീടുകൾ കൂടുതൽ മുറികളും മുറ്റവും കിണറുകളുള്ളവയായിരുന്നു.

📚 എല്ലാ വീടുകൾക്കും ശൗചാലയങ്ങൾ.

2.  ഹരപ്പയിലെ അഴുക്കുചാലുകളുടെ സവിശേഷതകൾ ?

📚 വീടുകളിൽ നിന്നുള്ള മലിനജലം ചാലുകളിലേക്ക് ഒഴുക്കിയിരുന്നു.

📚 ചാലുകളെ പ്രധാന അഴുക്കുചാലുമായി ബന്ധിച്ചിരുന്നു.

📚 ചുട്ട ഇഷ്ടികകൾ കൊണ്ടാണ് നിർമ്മിച്ചിരുന്നത്.

📚 വലിയ കല്ലുകൾ കൊണ്ടുള്ള സ്ളാബുകൾ ഉപയോഗിച്ച് മൂടിയിരുന്നു.

📚 പട്ടണങ്ങളിലും ഗ്രാമങ്ങളിലും അഴുക്കുചാൽ സംവിധാനം ഉണ്ടായിരുന്നു.

3 . വലിയ കുളം (GREAT BATH) - കുറിപ്പ്

📚മോഹൻജൊദാരൊവിലാണ്.

📚 ജനങ്ങളുടെ നിർമ്മാണ വൈഭവത്തിന് തെളിവാണ്.

📚ചുട്ട ഇഷ്ടികകൾ കൊണ്ടാണ് നിർമ്മിച്ചിരുന്നത്.

📚 മതപരമായ ചടങ്ങുകൾക്കു വേണ്ടി ഉപയോഗിച്ചിരുന്നു.

4 . ഹരപ്പയിലെ ധാന്യസംഭരണശാലകൾ അക്കാലത്തെ ഭരണസംവിധാനത്തെ സംബന്ധിച്ച് എന്തെല്ലാം സൂചനകളാണ് നൽകുന്നത്?

📚 ധാന്യങ്ങൾ ഉണക്കാനും സംഭരിക്കാനുള്ള സൗകര്യങ്ങൾ ഉണ്ടായിരുന്ന വലിയ കെട്ടിടങ്ങൾ.

📚 ഗ്രാമങ്ങളിൽ മിച്ചം വന്ന കാർഷികോത്പന്നങ്ങളായിരുന്നു ധാന്യസംഭരണശാലകളിൽ സൂക്ഷിച്ചിരുന്നത്.

📚 നികുതിയിനത്തിൽ ലഭിച്ച ധാന്യവും സൂക്ഷിച്ചിരുന്നു.

 ഇത്തരം ധാന്യങ്ങൾ നഗരങ്ങളിലെ ജനങ്ങൾക്ക് ലഭ്യമാക്കിയിരുന്നു

📚 മെച്ചപ്പെട്ട ഭരണസംവിധാനം നിലനിന്നിരുന്നതിന് തെളിവാണ് ഇത്തരം ധാന്യസംഭരണശാലകൾ.

5 . ഹരപ്പൻ സംസ്കാരത്തിന്റെ നിലനിൽപ്പിന് അവിടത്തെ ഗ്രാമങ്ങൾ വഹിച്ച പങ്ക് പരിശോധിക്കുക?

📚 നഗരങ്ങളിലെ ജനങ്ങൾ ഭക്ഷണാവശ്യത്തിനും തൊഴിലുകൾക്കുമായി ഗ്രാമങ്ങളെ ആശ്രയിച്ചിരുന്നു.

📚 നഗരങ്ങളിലെ ഉൽപാദനവസ്തുക്കളുടെ പ്രധാന വിപണി ഗ്രാമങ്ങളായിരുന്നു.

📚 കൃഷിയിടങ്ങൾ ഫലഭൂയിഷ്ഠമായിരുന്നു.

📚 സിന്ധുനദിയിലൂടെയുള്ള എക്കൽമണ്ണ്.

📚കലപ്പ കൊണ്ട് നിലം ഉഴുതു മറിച്ചിരുന്നു.

📚ജലസേചനത്തിന് കനാലുകൾ നിമ്മിച്ചിരുന്നു.

