മാനവവിഭവശേഷി രാഷ്ട്രപുരോഗതിക്കായി

 യൂണിറ്റ് : 4 

മാനവവിഭവശേഷി രാഷ്ട്രപുരോഗതിക്കായി. 

1)  സാമ്പത്തിക വിഭവങ്ങൾ എന്നാൽ എന്ത് ?

ഭൂമി, അധ്വാനം, മൂലധനം, സംരംഭകത്വം എന്നിവയാണ് ഉൽപാദക ഘടകങ്ങൾ. ഇവയെ സാമ്പത്തിക വിഭവങ്ങൾ എന്നറിയപ്പെടുന്നു. 

👉 ഭൂമി

വെള്ളം,മണ്ണ് വായു തുടങ്ങിയ പ്രകൃതിവിഭവങ്ങൾ എല്ലാം ഭൂമിയുടെ ഭാഗമാണ്. 

👉 അധ്വാനം

പ്രതിഫലത്തിനായി മനുഷ്യർ ചെയ്യുന്ന ബൗദ്ധികമോ കായികമോ ആയ എല്ലാ പ്രയത്നങ്ങളും അദ്ധ്വാനത്തിൽ ഉൾപ്പെടുന്നു. 

👉 മൂലധനം

ഉൽപ്പാദന പ്രക്രിയയെ സഹായിക്കുന്ന എല്ലാ മനുഷ്യനിർമ്മിത വിഭവങ്ങളും മൂലധനമാണ്

സംരംഭകത്വം. 

ഭൂമി, അധ്വാനം, മൂലധനം എന്നീ ഘടകങ്ങളെ അനുയോജ്യമായ രീതിയിൽ സംയോജിപ്പിച്ച് ഉൽപാദനം സാധ്യമാക്കുന്നത് സംരംഭകത്വം എന്ന പ്രക്രിയയിലൂടെയാണ്.

2) ഉൽപാദക ഘടകങ്ങളും പ്രതിഫലവും.. 

👉 ഉൽപാദക ഘടകങ്ങൾ 

📚 ഭൂമി

📚 അധ്വാനം

📚 മൂലധനം

📚 സംരംഭകത്വം

👉 പ്രതിഫലം

📚 പാട്ടം 

📚 വേതനം

📚 പലിശ

📚 ലാഭം

3) ബാർട്ടർ സമ്പ്രദായം എന്നാല്‍ എന്ത്? 

📚 പണം നിലവിലില്ലാതിരുന്ന കാലത്ത് വസ്തുക്കൾക്ക് പകരം വസ്തുക്കൾ കൈമാറ്റം ചെയ്യപ്പെടുന്ന വിനിമയമാർഗമാണ് നിലനിന്നിരുന്നത്. ഇത് ബാർട്ടർ സമ്പ്രദായം എന്നറിയപ്പെടുന്നു. ബാർട്ടർ സമ്പ്രദായം

4) ബാർട്ടർ സമ്പ്രദായം പോരായ്മകൾ എന്തെല്ലാം? 

📚 വസ്തുക്കളുടെ വില നിർണ്ണയിക്കുന്നതിനുള്ള പ്രയാസം. 

📚 കൈമാറ്റം ചെയ്യപ്പെടുന്ന സാധനങ്ങളുടെ മൂല്യം വ്യത്യസ്തമായിരിക്കും.

📚 സാധനങ്ങൾ കൈമാറ്റം ചെയ്യുന്നതിനുള്ള ബുദ്ധിമുട്ട്. 

📚 ഇഷ്ടപ്പെടുന്ന സാധനങ്ങൾ കൈമാറ്റത്തിലൂടെ ലഭിക്കാത്ത

അവസ്ഥ. 

5) പണത്തിന്റെ പരിണാമ ഘട്ടങ്ങൾ ഏതെല്ലാം ? 

ബാർട്ടർ ഉൽപ്പന്നങ്ങൾ ➡️ 

സ്വർണ്ണം ➡️ 

ലോഹ നാണയങ്ങൾ ➡️ 

കടലാസുപണം ➡️ 

പ്ലാസ്റ്റിക് കാർഡുകൾ ➡️

ഇലക്ട്രോണിക് പണം. 

