വിശാല സമതലഭൂവിൽ

 UNIT 2

വിശാലസമതലഭൂവിൽ

1.  ഉത്തരപർവതമേഖലയുടെ തെക്കുഭാഗത്തായും ഉപദ്വീപീയ പീഠഭൂമിയുടെ വടക്കായും സ്ഥിതിചെയ്യുന്ന വിസ്തൃതമായ ഒരു ഭൂപ്രകൃതി വിഭാഗം ഏത്?

📚 സിന്ധു ഗംഗ ബ്രഹ്മപുത്രാസമതലം (ഉത്തരേന്ത്യൻ സമതലങ്ങൾ)

2 . ഭൂരൂപരൂപീകരണ സഹായികളും ഭൂരൂപരൂപീകരണ പ്രക്രിയയും എന്തെന്ന് വ്യക്തമാക്കുക.

📚 ഭൂരൂപരൂപീകരണ സഹായികൾ - ഭൗമോപരിതലത്തിൽ വൈവിധ്യമാർന്ന ഭൂരൂപങ്ങളുണ്ടാക്കുന്ന ബാഹ്യ ശക്തികൾ.

ഉദാ: ഒഴുകുന്ന വെള്ളം, കാറ്റ്, ഹിമാനികൾ, തിരമാല.

ഭൂരൂപരൂപീകരണ പ്രക്രിയകൾ :  ഭൂരൂപങ്ങളുണ്ടാകുന്നതിന് സഹായകരമായ പ്രക്രിയകൾ.

3.  എന്താണ് എക്കൽ? 

📚 നദികൾ ഒഴുക്കിക്കൊണ്ടു വരുന്ന ചെളി, മണൽ, ചരൽ എന്നിവ ഉൾപ്പെടെയുള്ള ശിലാവശിഷ്ടങ്ങളാണ് എക്കൽ.

4.  എന്താണ് നിക്ഷേപണം ?

📚 ശിലാവസ്തുക്കളെ ബാഹ്യശക്തികൾ ഒരിടത്തുനിന്നും മറ്റൊരിടത്തേക്ക് നീക്കി ക്കൊണ്ടുപോകുകയും താഴ്ന്ന പ്രദേശങ്ങളിൽ നിക്ഷേപിക്കുകയും ചെയ്യുന്ന പ്രക്രിയയാണ് നിക്ഷേപണം.

5.  എക്കൽ സമതലങ്ങൾ സൃഷ്ടിക്കപ്പെടുന്നത് എങ്ങനെ ?

📚 ഉയർന്ന പ്രദേശങ്ങളിൽ നിന്നും ഉദ്ഭവിച്ചൊഴുകുന്ന നദികൾ വഹിച്ചു കൊണ്ടുവരുന്ന അവസാദങ്ങൾ താഴ്ന്ന “പ്രദേശങ്ങളിൽ നിക്ഷേപിച്ച് കാലക്രമേണ അതിവിശാലമായ എക്കൽ സമതലങ്ങൾ സൃഷ്ടിക്കപ്പെടുന്നു.

6.   ഹിമാലയൻ നദികളെന്നും ഉപദ്വീപിയ നദികളെന്നും എന്തെന്ന് വ്യക്തമാക്കുക.

📚 ഹിമാലയത്തിൽ നിന്നും ഉപദ്വീപിയ പീഠഭൂമിയിൽ നിന്നും ഉദ്ഭവിച്ചൊഴുകുന്ന നദികളെ യഥാക്രമം ഹിമാലയൻ നദികളെന്നും ഉപദ്വീപിയ നദികളെന്നും വിളിക്കുന്നു.

7.  ഹിമാലയൻ നദികൾ ലിസ്റ്റ് ചെയ്യുക?

📚 ഝലം ,ചെനാബ്, രവി,ബിയാസ്,സത് ലജ്, ലൂണി,സിന്ധ്,യമുന, കാളി, സോൺ,കോസി,ഗംഗ,ഘാഘര,ഗോമതി, മാനസ് ദിബാംഗ്,ലോഹിത്, ബ്രഹ്മപുത്ര. 

8.  ഉത്തരേന്ത്യൻ സമതലത്തിന്റെ അതിരുകൾ ഏതെല്ലാം?