📚കാർഷികവൃത്തിക്കൊപ്പം മൃഗപരിപാലനവും നിലനിന്നിരുന്നു.

6 . ഹരപ്പൻ ജനതയുടെ കച്ചവട ബന്ധങ്ങൾ സൂചിപ്പിക്കുന്ന തെളിവുകൾ എന്തെല്ലാം?

📚 അളവുതൂക്ക ഉപകരണങ്ങളുടെ അവശിഷ്ടങ്ങള്‍.

📚 ലിഖിതങ്ങളിലെ പരാമർശങ്ങൾ.

📚 ഹരപ്പയിൽ നിന്ന് ലഭിച്ച മെസൊപ്പൊട്ടാമിയൻ മുദ്രകൾ.

📚 കളിമണ്ണിൽ തീർത്ത പായ്ക്കപ്പലിന്റെ രൂപങ്ങൾ കടൽ വഴിയുള്ള കച്ചവടത്തിന് തെളിവാണ്.

📚  സിന്ധുനദീതട കേന്ദ്രങ്ങളിൽ നിന്നു ലഭിച്ച മുദ്രകൾ.

7 . കരകൗശലത്തിൽ ഹരപ്പൻ ജനതയുടെ നേട്ടങ്ങൾ വിശദമാക്കുക?

📚 മുദ്രകൾ,കളിമൺ രൂപങ്ങൾ, പാത്രങ്ങൾ,ആഭരണങ്ങൾ തുടങ്ങിയവ കരവിരുതിന് ഉദാഹരണമാണ്.

📚 മൺപാത്രത്തിലെ അലങ്കാരപണികൾ

കളിമണ്ണിൽ മൃഗരൂപങ്ങൾ, സ്ത്രീ-പുരുഷരൂപങ്ങൾ വണ്ടികളുടെ രൂപങ്ങളും ലഭിച്ചിട്ടുണ്ട്.

📚 ചെമ്പ്,വെങ്കലം,സ്വർണം എന്നിവ കൊണ്ടുള്ള ആഭരണങ്ങൾ മുത്ത് നിർമ്മാണകേന്ദ്രത്തിന്റെ തെളിവുകൾ.

📚കളിമണ്ണ്,വെങ്കലം,ആമത്തോട് എന്നിവ ഉപയോഗിച്ച് വളകൾ നിർമ്മിച്ചിരുന്നു.

 8. . ഹരപ്പൻ ജനതയുടെ മികച്ച കലാവൈഭവം പ്രകടമാകുന്നത് അവരുടെ മുദ്രകളുടെ നിർമ്മിതിയിലാണ്.ഉദാഹരണ സഹിതം വ്യക്തമാക്കുക?

📚 കളിമണ്ണുകൊണ്ടും ശിലകൾ കൊണ്ടും മുദ്രകൾ നിർമ്മിച്ചിരുന്നു.

 📚മോഹൻജൊദാരൊവിൽനിന്ന് ലഭിച്ച നർത്തകിയുടെ പ്രതിമ ഇതിനുദാഹരണമാണ്.

9.  ഹരപ്പൻ ജനതയുടെ വിശ്വാസരീതികൾ : കുറിപ്പ് തയ്യാറാക്കുക.

📚മുദ്രകളിൽ നിന്ന് വിശ്വാസരീതികൾ സംബന്ധിച്ച് വിവരങ്ങൾ ലഭിച്ചിരുന്നു.

📚 മാതൃദൈവാരാധന നിലനിന്നിരുന്നു.

📚ആദിമ ശിവന്റെ ശില്പങ്ങൾ ലഭിച്ചിരുന്നു.

📚 മൃഗങ്ങളേയും വൃക്ഷങ്ങളേയും ആരാധിച്ചിരുന്നു

10.  ഹരപ്പൻ സംസ്കാരത്തിന്റെ തകർച്ചക്കുളള കാരണങ്ങൾ?

📚 വെള്ളപ്പൊക്കം

📚പുറമെ നിന്നുള്ള ആക്രമണങ്ങൾ. 

📚വനനശീകരണം

📚കാർഷികമേഖലയിലുണ്ടായ തകർച്ച

📚 പകർച്ചവ്യാധികൾ. 