6) പണത്തിന്റെ പരിണാമ പ്രക്രിയയുടെ ഘട്ടങ്ങൾ വിശദീകരിക്കുക? 

📚 പണത്തിന്റെ പരിണാമപ്രക്രിയയുടെ ആദ്യഘട്ടത്തിൽ മൃഗങ്ങളുടെ തോൽ കാർഷികവിഭവങ്ങൾ, കന്നുകാലികൾ തുടങ്ങിയ പല വസ്തുക്കളും പണമായി ഉപയോഗിച്ചിരുന്നു.

ലോഹങ്ങൾ ലഭ്യമായിത്തുടങ്ങിയപ്പോൾ സ്വർണ്ണവും വിവിധതരം ലോഹങ്ങളും ഉപയോഗിച്ചു. 

തുടർന്ന് ലോഹനാണയങ്ങളും പണമായി ഉപയോഗിച്ചു തുടങ്ങി.

പൊതുവായ

ഒരു ഉപാധിയെന്ന നിലയിൽ കൂടുതൽ സൗകര്യപ്രദമായി ഉപയോഗിക്കാമെന്നതിനാൽ  കടലാസുപണത്തിലേക്ക് ക്രയവിക്രയങ്ങൾ ക്രമേണ

മാറി.

വിപണിയെന്ന ആശയം കൂടുതൽ ബൃഹത്തായി മാറുകയും സാങ്കേതികവിദ്യ എല്ലാ മേഖലകളും കൈയടക്കുകയും ചെയ്തതോടെ കാർഡ് പണം അഥവാ പ്ലാസ്റ്റിക് പണം ഉപയോഗിച്ചു തുടങ്ങി.

. തുടർന്ന് ഇലക്ട്രോണിക് പണരീതികളിലേക്ക് പണം രൂപാന്തരപ്പെട്ടു.

7 ) പാട്ടം , വേതനം, പലിശ, ലാഭം എന്നിവയിൽ ഏതു രൂപത്തിലുള്ള പ്രതിഫലമാണ് കൂടുതൽ ആളുകളിലേക്ക് എത്തിച്ചേരുന്നത് ?

📚 വേതനം

8) ഏത് ഉൽപാദന ഘടകമാണ് കൂടുതലായി ഉൽപാദന പ്രക്രിയയിൽ ഉപയോഗിക്കുന്നത് ? എന്തുകൊണ്ട് ?

📚 തൊഴിൽ അഥവാ അധ്വാനം. അധ്വാനത്തിൽ നിന്നും ലഭിക്കുന്ന വേതനമാണ് കൂടുതൽ ജനങ്ങളുടെയും വരുമാന മാർഗം. 

9) മാനവവിഭവം അഥവാ മനുഷ്യവിഭവം എന്നാല്‍ എന്ത് ? 

📚 ഉൽപാദനപ്രക്രിയയിൽ

ഉപയോഗപ്പെടുത്താൻ

കഴിയുന്ന അധ്വാനശേഷിയുള്ള ജനങ്ങളാണ് മാനവവിഭവം അഥവാ മനുഷ്യവിഭവം. 

📚 ലഭ്യമായ പ്രകൃതിവിഭവങ്ങളെ മറ്റ് ഉൽപാദകഘടകങ്ങളുടെ സഹായത്തോടെ കായികക്ഷമതയും ബുദ്ധിയും ഉപയോഗിച്ചുകൊണ്ട് ഉല്പന്നങ്ങളാക്കി മാറ്റാൻ മാനവവിഭവത്തിന് കഴിയുന്നു.

10) എന്താണ് ഉൽപാദനക്ഷമത. 

📚 ഉൽപന്നങ്ങൾ

സൃഷ്ടിച്ചെടുക്കാനുള്ള

ഓരോ

ഉൽപാദകഘടകത്തിന്റെയും കഴിവിനെ ഉൽപാദനക്ഷമത എന്നു

പറയുന്നു. 