👉 വടക്ക് - സിവാലിക് പർവതനിര

👉 തെക്ക് -

 ഉപദ്വീപിയ പീഠഭൂമി

👉 കിഴക്ക് - ബ്രഹ്മപുത്ര സമതലം. 

👉 പടിഞ്ഞാറ് - പഞ്ചാബ്, ഹരിയാന സമതലം. 

9.  ഉത്തരേന്ത്യൻ സമതലം കൃഷിക്ക് ഏറെ അനുയോജ്യമായ മേഖലയായി തീർന്നിരിക്കുന്നു. കാരണമെന്ത്? 

📚 വളക്കൂറുള്ള മണ്ണ്

📚മതിയായ ജലലഭ്യത 

📚അനുകൂല കാലാവസ്ഥ

📚പരന്ന ഭൂപ്രകൃതി

10.  ഉത്തരേന്ത്യൻ സമതലത്തിന്റെ നാല് പ്രാദേശികവിഭാഗങ്ങൾ ഏതെല്ലാമെന്ന് പട്ടിക പ്പെടുത്തുക? 

1. രാജസ്ഥാൻ സമതലം

2. പഞ്ചാബ് - ഹരിയാന സമതലം. 

3. ഗംഗാസമതലം

4. ബ്രഹ്മപുത്രാസമതലം

11. രാജസ്ഥാൻ സമതലം സവിശേഷതകളെന്തെല്ലാം?

📚 ഉത്തരേന്ത്യൻ സമതലത്തിന്റെ പടിഞ്ഞാറേ അറ്റമാണ്.

📚 ഥാർ മരുഭൂമിയുടെ മൂന്നിൽ രണ്ട് ഭാഗവും ഇവിടെ സ്ഥിതിചെയ്യുന്നത്.

📚 രാജസ്ഥാൻ, ഹരിയാന, പഞ്ചാബ്, ഗുജറാത്ത് എന്നീ സംസ്ഥാനങ്ങളിലായി വ്യാപിച്ചു കിടക്കുന്നു.

12.  ഥാർ മരുഭൂമിയെ രണ്ട് പ്രധാന മേഖലകളായി തരം തിരിക്കാം. ഏതെല്ലാം ?

📚 യഥാർത്ഥ മരുഭൂമിമേഖല അഥവാ മരുസ്ഥലി

📚 അർധമരുഭൂമി മേഖല (അർധവരണ്ട സമതലം) അഥവാ രാജസ്ഥാൻ ബാഗർ. 

13  . അരാവലി പർവതനിരയുടെ പടിഞ്ഞാറായി സ്ഥിതിചെയ്യുന്ന സമതലം?

രാജസ്ഥാൻ സമതലം

14.  രാജസ്ഥാൻ സമതലത്തിലെ പ്രധാന ഉപ്പുതടാകതെല്ലാം?

📚 സാംഭർ,

📚 ദിവാന, 

📚സർഗോൾ

15.  സമതലത്തിന്റെ കിഴക്കും വടക്കുകിഴക്കുമായും വ്യാപിച്ചിരിക്കുന്ന സമതലഭാഗമേത്?

📚 പഞ്ചാബ്-ഹരിയാന സമതലം

16 . പഞ്ചാബ് അഞ്ച് നദികളുടെ നാടെന്നും അറിയപ്പെടുന്നു. കാരണമെന്ത്?

·

📚 സത് ലജ്, ഝലം, ചിനാബ് രവി, ബിയാസ് എന്നീ നദികൾ വഹിച്ചുകൊണ്ടു വരുന്ന അവസാദങ്ങൾ നിക്ഷേപിക്കപ്പെട്ട് രൂപം കൊണ്ടതാണ്.

17. എന്താണ് ദോബുകൾ? 

📚 പരസ്പരം കൂടിച്ചേരുന്ന രണ്ടു നദികൾക്കിടയിലുള്ള കരഭാഗമാണ് ദോബുകൾ.

18 . ഗംഗാസമതലം രൂപപ്പെട്ടത് എങ്ങനെ? 

