സാമ്പത്തിക ചിന്തകൾ

 *Unit 7*

*സമ്പദ് ശാസ്ത്ര    ചിന്തകള്‍*  

1. എന്താണ് ഉൽപ്പാദനം. 

മനുഷ്യന്റെ ആവശ്യങ്ങൾ തൃപ്തിപ്പെടുത്തുന്നതിനുള്ള സാധനങ്ങളും സേവനങ്ങളും ലഭ്യമാക്കുന്ന പ്രക്രിയ

2. വിതരണം സാമ്പത്തിക വികസനത്തെ ത്വരിതപ്പെടുത്തുന്നത് എങ്ങനെ? 

വിതരണം സമ്പദ് വ്യവസ്ഥയിൽ പ്രാധാന്യമർഹിക്കുന്ന ഒന്നാണ്

ഉൽപാദന ഘടകങ്ങൾക്ക് അവയുടെ പങ്കിന് അനുസരിച്ചാണ് പ്രതിഫലം വിതരണം ചെയ്യപ്പെടുന്നത്.

നീതിപൂർവ്വമായ വിതരണം സാമ്പത്തിക വികസനത്തെ ത്വരിതപ്പെടുത്തുന്നു. 

3. ഉൽപ്പാദനം , വിതരണം, ഉപഭോഗം ഇവ പരസ്പരം ബന്ധപെട്ടിരിക്കുന്നു. 

ഈ പ്രസ്താവന

സാധൂകരിക്കുക. 

➡️ മനുഷ്യൻ തന്റെ ആവശ്യങ്ങൾ പൂർത്തീകരിക്കുന്നത് സാധനങ്ങളുടെയും സേവനങ്ങളുടെയും ഉപഭോഗത്തിലൂടെയാണ്

➡️  ഉൽപാദന പ്രക്രിയയിൽ പങ്കെടുക്കുന്നതു മൂലം ലഭിക്കുന്ന പ്രതിഫലമാണ് ഉപഭോഗത്തിനു വേണ്ടി ചെലവഴിക്കുന്നത്.

➡️ ഉൽപാദന ഘടകങ്ങൾക്ക് അവയുടെ പങ്കിന് അനുസരിച്ചാണ് പ്രതിഫലം വിതരണം ചെയ്യപ്പെടുന്നത്.

അതിനാൽ ഇവ പരസ്പരം ബന്ധപ്പെട്ടിരിക്കുന്നു. 

4. എന്താണ് സാമ്പത്തിക ശാസ്ത്രം? ഇതിന്റെ പ്രാധാന്യമെന്ത്?

➡️ വിവിധ സാമ്പത്തിക പ്രവർത്തനങ്ങളും ഉൽപ്പാദനം, വിതരണം, ഉപഭോഗം എന്നിവയും പഠനവിധേയമാക്കുന്ന ശാസ്ത്രശാഖ

➡️ മനുഷ്യനെകുറിച്ചും സമൂഹത്തെക്കുറിച്ചുമുള്ള പഠനം കൂടിയാണ്.

➡️ ലോക സാമ്പത്തിക സാഹചര്യങ്ങളെ പഠനവിധേയമാക്കാനും സാമൂഹിക സാമ്പത്തിക പ്രശ്നങ്ങൾക്ക് പരിഹാരം കണ്ടെത്താനും  സാമ്പത്തിക ശാസ്ത്രപഠനം ഉപയോഗപ്രദമാണ്.

5. സമ്പദ്ഘടനയിലെ അടിസ്ഥാന പ്രശ്നങ്ങൾ  എന്തെല്ലാം?   പ്രശ്നങ്ങൾ പരിഹരിക്കുന്നതെങ്ങനെ?

 (a) എന്താണ് ഉൽപാദിപ്പിക്കപ്പെടേണ്ടത്? എത്ര അളവിൽ?  

➡️ ലഭ്യമായ വിഭവങ്ങൾ ഉപയോഗിച്ച് സമൂഹത്തിന് ആവശ്യമായ മുൻഗണനാടിസ്ഥാനത്തിൽ ഉൽപ്പാദിപ്പിക്കണം

➡️ സമൂഹത്തിന്റെ ആവശ്യവും ഉല്പന്നത്തിന്റെ അളവും തമ്മിൽ ഒരു സന്തുലിതാവസ്ഥ

പാലിക്കേണ്ടതാണ്. 

(b) എങ്ങനെ ഉൽപാദിപ്പിക്കാം?

➡️ പ്രദേശത്തിലെ ലഭ്യമായ വിഭവങ്ങളെയും സാങ്കേതിക വിദ്യയെയും അടിസ്ഥാനപ്പെടുത്തിയാണ് ഉൽപാദിപ്പിക്കേണ്ടത്. 