11) എങ്ങനെയുള്ള

ജനവിഭാഗത്തെയാണ്

മാനവവിഭവശേഷിയായി പരിഗണിക്കാൻ കഴിയുന്നത് ?

📚 രാജ്യത്തിന്റെ

ഉൽപ്പാദനരംഗത്ത് ഉപയോഗപ്പെടുത്താൻ കഴിയുന്ന അധ്വാന ശേഷിയുള്ള ജനങ്ങളാണ് മാനവവിഭവം. 

12) മാനവവിഭവശേഷിയെ സ്വാധീനിക്കുന്ന ഘടകങ്ങൾ ഏതെല്ലാം ?

 

📚 ജനസംഖ്യയുടെ വലിപ്പം. 

📚 ഘടന

📚വൈദഗ്ധ്യം

📚വളർച്ച

13) ലോക ജനസംഖ്യയിൽ ഒന്നാംസ്ഥാനത്തുള്ള രാജ്യം ?

📚 ഇന്ത്യ

14) ഏത് ജനവിഭാഗമാണ് രാജ്യത്തിന്റെ തൊഴിൽ സേന എന്ന വിഭാഗത്തിൽ ഉൾപ്പെടുന്നത് ?

ഇന്ത്യാഗവൺമെന്റ് 2023 ഫെബ്രുവരിയിൽ പ്രസിദ്ധീകരിച്ച പീരിയോഡിക് ലേബർ ഫോഴ്സ് സർവെ (PLFS) റിപ്പോർട്ട് പ്രകാരം 15 വയസ്സിനും അതിനുമുകളിലും തൊഴിൽ സന്നദ്ധതയും കഴിവുമുള്ള ജനവിഭാഗമാണ് രാജ്യത്തിന്റെ തൊഴിൽസേന എന്ന വിഭാഗത്തിൽ ഉൾപ്പെടുന്നത്

ഈ പ്രായഘടനയിൽപ്പെട്ട ജനങ്ങളുടെ എണ്ണം കൂടുതലാണെങ്കിൽ സമ്പദ്ഘടനയുടെ വരുമാനത്തെയും വളർച്ചയെയും അത് അനുകൂലമായി സ്വാധീനിക്കുന്നു.

15) രാജ്യത്തിന്റെ ജനസംഖ്യയാണോ തൊഴിൽസേനയാണോ സമ്പദ്ഘടന യുടെ വരുമാനത്തെയും വളർച്ചയെയും അനുകൂലമായി സ്വാധീനിക്കുന്നത്?

📚 തൊഴിൽസേന. 

16) മനുഷ്യമൂലധനരൂപീകരണം സാധ്യമാകുന്നത് എങ്ങനെ?

📚  ഉന്നത വിദ്യാഭ്യാസം,

📚ഉചിതമായ പരിശീലനം,

📚 ആരോഗ്യ പരിരക്ഷ

📚സാമൂഹിക മൂലധനം

 17) മനുഷ്യമൂലധനം

എന്തെന്ന് എഴുതുക.? 

📚  മാനവവിഭവങ്ങളായ 

നമ്മൾ ഓരോരുത്തരും വിദ്യാഭ്യാസത്തിലൂടെയും

തൊഴിൽ പരിശീലനത്തിലൂടെയും മനുഷ്യമൂലധനമായി മാറുന്നു. 

📚 മാനവ വിഭവശേഷിയുടെ സാമ്പത്തികമൂല്യമാണ് മനുഷ്യമൂലധനം.

📚 മനുഷ്യ മൂലധന ശേഖരത്തിലേക്ക് കാലക്രമേണ നടത്തുന്ന കൂട്ടിച്ചേർക്കലുകളാണ് മനുഷ്യമൂലധനരൂപീകരണം.

18) മനുഷ്യ മൂലധന രൂപങ്ങൾക്ക് ഉദാഹരണങ്ങൾ എഴുതുക. 