📚 ഗംഗാനദിയും ഗംഗയുടെ പോഷകനദികളും ചേർന്നുള്ള നിക്ഷേപണപ്രക്രിയ യിലൂടെയാണ് അതിവിശാലമായ ഈ സമതലം രൂപപ്പെട്ടത്. 

19.  ഭൂമിശാസ്ത്രപരമായ സവിശേഷതകൾ അടിസ്ഥാനമാക്കി ഗംഗാസമതലത്തെ വീണ്ടും മൂന്നായി തരം തിരിക്കാം. ഏതെല്ലാം?

📚 ഉപരിഗംഗാസമതലം

📚മധ്യ ഗംഗാസമതലം

📚കീഴ് ഗംഗാസമതലം

20 . ഉത്തരേന്ത്യൻ സമതലത്തിന്റെ കിഴക്കോട്ടുള്ള തുടർച്ചയായിട്ടാണ് ബ്രഹ്മപുത്രാ സമതലത്ത കണക്കാക്കുന്നതെങ്കിലും, ഭൂമിശാസ്ത്രപരമായി ബ്രഹ്മപുത്രാസമതലം വേറിട്ട് നിൽക്കുന്നു. ഇതിന്റെ അതിരുകൾ ഏതെല്ലാം?

📚 വടക്ക്  : കിഴക്കൻ ഹിമാലയം

കിഴക്ക് - പത്കാ നാഗാകുന്നുകൾ

ഗാരോ-ഖാസി-ജയന്തിയാകുന്നുകളും മികിർകുന്നുകളും. 

📚 പടിഞ്ഞാറ് :  കീഴ്ഗംഗാസമതലം

21 . ഈ സമതലം എക്കൽ വിശറികളാൽ സമ്പന്നമാണ്. ഏതാണ് ഈ സമതലം? 

എന്താണ് എക്കൽ വിശറികൾ ? 

📚 ബ്രഹ്മപുത്രാസമതലം. 

📚 നദികൾ സമതലത്തിൽ പ്രവേശിക്കുമ്പോൾ ഒഴുക്ക് പെട്ടെന്ന് കുറയുകയും ആയതിനാൽ അവ വഹിച്ചു കൊണ്ടു വരുന്ന അവസാദങ്ങൾ (എക്കൽ) ഒരു വിശറിയുടെ രൂപത്തിൽ നിക്ഷേപിക്കപ്പെടുകയും ചെയ്യുന്നു. ഇങ്ങനെ രൂപപ്പെടുന്ന ഭൂരൂപങ്ങളാണ് എക്കൽ വിശറികൾ. 

22 . ഓക്സ്ബോതടാകങ്ങൾ  സൃഷ്ടിക്കപ്പെടുന്നതെങ്ങനെ?

📚സമതലപ്രദേശങ്ങളിലൂടെ തുടർന്നൊഴുകുന്ന നദികൾ പല ചാലുകളായി പിരിയുന്നു. ഒഴുക്ക് തീരെ കുറയുമ്പോൾ വളഞ്ഞുപുളഞ്ഞ് ഒഴുകുന്നു

വളഞ്ഞൊഴുകിയ ഭാഗം നിക്ഷേപണത്തിലൂടെ നദിയുടെ പ്രധാന ഭാഗത്തുനിന്ന് വേർപെട്ട് ഒറ്റപ്പെട്ട തടാകങ്ങൾ രൂപപ്പെടുന്നു.

 23.  എന്താണ്  നദീവലയങ്ങൾ ?

📚 നദികൾ വളഞ്ഞ് പുളഞ്ഞ് ഒഴുകുന്നതിനെ  നദീവലയങ്ങൾ എന്നാണ് അറിയപ്പെടുന്നത്. 

24.ഭൂപ്രകൃതിസവിശേഷതകളുടെ അടിസ്ഥാനത്തിൽ ഉത്തരേന്ത്യൻ സമതലത്തിന്റെ വടക്കുനിന്നും തെക്കോട്ട് മൂന്ന് പ്രധാന മേഖലകളായി തിരിക്കാം.ഏതെല്ലാം?

📚 ഭാബർ 

📚ടെറായ്

📚എക്കൽസമതലങ്ങൾ

25.ഭാബർ-സവിശേഷതകൾ എന്തെല്ലാം ?