11 . ഹരപ്പൻ സംസ്കാരത്തിന് വെങ്കലയുഗ സംസ്കാരം എന്ന പേര് വരാൻ കാരണമെന്ത്?

📚 ഹരപ്പൻ ജനത ചെമ്പും വെളുത്തീയവും ചേർത്ത് വെങ്കലം നിർമ്മിച്ചു

വെങ്കലമുപയോഗിച്ച് ഉപകരണങ്ങളും ആയുധങ്ങളും നിർമ്മിച്ചിരുന്നു. 

📚 വെങ്കലത്തിന്റെ ഉപയോഗം ഹരപ്പൻ സംസ്കാരത്തിന് വെങ്കലയുഗ സംസ്കാരം എന്ന പേര് നേടിക്കൊടുത്തു.

12.  ഈജിപ്ഷ്യൻ സംസ്കാരത്തിന്റെ സവിശേഷതകൾ എന്തെല്ലാം?  

📚 നൈൽ നദിതടത്തിലാണ് ഈ സംസ്കാരം വളർന്നുവന്നത്.

📚 രാജാക്കൻമാർ 'ഫറോവ' എന്നാണ് അറിയപ്പെട്ടിരുന്നത്.

📚 മൃതശരീരം (മമ്മി)കേടു കൂടാതെ സൂക്ഷിക്കുന്ന രീതിയുണ്ടായിരുന്നു.

📚  മനുഷ്യാധ്വാനവും സമ്പത്തും വൻതോതിൽ ഉപയോഗിച്ചിരുന്നു.

📚 മമ്മികൾ സൂക്ഷിച്ചിരുന്ന വലിയ ശവകുടീരങ്ങളാണ് പിരമിഡുകൾ. 

📚 കൃഷിയായിരുന്നു അടിത്തറ. 

📚 നെയ്ത്ത്,സ്ഫടിക പാത്രനിർമ്മാണം എന്നിവയിലും ഏർപ്പെട്ടിരുന്നു. 

📚 എഴുത്തു വിദ്യ : ഹൈറോഗ്ളിഫിക്സ്. 

📚 പാപ്പിറസ് ചെടിയുടെ ഇലകളാണ് എഴുതാൻ ഉപയോഗിച്ചിരുന്നത്.

13 . ശാസ്ത്രം, ഗണിതം എന്നിവയിൽ ഈജിപ്ഷ്യൻ സംസ്കാരത്തിന്റെ നേട്ടങ്ങൾ വിലയിരുത്തുക. 

📚 സൂര്യനെ അടിസ്ഥാനമാക്കിയുള്ള കലണ്ടർ. 

ഒരു വർഷം 365 ദിവസങ്ങൾ,30ദിവസങ്ങളുള്ള 12 മാസങ്ങൾ

ബാക്കി വന്ന 5 ദിവസങ്ങൾ ആഘോഷങ്ങൾക്കായി മാറ്റിവെച്ചിരുന്നു.

📚 ത്രികോണം, ചതുരം എന്നിവയുടെ വിസ്തൃതി കണക്കാക്കിയിരുന്നു.

📚 നിഴലിനെ അടിസ്ഥാനമാക്കി സമയം കണക്കാക്കുന്ന സൂര്യഘടികാരം,ജലപ്രവാഹത്തിന്റെ അടിസ്ഥാനമാക്കി സമയം കണക്കാക്കുന്ന ജലഘടിക്കാരം തയ്യാറാക്കിയിരുന്നു.

14 .  സിംഗ്സ് -  നോട്ട് തയ്യാറാക്കുക. 

📚 മനുഷ്യന്റെ തലയും സിംഹത്തിന്റെ ഉടലുമുള്ള പ്രതിമ. 

ശില്പ വൈദഗ്ധ്യത്തിന് ഉദാഹരണം.

15.  . മെസൊപ്പൊട്ടാമിയൻ സംസ്കാരത്തിന്റെ സവിശേഷതകൾ എന്തെല്ലാം? 

📚 യൂഫ്രട്ടീസ്,ടൈഗ്രിസ് നദികൾക്കിടയിലുള്ള പ്രദേശം.