📚 കർഷകർ

📚 അധ്യാപകർ

📚 ശാസ്ത്രജ്ഞർ

📚 എഞ്ചിനീയർ

📚 ഡോക്ടർമാർ

📚 കരകൗശല വിദഗ്ധർ

📚 ഡ്രൈവർമാർ

📚 വക്കീലന്മാർ

19) മനുഷ്യമൂലധനത്തെ എങ്ങനെയെല്ലാം ശക്തിപ്പെടുത്താം ?

📚 മെച്ചപ്പെട്ട ആരോഗ്യസൗകര്യങ്ങൾ ഒരുക്കുക. 

📚 വിദ്യാഭ്യാസരംഗത്ത് വൻതോതിലുള്ള നിക്ഷേപം സാധ്യമാക്കുക. 

📚 നൈപുണി വികസനത്തിന് പ്രാധാന്യം നൽകുക. 

📚 തൊഴിലാളിസൗഹൃദ തൊഴിൽ അന്തരീക്ഷം സൃഷ്ടിക്കുക. 

20) മനുഷ്യ മൂലധന രൂപീകരണത്തെ സ്വാധീനിക്കുന്ന ഘടകങ്ങൾ ഏതെല്ലാം? 

📚 വിദ്യാഭ്യാസം

📚 ആരോഗ്യം

📚 മനുഷ്യമൂലധന രൂപീകരണം. 

📚 കുടിയേറ്റം

📚 തൊഴിൽ പരിശീലനം

📚 വിവരലഭ്യത.

21) വിദ്യാഭ്യാസം എങ്ങനെയാണ്

മനുഷ്യ

മൂലധന

രൂപീകരണത്തിലേക്കും അതുവഴി രാജ്യപുരോഗതിയിലേക്കും നയിക്കുന്നത് ?

📚 വ്യക്തികളുടെ കഴിവും ശേഷിയും വൈദഗ്ധ്യവും മെച്ചപ്പെടുന്നു. 

📚 സാങ്കേതിക വിദ്യ ഫലപ്രദമായി വിനിയോഗിക്കപ്പെടുന്നു.

📚  ഉന്നതമൂല്യബോധമുള്ള സമൂഹം സൃഷ്ടിക്കപ്പെടുന്നു. 

📚 നൈപുണി വികസനം സാധ്യമാകുന്നു. 

📚 മെച്ചപ്പെട്ട തൊഴിലും വരുമാനവും നേടാൻ കഴിയുന്നു. 

📚 ജീവിതനിലവാരം

അഭിവൃദ്ധിപ്പെടുത്താനും

രാജ്യപുരോഗതി

കൈവരിക്കാനും അതുവഴി വ്യക്തിയെ മനുഷ്യ മൂലധനമാക്കി മാറ്റാനും

കഴിയുന്നു.

22) എന്താണ് ആരോഗ്യം ?

ശാരീരികവും മാനസികവും സാമൂഹികവുമായ സുസ്ഥിതിയാണ്

ആരോഗ്യം. (WHO) നിർവചിക്കുന്നു.

23) ആരോഗ്യക്ഷമത

കുറയുന്നത്

വ്യക്തിയെയും രാജ്യപുരോഗതിയെയും എങ്ങനെയെല്ലാം ബാധിക്കുന്നു ?

📚 ഉൽപാദനക്ഷമത കുറയുന്നു.

📚 ജോലിയിൽ നിന്ന് വിട്ടുനിൽക്കേണ്ടി വരുന്നു. 

📚 ഉൽപാദനം കുറയുന്നു. 

📚 വരുമാനം കുറയുന്നു. 

📚 വാങ്ങൽ ശേഷി കുറയുന്നു.

📚 ദാരിദ്ര്യത്തിന് കാരണമാകുന്നു. 

📚 ജീവിതനിലവാരം താഴുന്നു.

📚  രാഷ്ട്രപുരോഗതി തടസ്സപ്പെടുത്തുന്നു.