📚 സിവാലിക് പർവതനിരയ്ക്ക് സമാന്തരമായി തെക്കുഭാഗത്ത് കാണുന്ന ഭാഗം. 

📚  ഏകദേശം 8 കിലോമീറ്റർ മുതൽ 10 കിലോമീറ്റർ വരെ വിസ്തൃതിയുള്ള ഇടുങ്ങിയ ഭൂഭാഗമാണിത്.

📚 പർവതഭാഗത്തു നിന്നും വരുന്ന നദികൾ കൊണ്ടുവരുന്ന ഉരുളൻ കല്ലുകളും പാറകളും നിക്ഷേപിക്കപ്പെട്ടാണ് ഈ സമതല ഭാഗം രൂപപ്പെട്ടിട്ടുള്ളത്.

📚 ഉരുളൻ കല്ലുകളുടെയും പാറകളുടെയും അടിയിലൂടെ നദികൾ ഒഴുകുന്നതിനാൽ നദികൾ ഈ ഭാഗങ്ങളിൽ ദൃശ്യമാകുന്നില്ല. 

26 .ടെറായ്- നോട്ട് തയ്യാറാക്കുക. 

📚 ഭാബർമേഖലയ്ക്ക് സമാന്തരം. 

📚 വീതി 10 കിലോമീറ്റർ മുതൽ 20 കിലോമീറ്റർ വരെ. 

📚 വെള്ളക്കെട്ടുള്ള ചതുപ്പു നിലങ്ങളാണിവ. 

📚 ഭാബർ മേഖലയിൽ അപ്രത്യക്ഷമാകുന്ന നദികൾ ഇവിടെ പുനർജനിക്കുന്നു.

📚 ടെറായിയിൽ  സമ്പുഷ്ടമായ സ്വാഭാവിക സസ്യജാലങ്ങളും

ജീവിവർഗങ്ങളുമുണ്ട്.

27 .എക്കൽസമതലങ്ങൾ - കുറിപ്പ് തയാറാക്കുക. 

📚 ടെറാമേഖലയ്ക്ക് തെക്കായി പുതിയതും പഴയതുമായ എക്കൽ നിക്ഷേപങ്ങളാൽ രൂപപ്പെട്ട സമതലഭാഗമാണ് എക്കൽ സമതലങ്ങൾ.

📚 നിക്ഷേപണ ഭൂരൂപങ്ങളായ നദീജന്യ ദ്വീപുകൾ , മണൽവരമ്പുകൾ , ഡൽറ്റുകൾ എന്നിവ ഈ മേഖലയുടെ സവിശേഷതകളാണ്.

📚 പിണഞ്ഞൊഴുകുന്ന അരുവികൾ (Braided Streams), വലയങ്ങൾ (Meanders),

ഓക്സ് ബോ തടാകങ്ങൾ എന്നിവയും ഇവിടത്തെ സവിശേഷതകളാണ്.

28 . ഭംഗർ, ഖാദർ വ്യത്യാസമെന്ത് ?

📚 പഴയ എക്കൽ നിക്ഷേപങ്ങളെ ഭംഗർ എന്നും പുതിയ എക്കൽ നിക്ഷേപങ്ങളെ

ഖാദർ എന്നും അറിയപ്പെടുന്നു.

29 .ഉത്തരേന്ത്യൻ സമതലങ്ങളിലെ കാലാവസ്ഥ- വിശദീകരിക്കുക. 

1.ശൈത്യകാലം. 

📝 നവംബർ മധ്യത്തോടെയാണ് ശൈത്യകാലമെത്തുന്നത്.

📝തണുപ്പേറിയ മാസങ്ങൾ ഡിസംബറും ജനുവരിയുമാണ്.

2.ഉഷ്ണകാലം

📝 മാർച്ച് ,ഏപ്രിൽ, മെയ്, ജൂൺ എന്നീ മാസങ്ങളിലാണ്

ഉഷ്ണകാലം അതികഠിനമാണ്.

📝മെയ് മാസത്തോടെ പടിഞ്ഞാറൻ ഭാഗങ്ങളിൽ താപനില 48 ഡിഗ്രി

സെൽഷ്യസ് വരെ ഉയരാറുണ്ട്.