➡️ വിഭവങ്ങളുടെ ലഭ്യതയ്ക്കനുസരിച്ച് ഉൽപാദനത്തിന്റെ രീതിയിൽ വ്യത്യസ്തത ഉണ്ടാകാറുണ്ട്. 

(c) ആർക്കുവേണ്ടി ഉൽപ്പാദിപ്പിക്കണം ?. 

സമൂഹത്തിൽ പരമാവധി പേർക്ക് ഗുണം ലഭിക്കുന്ന തരത്തിൽ ആവശ്യങ്ങളുടെ മുൻഗണനക്കനുസരിച്ച് ഉൽപാദന പ്രവർത്തനങ്ങൾ ആസൂത്രണം ചെയ്യണം.

 7. ആധുനിക സാമ്പത്തികശാസ്ത്രത്തിന്റെ പിതാവ് എന്നറിയപ്പെടുന്ന സാമ്പത്തിക ചിന്തകൻ? അദ്ദേഹത്തിന്റെ പ്രശസ്തമായ ഗ്രന്ഥമേത്?

➡️ ആഡം സ്മിത്ത്

➡️ നേച്ചർ ആൻഡ് കോസസ് ഓഫ് ദ വെൽത്ത് ഓഫ് നേഷൻസ്

8. എന്താണ് ലെസേഫെയർ സിദ്ധാന്തം? ആവിഷ്കരിച്ചതാര് ?

➡️ സാമ്പത്തിക പ്രവർത്തനങ്ങളിൽ ഗവൺമെന്റിന്റെ ഇടപെടൽ പരിമിതപ്പെടുത്തണം. 

➡️ വ്യക്തിസ്വാതന്ത്ര്യത്തിന് കൂടുതൽ പ്രാധാന്യം നൽകണം. 

➡️ *ആഡം സ്മിത്ത്* (ആവിഷ്കരിച്ചത്) 

9. കാൾ മാർക്സ് 'മിച്ചമൂല്യം' എന്നതുകൊണ്ട് അർത്ഥമാക്കുന്നതെന്ത്?

➡️ തൊഴിലാളികളുടെ അധ്വാനത്തിന്റെ പ്രതിഫലത്തിൽ ഒരു ഭാഗം മാത്രം തൊഴിലാളിക്കു

പ്രതിഫലമായി നൽകുകയും ബാക്കി സിംഹഭാഗവും മുതലാളി ലാഭമാക്കി മാറ്റുകയും ചെയ്യുന്നു. ഇതാണ് മിച്ചമൂല്യം. 

 10. കാൾ മാർക്സ് തന്റെ ആശയങ്ങൾ പ്രചരിപ്പിക്കുക എന്ന ഉദ്ദേശത്തോടെ രചിച്ച പ്രസിദ്ധമായ കൃതി. 

➡️ മൂലധനം

11. ആൽഫ്രഡ് മാർഷലിന്റെ സാമ്പത്തികതത്വങ്ങൾ എന്തെല്ലാം? പ്രധാന കൃതിയേത്?

➡️ സമ്പത്ത് ആത്യന്തികമായി മനുഷ്യക്ഷേമത്തിനു വേണ്ടിയായിരിക്കണം. 

➡️ സാമ്പത്തിക പ്രവർത്തനങ്ങളെല്ലാം മനുഷ്യക്ഷേമത്തിന് പ്രാധാന്യം നൽകുന്നതായിരിക്കണം.

➡️ പ്രധാന കൃതി :

  " *സാമ്പത്തിക ശാസ്ത്രതത്വങ്ങൾ*" 

12. ലയണൽ റോബിൻസിന്റെ സാമ്പത്തിക ആശയങ്ങൾ വിലയിരുത്തുക. 

➡️ അതിരില്ലാത്ത ആവശ്യങ്ങളും പരിമിതമായ വിഭവങ്ങളും

➡️ പരിമിതമായ വിഭവങ്ങൾ ഫലപ്രദമായി ഉപയോഗിക്കാൻ ആവശ്യങ്ങൾക്ക് മുൻഗണന

നിശ്ചയിക്കേണ്ടതാണ്. 

13. അമേരിക്കൻ സാമ്പത്തിക ശാസ്ത്രജ്ഞനായ പോൾ.എ. സാമുവൽസണിന്റെ അടിസ്ഥാന ആശയം എന്തായിരുന്നു? 

➡️ ഒരു രാജ്യത്തിന്റെ സാമ്പത്തിക ഭദ്രതയ്ക്ക് സാമ്പത്തിക ആസൂത്രണവും ശരിയായ വിഭവവിനിയോഗവും അത്യാവശ്യമാണ്. 

14. ഇന്ത്യയുടെ സാമ്പത്തിക ശാസ്ത്രസിദ്ധാന്തങ്ങളിൽ പ്രസിദ്ധമായ ചാണക്യന്റെ ഗ്രന്ഥമേത്?