24) പൊതുമേഖലയിലെ

ആരോഗ്യപരിപാലന സംവിധാനങ്ങൾ

ഏതെല്ലാം ?

📚 ആരോഗ്യ ഉപകേന്ദ്രങ്ങൾ. 

📚 ജില്ലാ ആശുപ്രതികൾ. 

📚പ്രാഥമിക ആരോഗ്യകേന്ദ്രങ്ങൾ. 

📚 സാമൂഹിക ആരോഗ്യകേന്ദ്രങ്ങൾ. 

📚 താലൂക്ക് ആശുപ്രതികൾ. 

📚 മെഡിക്കൽ കോളേജുകൾ.

25) ചികിൽസാസൗകര്യങ്ങൾ ലഭ്യമാക്കുന്ന മറ്റു സ്ഥാപനങ്ങൾ ഏതെല്ലാം ?

 

📚 ആയുർവേദം

📚 യോഗ

📚 പ്രകൃതി ചികിൽസ

📚 യൂനാനി

📚 ഹോമിയോപതി

26) ആരോഗ്യപരിപാലന സംവിധാനങ്ങളിലൂടെ ഗവൺമെന്റ് എന്തെല്ലാം പ്രവർത്തനങ്ങളാണ് നടപ്പിലാക്കി വരുന്നത്?

 

📚 പ്രതിരോധ ഔഷധങ്ങൾ. 

📚 പ്രതിരോധ കുത്തിവയ്പ്പുകൾ. 

 📚 രോഗം ഭേദമാക്കാനുള്ള ഔഷധങ്ങൾ. 

📚പോഷകാഹാരലഭ്യത,

📚 ആരോഗ്യ സാക്ഷരതയുടെ പ്രചരണം. 

 📚 ശുദ്ധമായ കുടിവെള്ളവിതരണം. 

📚 ശുചീകരണ നടപടികൾ എന്നിവ നടപ്പിലാക്കി വരുന്നു.

27) കുടിയേറ്റം എന്നാൽ എന്ത് ? 

ഇത് ആ പ്രദേശത്തെ

മനുഷ്യമൂലധനരൂപീകരണത്തിന് സഹായകരമാകുന്നത് എങ്ങനെ?

📚 ഒരു

പ്രദേശത്തുനിന്ന്

മറ്റൊരു പ്രദേശത്തേക്ക്

സ്ഥിരമായോ

താൽക്കാലികമായോ ജനങ്ങൾ മാറിത്താമസിക്കുന്നതിനെയാണ് കുടിയേറ്റം എന്ന് പറയുന്നത്.

📚 സാമൂഹിക, സാമ്പത്തിക, സാംസ്കാരിക മേഖലകളിൽ കുടിയേറ്റം നിരവധി മാറ്റങ്ങൾ ഉണ്ടാക്കുന്നു.

📚 കുടിയേറ്റത്തിന്റെ അനന്തരഫലമായി ഉണ്ടാകുന്ന പ്രാദേശികമാറ്റങ്ങൾ ഉൾക്കൊള്ളുന്നതിനും ആവശ്യങ്ങൾ നിറവേറ്റുന്നതിനും ചെലവുകൾ

വഹിക്കുക എന്നത് ഗവൺമെന്റിന്റെ ഉത്തരവാദിത്വമാണ്.

 ഇത് ആ പ്രദേശത്തെ മനുഷ്യമൂലധനരൂപീകരണത്തിന് സഹായകരമാകുന്നു.

28) ചില

തൊഴിൽ പരിശീലനം മനുഷ്യമൂലധനരൂപീകരണത്തെ സഹായിക്കുന്നത് എങ്ങനെ ?

📚 പ്രത്യേക മേഖലകളിൽ തൊഴിലുകൾ ലഭിക്കുന്നതിന് നൈപുണി

വികസനപരിശീലനങ്ങൾ നിർബന്ധമാണ്.

📚 ഡോക്ടറും എഞ്ചിനിയറും അധ്യാപകരുമെല്ലാം

ആകുന്നവർ അവരവരുടെ മേഖലയിൽ അനുയോജ്യമായ തരത്തിലുള്ള പരിശീലന കോഴ്സുകളിലൂടെ തൊഴിൽപരമായ പ്രാവീണ്യം നേടുന്നു.