📝പഞ്ചാബ്, ഹരിയാന, കിഴക്കൻ രാജസ്ഥാൻ, ഉത്തർപ്രദേശ് എന്നിവിടങ്ങളിൽ

വൈകുന്നേരങ്ങളിൽ വീശുന്ന പൊടിനിറഞ്ഞ കാറ്റുകൾ

ചെറിയതോതിലുള്ള മഴയ്ക്ക് കാരണമായതിനാൽ അതികഠിനമായ വേനൽച്ചൂടിൽനിന്നും അൽപ്പം ആശ്വാസം ലഭിക്കുന്നു.

3.തെക്കുപടിഞ്ഞാറൻ മൺസൂൺ കാലം

📝 മാർച്ച് മാസത്തോടെ ഉത്തരേന്ത്യൻ സമതലങ്ങളിലെ താപനില ഗണ്യമായി ഉയരുന്നു.

തത്ഫലമായി ഇവിടെ രൂപം കൊള്ളുന്ന ന്യൂനമർദമേഖലയാണ് തെക്കുപടിഞ്ഞാറൻ മൺസൂൺ കാറ്റുകളെ ഇന്ത്യൻ ഉപഭൂഖണ്ഡത്തിലേക്ക്

ആകർഷിക്കുന്നത്.

📝രണ്ട് ശാഖകളായാണ് (ബംഗാൾ

ഉൾക്കടൽ ശാഖ, അറബിക്കടൽ ശാഖ). 

📝 തെക്കുപടിഞ്ഞാറൻ മൺസൂൺ കാറ്റുകൾ ഇന്ത്യൻ ഉപഭൂഖണ്ഡത്തിൽ പ്രവേശിക്കുന്നത് 

സുന്ദരവനം ഡൽറ്റാപ്രദേശത്തിലൂടെ കരയിലേക്ക് പ്രവേശിക്കുന്ന ബംഗാൾ ഉൾക്കടൽശാഖ രണ്ട് ഉപശാഖകളായി പിരിയുന്നു.

📝 ഒന്ന് കിഴക്ക് ദിശയിൽ ബ്രഹ്മപുത്രാസമതലത്തിൽ പ്രവേശിച്ച് വൻതോതിൽ മഴ നൽകുന്നു.

📝പടിഞ്ഞാറുദിശയിൽ ഗംഗാസമതലത്തിലേക്ക് പ്രവേശിക്കുന്ന ഉപശാഖയാകട്ടെ പശ്ചിമബംഗാൾ, ബീഹാർ, ഉത്തർപ്രദേശ്, ഡൽഹി എന്നിവിടങ്ങളിൽ

മഴനൽകി മുന്നേറുന്നു.

📝 അരാവലി പർവതനിരയ്ക്ക് സമാന്തരമായി നീങ്ങുന്ന

അറബിക്കടൽ ശാഖയുമായി പഞ്ചാബ് സമതലത്തിൽ വച്ച് കൂടിച്ചേരുകയും പടിഞ്ഞാറൻ ഹിമാലയത്തിന്റെ അടിവാര മേഖലയിൽ വരെ മഴയെത്തിക്കുകയും ചെയ്യുന്നു.

ജൂൺ മുതൽ സെപ്റ്റംബർ വരെ നീളുന്ന തെക്കുപടിഞ്ഞാറൻ മൺ സൂൺകാലമാണ് ഉത്തരേന്ത്യൻ സമതലപ്രദേശത്തെ പ്രധാന മഴക്കാലം.



4.വടക്കുകിഴക്കൻ മൺസൂൺ കാലം

📚 സൂര്യന്റെ ദക്ഷിണാർധഗോളത്തിലേക്കുള്ള അയനംമൂലം ഉത്തരേന്ത്യൻ സമതലത്തിൽ നിലനിന്നിരുന്ന ന്യൂനമർദമേഖല ക്രമേണ തെക്കോട്ട് പിൻവാങ്ങുന്നു.

📚 മൺസൂണിന്റെ പിൻവാങ്ങൽക്കാലം എന്ന് വിശേഷിപ്പിക്കുന്ന ഈ കാലത്ത് ഉത്തരേന്ത്യൻ സമതലപ്രദേശത്ത് ഉച്ചമർദമേഖല രൂപപ്പെടുകയും ഇവിടെ നിന്ന് ഇന്ത്യൻ മഹാസമുദ്രത്തിലേക്ക് കാറ്റ് വീശുകയും ചെയ്യുന്നു.