📚 നാലു വ്യത്യസ്ത സംസ്കാരങ്ങൾ ഉൾപ്പെട്ടിരുന്നു.(സുമേറിയൻ, ബാബിലോണിയൻ,അസീറിയൻ,കാൽഡിയൻ)

📚 ഫലഭൂയിഷ്ടമായ മണ്ണ് കാർഷികപുരോഗതിയെ സഹായിച്ചു. 

📚  പ്രധാന നഗരങ്ങൾ-ഉർ,ഉറുക്ക്,ലഗാഷ്

📚 എഴുത്തു വിദ്യ : ക്യുണിഫോം. 

📚ജ്യോതിശാസ്ത്രം,ഗണിതശാസ്ത്രം എന്നിവയിലെ നേട്ടങ്ങൾ. 

16 . മെസൊപ്പൊട്ടാമിയൻ എഴുത്തു വിദ്യയെ ക്കുറിച്ച് കുറിപ്പ് തയ്യാറാക്കുക. 

📚എഴുത്ത് വിദ്യ - ക്യുണിഫോം. 

📚 ലിപികൾക്ക് ആപ്പിന്റെ ആകൃതിയാണ്.

📚 മണ്ണ് കുഴച്ചുണ്ടാക്കുന്ന ചെറുഫലകങ്ങളുടെ മിനുസമുള്ള പ്രതലത്തിലാണ്. 

എഴുതിയിരുന്നത് കൂർത്ത മുനയുള്ള എഴുത്താണി ഉപയോഗിച്ച് എഴുതിയതിനു ശേഷം ഉണക്കിയെടുക്കുന്നു.

17 . മെസൊപ്പൊട്ടാമിയൻ ജനതയുടെ ശാസ്ത്രരംഗത്തെ നേട്ടങ്ങൾ കുറിപ്പ് തയ്യാറാക്കുക. 

📚ജ്യോതിശാസ്ത്രം,ഗണിതശാസ്ത്രം എന്നിവയിലെ നേട്ടങ്ങൾ.

📚 ചന്ദ്രന്റെ ചലനത്തെ അടിസ്ഥാനമാക്കിയുള്ള കലണ്ടർ. 

📚 ഒരു വർഷം:12മാസങ്ങൾ , ഒരു മാസം: 4 ആഴ്ച ഒരു ദിവസം:24മണിക്കൂർ. 

📚 ഹരണം, ഗുണനം, വർഗ്ഗമൂലം എന്നിവയും അറിയാമായിരുന്നു. 

18 .  സിഗുറാത്തുകൾ നോട്ട് തയ്യാറാക്കുക. 

📚 ആരാധനാലയങ്ങളാണിവ. 

📚 നഗരങ്ങളിലാണ് നിർമ്മിച്ചിരുന്നത്. 

📚 മൺകൂനകൾ നിർമ്മിച്ച് അതിനു മുകളിൽ ഇഷ്ടികകൾ ഉപയോഗിച്ചാണ് സിഗുറാത്തുകൾ പണിതത്.

19  . ചൈനീസ് സംസ്കാരത്തിന്റെ സവിശേഷതകൾ ?

📚 ഹൊയാങ്ങ് ഹോ നദിതടത്തിലാണ്.

📚 കൃഷിയാണ് അടിത്തറ. 

📚 നെയ്ത്, മൺപാത്രനിർമ്മാണം,പട്ടു വസ്ത്രനിർമ്മാണം എന്നിവയിലും വിദഗ്ധർ. 

📚 എഴുത്തു വിദ്യ : അക്ഷരങ്ങൾക്കു പകരം ചിത്രങ്ങൾ ഉപയോഗിച്ചാണ് എഴുതിയിരുന്നത്. പിന്നീട് ചിത്രങ്ങൾക്ക് പകരം ചിഹ്നങ്ങൾ നിലവിൽ വന്നു.

📚 കലണ്ടർ ഒരു വർഷം-365 1/2 ദിവസം

20.  വെങ്കലയുഗസംസ്കാരങ്ങളുടെ പൊതു സവിശേഷതകൾ? 

📚 വെങ്കലത്തിന്റെ ഉപയോഗം. 

📚 കൃഷിയുടെ പുരോഗതി. 

📚 എഴുത്തു വിദ്യ. 

📚 ശാസ്ത്രരംഗത്തെ നേട്ടങ്ങൾ.