📚 വിവിധ തൊഴിൽമേഖലകളിൽ ജോലി ചെയ്യുന്നവർക്ക് അതാത് സ്ഥാപനങ്ങൾ പല ഘട്ടങ്ങളിലായി തൊഴിൽ പരിശീലനം നൽകുന്നുണ്ട് .

📚 തൊഴിൽ പരിശീലനം നേടുന്നത് ഉൽപാദനക്ഷമത വർധിപ്പിക്കാൻ സഹായിക്കും. അതുവഴി ഉയർന്ന ഉൽപാദനം സാധ്യമാകും.

📚 മനുഷ്യമുലധനരൂപീകരണത്തെ അതിന്റെ പാരമ്യതയിൽ

തൊഴിൽപരിശിലനം എത്തിക്കുകയും ചെയ്യും.

29) 

വിവരലഭ്യത മനുഷ്യമൂലധനരൂപീകരണത്തെ സഹായിക്കുന്നത്

എങ്ങനെ ?

📚 മനുഷ്യമൂലധനരൂപീകരണത്തെ സഹായിക്കുന്ന മറ്റൊരു ഘടകമാണ്

വിവരലഭ്യത.

📚 വിദ്യാഭ്യാസം, ആരോഗ്യം, തൊഴിൽ തുടങ്ങി വിവിധ മേഖലകളിലെ സേവനങ്ങൾ മനുഷ്യമുദ്ധനരൂപീകരണത്തിന് ആക്കം കൂട്ടുന്നു.

📚 വിവിധ മേഖലകൾ നൽകുന്ന സേവനങ്ങളക്കുറിച്ച് വിവരശേഖരണം നടത്തുന്നതിന് ജനങ്ങളെ സഹായിക്കുന്നതരത്തിൽ വിവരലഭ്യത പരി പോഷിപ്പിക്കപ്പെടേണ്ടതുണ്ട്.

📚 ഉറപ്പുവരുത്തി

മനുഷ്യമൂലധന

വിവരലഭ്യത

രൂപീകരണം

സാധ്യമാക്കുന്നതിന് ഗവൺമെന്റിന്റെ ഇടപെടൽ അനിവാര്യമാണ്.

30) ദാരിദ്ര്യം മനുഷ്യമൂലധന രൂപീകരണത്തിന് എങ്ങനെയെല്ലാം വെല്ലുവിളികളാകുന്നു ?

📚 കുറഞ്ഞ വരുമാനമാണ് മനുഷ്യനെ ദാരിദ്ര്യത്തിലേക്ക് തള്ളിവിടുന്നത്. 

📚 കുറഞ്ഞ വരുമാനം കാരണം മനുഷ്യന് വിദ്യാഭ്യാസം, ആരോഗ്യം, തുടങ്ങിയ അടിസ്ഥാന ആവശ്യങ്ങൾ പോലും നിറവേറ്റാൻ കഴിയാതെ വരികയും അത് കൂടുതൽ ദാരിദ്ര്യത്തിലേക്ക് കൊണ്ടെത്തിക്കുകയും ചെയ്യുന്നു. 

📚 ദാരിദ്ര്യത്തിന്റെ കാരണങ്ങളും അനന്തരഫലങ്ങളും ഒരു വലയത്തിൽ എന്നപോലെ പരസ്പരം ബന്ധപ്പെട്ടിരിക്കുന്നു.  ഇതു ഭേദിച്ചാൽ മാത്രമേ മാനവവിഭവശേഷി മെച്ചപ്പെടുത്തി മനുഷ്യ മൂലധന രൂപീകരണം സാധ്യമാവുകയുള്ളൂ. 

31) ദാരിദ്ര്യത്തിന് കാരണമാകുന്ന ഘടകങ്ങളും അന്തരഫലങ്ങളും കണ്ടെത്തുക? 