📚 ഈർപ്പരഹിതമായ ഈ കാറ്റ് വടക്കുകിഴക്ക് ദിശയിൽ നിന്നുമായതിനാലാണ് ഈ കാലത്തെ വടക്കുകിഴക്കൻ മൺസൂൺകാലം എന്ന് വിളിക്കുന്നത്.

 30.  എന്തുകൊണ്ടാണ് ഉത്തരേന്ത്യൻ സമതലങ്ങളിൽ അതിശൈത്യം അനുഭവപ്പെടുന്നത് ?

📚 കാലാവസ്ഥയെ മിതപ്പെടുത്തുന്ന സമുദ്രത്തിന്റെ സ്വാധീനത്തിൽ നിന്നും ഏറെ അകലെയായാണ് മിക്ക പ്രദേശങ്ങളും.

📚 ഹിമാലയൻ പർവതനിരകളിലെ മഞ്ഞുവീഴ്ച അതിശക്തമായ ശീതക്കാറ്റിന്

കാരണമാകുന്നു.

📚 പശ്ചിമേഷ്യയിൽ നിന്നും വീശുന്ന ശീതക്കാറ്റ് ഉത്തരേന്ത്യൻ സമതലത്തിന്റെ പടിഞ്ഞാറൻ പ്രദേശങ്ങളിൽ ഹിമം, മുടൽമഞ്ഞ്,ശീതതരംഗം എന്നിവയ്ക്ക്

കാരണമാകുന്നു.

📚 ഉത്തരാർധഗോളത്തിൽ നിന്നും ദക്ഷിണാർധഗോളത്തിലേക്കുള്ള സൂര്യന്റെ

അയനം.

31 .ലൂ എന്നറിയപ്പെടുന്ന കാറ്റുകൾ ഉത്തരേന്ത്യൻ സമതലത്തിലെ താപനിലയെ

സ്വാധീനിക്കുന്നതെങ്ങനെ?

📝 മെയ്, ജൂൺ മാസങ്ങളിൽ രാജസ്ഥാനിലെ മരുഭൂമി പ്രദേശങ്ങളിൽ നിന്നും ഗംഗാസമതലത്തിലേക്ക് വിശുന്ന ശക്തിയേറിയ വരണ്ട ഉഷ്ണക്കാറ്റാണ് ലൂ.

📝 ഈ കാറ്റുകൾ ഉത്തരേന്ത്യൻ സമതലത്തിലെ താപനില ഗണ്യമായി ഉയർത്തുന്നു.

32.എന്താണ് 'ഒക്ടോബർ ചൂട്?

📚 ഉത്തരേന്ത്യൻ സമതലപ്രദേശത്ത് പൊതുവെ വരണ്ട കാലാവസ്ഥ അനു ഭവപ്പെടുന്ന കാലയളവിലെ ഉയർന്ന അന്തരീക്ഷ ആർദ്രതയും ഉയർന്ന താപനിലയും ദിനാവസ്ഥയെ കൂടുതൽ ദുസ്സഹമാക്കുന്നു. ഈ പ്രതിഭാസത്തെ 'ഒക്ടോബർ ചൂട്' എന്നാണ് വിശേഷിപ്പിക്കുന്നത്.

33.രാജസ്ഥാനിൽ തെക്കുപടിഞ്ഞാറൻ മൺസൂൺ മഴ വളരെ പരിമിതമാണ്.

കാരണമെന്തായിരിക്കും?

👉 അരാവലി പർവതനിര മൺസൂൺ മേഘങ്ങളുടെ സഞ്ചാരത്തെ തടയുന്നതുകൊണ്ട് മഴക്കാലത്ത് രാജസ്ഥാൻ സമതലത്തിൽ മഴ വളരെ പരിമിതമാണ്.

34.എന്താണ് നൈസർഗിക സസ്യജാലങ്ങൾ?