➡️ *അർത്ഥശാസ്ത്രം*

15. സാമ്പത്തിക ശാസ്ത്രരംഗത്ത് ചാണക്യന്റെ സംഭാവനയെന്ത്?

➡️ രാജ്യത്തിന്റെ സാമ്പത്തികപുരോഗതിക്ക് ശരിയായ നയങ്ങളുടെ പ്രാധാന്യം. 

➡️ ഫലപ്രദമായ സാമ്പത്തിക പ്രവർത്തനങ്ങളുടെ അഭാവം ഒരു രാജ്യത്തെ നാശത്തിലേക്ക് നയിക്കുന്നു.

👉 16. എന്താണ് ചോർച്ചാ സിദ്ധാന്തം? ആവിഷ്കരിച്ചതാര്?

🍬  ഇന്ത്യയുടെ സമ്പത്ത് ചോർത്തിയെടുക്കുന്നതാണ് ബ്രിട്ടീഷ് ഭരണമെന്നും, ഇത് ഇന്ത്യയെ ദാരിദ്ര്യത്തിലേക്കും സാമ്പത്തിക തകർച്ചയിലേക്കും നയിച്ചുവെന്നുമുള്ള അഭിപ്രായമാണ് ചോർച്ചാ

സിദ്ധാന്തം. 

➡️ ദാദാഭായ് നവറോജി

17. സമ്പത്തിന്റെ ചോർച്ചയ്ക്കുള്ള പ്രധാന കാരണങ്ങളായി ദാദാഭായ് നവറോജി കണ്ടെത്തിയത്. 

🍬 ഇന്ത്യയിലെ ബ്രിട്ടീഷ് ഉദ്യോഗസ്ഥർക്ക് ഉയർന്ന ശമ്പളം നൽകൽ. 

🍬 ഇന്ത്യയിലെ അസംസ്കൃതവസ്തുക്കൾ തുച്ഛമായ വില നൽകി വാങ്ങി അതു കൊണ്ട് നിർമ്മിക്കുന്ന ഉൽപ്പന്നങ്ങൾ കൂടിയ വിലയ്ക്ക് ഇന്ത്യൻ കമ്പോളത്തിൽ തന്നെ വിറ്റഴിക്കൽ. 

🍬 ബ്രിട്ടന്റെ സാമ്രാജ്യത്വ വികസനത്തിനു വേണ്ടി ഇന്ത്യൻ സമ്പത്ത് കൊള്ളയടിക്കൽ . 

🍬 ഇന്ത്യൻ തൊഴിലാളികളെ അടിമകളെപ്പോലെ പണിയെടുപ്പിച്ച് കാർഷിക, വ്യാവസായിക ഉൽപ്പന്നങ്ങൾ ബ്രിട്ടനിലേക്ക് കയറ്റുമതി ചെയ്തു. 

18. ഗാന്ധിജിയുടെ സാമ്പത്തിക ശാസ്ത്രാശയങ്ങൾക്ക് തുടക്കമിട്ട ഗ്രന്ഥമേത്?

🧊 *ഹിന്ദ് സ്വരാജ്* (1909)

19. ഗാന്ധിജിയുടെ സാമ്പത്തിക ശാസ്ത്ര ചിന്തകൾ എന്തെല്ലാം?

⚽ ഗ്രാമീണ സമ്പദ് വ്യവസ്ഥയ്ക്കും ധാർമ്മിക മൂല്യങ്ങൾക്കും പ്രാധാന്യം

⚽ ട്രസ്റ്റീഷിപ്പ് എന്ന മഹത്തായ ആശയം. 

⚽  സത്യത്തിലും അഹിംസയിലും അധിഷ്ഠിതമായ ഒരു സമ്പദ് വ്യവസ്ഥ . 

⚽ കുടിൽ ചെറുകിട വ്യവസായങ്ങള്‍ക്ക് പരിഗണന. 

20. 1998 ൽ നോബൽ സമ്മാനം ലഭിച്ച ഇന്ത്യൻ സാമ്പത്തിക ശാസ്ത്രജ്ഞനാര്?

 ആശയങ്ങളുടെ പ്രസക്തിയെന്ത്? 

➡️ അമർത്യാസെൻ. 

👍🏻 മനുഷ്യക്ഷേമം, സാമ്പത്തിക അസമത്വം, വികസനം എന്നിവയെ കുറിച്ച് രചിച്ച ഗ്രന്ഥങ്ങൾ. 

ലോക സാമ്പത്തിക ശാസ്ത്ര ചിന്തകൾക്ക് മുതൽക്കൂട്ടായി .

 👍🏻 ദാരിദ്ര്യ രേഖ നിർണയിക്കുന്നതിലെ അപാകത ചൂണ്ടിക്കാട്ടി. 

ദാരിദ്ര്യം, അസമത്വം, ക്ഷാമം എന്നിവയായിരുന്നു പ്രധാന പഠനവിഷയങ്ങൾ.