📚 കുറഞ്ഞ ഉല്പാദനക്ഷമത, 

📚 ജോലി ചെയ്യാനുള്ള ശേഷിക്കുറവ്. 

📚 ഉയർന്ന ശിശുമരണ നിരക്ക്, 

📚 കുറഞ്ഞ

ആയുർദൈർഘ്യം, 

📚ആശ്രിതരുടെ

എണ്ണത്തിൽ വർധനവ്. 

📚 ഭക്ഷ്യദൗർലഭ്യം,

പോഷകാഹാരക്കുറവ്, 

📚വിദ്യാഭ്യാസ പ്രാപ്യതയില്ലായ്മ,

📚 നിരന്തരമായ

അസുഖങ്ങൾ. 

📚 കുറഞ്ഞ വരുമാനം, കുറഞ്ഞ 

32) ദാരിദ്ര്യത്തിന്റെ കാരണങ്ങൾ എന്തെല്ലാം ?

1.വിദ്യാഭ്യാസമില്ലായ്മ

2.തൊഴിലില്ലായ്മ

3.കുറഞ്ഞ വേതനം

4.അസമത്വം

5.വിവേചനം

6.മോശമായ ആരോഗ്യസംരക്ഷണം

7.ജനസംഖ്യാ വർദ്ധനവ്

8.പ്രകൃതി ദുരന്തങ്ങൾ

 33 ) തൊഴിലില്ലായ്മ എന്നാൽ എന്ത് ?

നിലവിലുള്ള വേതനനിരക്കിൽ തൊഴിൽ ചെയ്യാൻ തയ്യാറുള്ള, ആരോഗ്യവും കഴിവുമുള്ള ഒരു വ്യക്തിക്ക് തൊഴിൽ കണ്ടെത്താനാവാത്ത തൊഴിലില്ലായ്മ എന്ന് പറയുന്നു.

34) തൊഴിലില്ലായ്മ

മനുഷ്യ മൂലധന 

രൂപീകരണത്തിന്

എങ്ങനെയെല്ലാം വെല്ലുവിളികളാകുന്നു ?

📚 വിദ്യാഭ്യാസത്തിനും നൈപുണിക്കും യോജിക്കുന്ന തരത്തില്‍ ലഭിക്കാതെ  വരുന്നത് 

മാനവ വിഭവശേഷിയെ പരമാവധി പ്രയോജനപ്പെടുത്തുന്നതിന് തടസം സൃഷ്ടിക്കുന്നു.

📚 മാനവവിഭവശേഷിയെ

പരമാവധി ഉപയോഗപ്പെടുത്തിയാൽ മാത്രമേ

മനുഷ്യമുലധനരൂപീകരണം സാധ്യമാവുകയുള്ളൂ.

35) വിവിധ തരത്തിലുള്ള തൊഴിലില്ലായ്മകൾ ഏതെല്ലാം?

1) പ്രകടമായ തൊഴിലില്ലായ്മ അഥവാ തൊഴിൽ ചെയ്യാൻ സന്നദ്ധമായിട്ടും തൊഴിലില്ലാത്ത അവസ്ഥ.

2) ഘടനാപരമായ തൊഴിലില്ലായ്മ അഥവാ നൂതന സാങ്കേതികവിദ്യയുടെ പ്രയോഗംമൂലം തൊഴിൽ നഷ്ടമാകുന്ന അവസ്ഥ. 

3)കാലികമായ തൊഴിലില്ലായ്മ അഥവാ പ്രത്യേക കാലത്ത് മാത്രം തൊഴിൽ ലഭിക്കുകയും മറ്റുസമയം തൊഴിലില്ലാതാവുകയും ചെയ്യുന്ന അവസ്ഥ.

4) പ്രച്ഛന്നതൊഴിലില്ലായ്മ

അഥവാ ഉൽപാദന

പ്രവർത്തനത്തിൽ

ആവശ്യത്തിലധികം തൊഴിലാളികൾ പങ്കെടുക്കുന്ന അവസ്ഥ.