📚 മനുഷ്യന്റെ ഇടപെടലുകളില്ലാതെ, ദീർഘകാലം ഒരു പ്രദേശത്തെ മണ്ണിനെയും കാലാവസ്ഥയെയും മാത്രം അനുകൂല ഘടകങ്ങളാക്കി വളരുന്ന സസ്യങ്ങളാണ്

നൈസർഗിക സസ്യജാലങ്ങൾ എന്നറിയപ്പെടുന്നത്.

35.ഉത്തരേന്ത്യൻ സമതലത്തിൽ പൊതുവെ കാണപ്പെടുന്ന നൈസർഗിക സസ്യജാലങ്ങൾ ഏതെല്ലാം?

📚  ഉഷ്ണമേഖല ഇലപൊഴിയും വനങ്ങൾ

ഉഷ്ണമേഖല മുൾക്കാടുകൾ

ചതുപ്പുനിലവനങ്ങൾ.

36 .ഉഷ്ണമേഖല ഇലപൊഴിയും വനങ്ങളെ രണ്ടായി തിരിക്കാം.ഏതെല്ലാം? പ്രത്യേകതയെന്ത്?

A)വരണ്ട ഇല പൊഴിയും കാടുകൾ. 

B) ആർദ്ര ഇലപൊഴിയും കാടുകൾ.

37.ഉഷ്ണമേഖല ഇലപൊഴിയും വനങ്ങളിൽ കാണപ്പെടുന്ന സസ്യവർഗങ്ങൾക്ക് ഉദാഹരണം ?

📚 തേക്ക്, സാൽ, ശിഷാം, മഹുവ, നെല്ലി, ചന്ദനം 

38.  വരണ്ട ഇലപൊഴിയും വനങ്ങളുടെ സവിശേഷത എന്ത്?

📚 വാർഷിക മഴ : 70 മുതൽ 100 cm വരെ. 

📚 6 മുതൽ 8 ആഴ്ച വരെ സസ്യങ്ങൾ ഇലപൊഴിക്കുന്നു. 

📚 ബീഹാറിലും ഉത്തർപ്രദേശിലും കാണപ്പെടുന്നു. 

39.  ആർദ്ര ഇലപൊഴിയും കാടുകളുടെ സവിശേഷത എന്ത്? 

📚 വാർഷിക മഴ : 100 നും 200 നും ഇടയില്‍ 

📚 കാണപ്പെടുന്ന സ്ഥലങ്ങള്‍ : സിവാലിക് താഴ് വര, ഒഡീഷ, പശ്ചിമബംഗാള്‍. 

📚 തേക്ക്, സാൽ ശിഷാം, മഹവ, നെല്ലി, ചന്ദനം. 

40 . ഉഷ്ണമേഖലാ മുൾക്കാടുകൾ - കുറിപ്പ് എഴുതുക ? 

📚 തെക്കു പടിഞ്ഞാറൻ പഞ്ചാബിലെ അർധ വരണ്ട പ്രദേശങ്ങളിലും പടിഞ്ഞാറൻ ഹരിയാന, രാജസ്ഥാൻ എന്നിവിടങ്ങളിലും കാണപ്പെടാറുണ്ട്.

📚 വൈവിധ്യമാർന്ന പുല്ലുകളും കുറ്റിച്ചെടികളും നിറഞ്ഞതാണ്. 

📚 ബാബുൽ. ബെർ, വന്യ ഈന്തപ്പനകൾ,

തുടങ്ങിയവയാണ് പ്രധാന സസ്യവർഗങ്ങൾ.

📚 ഖൈർ, വേപ്പ്, കെജി, പലാസ്

രണ്ട് മീറ്റർ ഉയരത്തിൽ വരെ വളരുന്ന ടസോക്കി എന്ന പുല്ലും കാണപ്പെടുന്നു.

41.എന്താണ് ചതുപ്പുനിലവനങ്ങൾ (Swamp Forest)?

📚രാജസ്ഥാനിലെ വിശാലമായ ഉപ്പുപാടങ്ങൾ, ശുദ്ധജലതടാകങ്ങൾ, ഗംഗാസമതലത്തിലെ ശുദ്ധജലചതുപ്പുകൾ, ബ്രഹ്മപുത്രാനദിയുടെ പ്രളയസമതലങ്ങൾ, സുന്ദർബൻ ഡൽറ്റാപ്രദേശങ്ങൾ എന്നിവിടങ്ങളിൽ കാണപ്പെടുന്ന സ്വാഭാവിക സസ്യജാലങ്ങളാണിവ. 

42 . സുന്ദർബൻ ഡൽറ്റയുടെ പ്രത്യേകതയെന്ത് ?

📚 പശ്ചിമബംഗാളിൽ ഗംഗാസമതലത്തിന്റെ ചതുപ്പ് നിറഞ്ഞ അതിവിശാലമായ ഡൽറ്റാ പ്രദേശമാണ് സുന്ദർബൻ.

📚 ഇവിടെ നിബിഢമായി കാണപ്പെടുന്ന സ്വാഭാവിക സസ്യജാലങ്ങളാണ് കണ്ടൽക്കാടുകൾ (Mangroves).

📚 റോയൽ ബംഗാൾ കടുവകളുടെ സങ്കേതം. 

📚 മത്സ്യങ്ങൾ ഉൾപ്പെടെ നിരവധി ജലജീവിവർഗങ്ങൾക്ക് കണ്ടൽ സസ്യങ്ങളുടെ വേരുകൾ സജീവ ആവാസവ്യവസ്ഥയാണ്. 

📚വൈവിധ്യമാർന്ന പക്ഷികളുടെ അഭയകേന്ദ്രം. 

📚 സുന്ദരി എന്നയിനം കണ്ടൽച്ചെടികൾ സുന്ദർബൻ ഡൽറ്റയുടെ പ്രത്യേകതയാണ്.

43.  ഉത്തര മഹാസമതലത്തിന്റെ സവിശേഷതകൾ എന്തെല്ലാം?

📚 ഫലഭൂയിഷ്ഠമായ എക്കൽ മണ്ണ്. 

📚 നിരപ്പാർന്ന ഭൂപ്രകൃതി. 

📚 എപ്പോഴും നീരൊഴുക്കുള്ള നദികൾ. 

📚 അനുയോജ്യമായ കാലാവസ്ഥ. 

44  .ഇന്ത്യയുടെ ധാന്യപ്പുര എന്ന് വിശേഷിപ്പിക്കുന്ന ഇന്ത്യയുടെ ഭൂപ്രകൃതി വിഭാഗം ഏത്? എന്തുകൊണ്ട്?

📚 ഉത്തര മഹാസമതലം

കാർഷികമേഖലയെ അടിസ്ഥാനമാക്കിയുള്ള ഇന്ത്യയുടെ സമ്പദ്വ്യവസ്ഥയെ പടുത്തുയർത്തുന്നതിൽ നിർണ്ണായക പങ്ക്. 

📚 ഇവിടെ ഗോതമ്പ്, നെല്ല്, ചണം, കരിമ്പ് തുടങ്ങിയ വ്യത്യസ്ത വിളകൾ വ്യാപകമായി കൃഷി ചെയ്യപ്പെടുന്നു.

📚 ജലസേചനത്തിന്റെ സഹായ ത്തോടെ അതിവിപുലമായുള്ള കൃഷിരീതി. 

45.ഉത്തര മഹാസമതലത്തിന് ഇന്ത്യയിലെ സംസ്കാരം രൂപപ്പെടുത്തുന്നതിൽ

ഗണ്യമായ പങ്കുണ്ട്.വിശദമാക്കുക?

📚 രാജ്യത്തിന്റെ കാർഷിക സമ്പദ്വ്യവസ്ഥയുടെ നട്ടെല്ലായി നിലകൊള്ളുന്നു. 

📚ഭക്ഷ്യസുരക്ഷ എന്ന ഉത്തരവാദിത്വം. 

📚സഞ്ചാര, വിനിമയ സൗകര്യങ്ങൾ ജനങ്ങളുടെ വ്യാപനത്തിനും ഇടപഴകലിനും കളമൊരുക്കിയിട്ടുണ്ട്. 

അതിലൂടെ രൂപപ്പെട്ട മിശ്ര, ബഹുസ്വര സംസ്കാരമാണ് ഇന്നത്തെ ഇന്ത്യയുടെ ശക്തിയും സൗന്ദര്യവും.