പൊതുവരുമാനവും പൊതുചെലവും

 *പൊതു ചെലവും പൊതു വരുമാനവും*

1. എന്താണ് പൊതു ചെലവ് ?

സർക്കാരിന്റെ ചെലവുകൾ പൊതുചെലവ് എന്നറിയപ്പെടുന്നു.

 - ജനക്ഷേമം ലക്ഷ്യമാക്കിയാണ് ഗവൺമെൻറ് ചെലവ് ചെയ്യുന്നത്. സർക്കാരിന്റെ പ്രവർത്തനങ്ങൾ വർധിക്കുന്നതിനനുസരിച്ച് പൊതുചെലവ് വർധിക്കുന്നു. 

2. പൊതുചെലവുകളെ എത്രായി തരംതിരിക്കാം ? 

- പൊതുചെലവുകൾ

+  വികസന ചെലവുകൾ 

+ വികസനേതര ചെലവുകൾ 

3. വികസന ചെലവുകൾ

- റോഡ്, പാലം, തുറമുഖം തുടങ്ങിയവ നിർമ്മിക്കുക, പുതിയ സംരംഭങ്ങളും വിദ്യാഭ്യാസസ്ഥാപനങ്ങളും തുടങ്ങുക മുതലായ പ്രവർത്തനങ്ങൾക്കുള്ള സർക്കാർ ചെലവുകളാണ് വികസന ചെലവുകൾ.

4. വികസനേതര ചെലവുകൾ

യുദ്ധം, പലിശ, പെൻഷൻ തുടങ്ങിയവ

അറിയപ്പെടുന്നു.

ഗവൺമെന്റിന്റെ ചെലവുകളെ വികസനേതര ചെലവുകൾ എന്നും, 

വികസന ചെലവുകളിൽ നിന്നും സർക്കാരിന് ഒരു വരുമാനവും ലഭിക്കുകയില്ല.

5. ഇന്ത്യയിൽ പൊതുചെലവ്  വർധിക്കുന്നതിനുള്ള കാരണങ്ങൾ എന്തെല്ലാം?

- ജനസംഖ്യ വർദ്ധനവ്,

- പ്രതിരോധ ചെലവിന്റെ വർദ്ധനവ്, 

- ക്ഷേമ പ്രവർത്തനങ്ങൾ,

- നഗരവൽക്കരണം,

- പ്രകൃതിക്ഷോഭങ്ങൾ,

- പകർച്ചവ്യാധികൾ.

6. എന്താണ് പൊതുവരുമാനം?

- സർക്കാരിന്റെ വരുമാനത്തെ പൊതു വരുമാനം എന്നറിയപ്പെടുന്നു.

7. സർക്കാരിന് വരുമാനം   ലഭിക്കുന്ന സ്രോതസ്സുകൾ ഏവ? 

- നികുതി വരുമാനം.

- നികുതിയേതര വരുമാനം.

8. എന്താണ് നികുതി  വരുമാനം? 

സർക്കാരിന്റെ പ്രധാനവരുമാന സ്രോതസ്.

ക്ഷേമ പ്രവർത്തനങ്ങൾ വികസന പ്രവർത്തനങ്ങൾ എന്നിങ്ങനെ പൊതുതാൽപര്യത്തിന് വേണ്ടിയുള്ള ചെലവുകൾ വഹിക്കാനായി ജനങ്ങൾ സർക്കാരിന് നിർബന്ധമായും നൽകേണ്ട പണമാണ് നികുതി. 

നികുതി നൽകുന്ന വ്യക്തിയെ നികുതിദായകൻ എന്ന് വിളിക്കുന്നു.

നികുതി നൽകുന്നതുവഴി നികുതിദായകന് അയാളുടെ വരുമാനത്തിൽ വരുന്ന കുറവിനെ നികുതിഭാരം എന്നറിയപ്പെടുന്നു.

9. നികുതി ഭാരം വഹിക്കുന്നതിന്റെ അടിസ്ഥാനത്തിൽ നികുതിയെ എത്രയായി തരംതിരിക്കാം? അവ ഏതെല്ലാം?

രണ്ടായി തരംതിരിക്കാം

-പ്രത്യക്ഷനികുതി

-പരോക്ഷനികുതി

10. പ്രത്യക്ഷനികുതി

ആരിൽ ആണോ നികുതി ചുമത്തുന്നത് അയാൾ തന്നെ നികുതി അടയ്ക്കുമ്പോൾ (നികുതിഭാരം വഹിക്കുമ്പോൾ) അതിനെ പ്രത്യക്ഷനികുതി എന്നുപറയുന്നു.

11. ഇന്ത്യയിലെ പ്രധാന പ്രത്യക്ഷ നികുതികൾ

*വ്യക്തിഗത ആദായ നികുതി*

വ്യക്തികളുടെ വരുമാനത്തിന് ചുമത്തുന്ന നികുതിയാണിത്. വരുമാനം കൂടുന്നതിനനുസരിച്ച് നികുതി നിരക്ക്

കൂടുന്നു.

ഒരു നിശ്ചിത പരിധിക്ക് മുകളിലുള്ള വരുമാനത്തിന് ആദായനികുതി ബാധകമാണ്.

ഇന്ത്യയിൽ ആദായനികുതി നിയമം 1961 പ്രകാരം കേന്ദ്രസർക്കാരാണ് ആദായനികുതി പിരിക്കുന്നത്.

*കോർപ്പറേറ്റ് നികുതി*

കമ്പനികളുടെ അറ്റ് വരുമാനത്തിന് മേൽ (ലാഭത്തിനുമേൽ ചുമത്തുന്ന നികുതിയാണിത്.

12. പരോക്ഷ നികുതി എന്നത് നികുതി ഭാരം നികുതി ചുമത്തുന്ന വ്യക്തിയിൽ നിന്ന് മറ്റൊരാൾക്ക് മാറ്റാൻ കഴിയുന്നത്. 

*ഉദാഹരണം*  വിൽപന നികുതിയുടെ ഭാരം ആദ്യം വരുന്നത് വ്യാപാരിയുടെ മേലാണ്.

എന്നാൽ വ്യാപാരി ആ ഉൽപ്പന്നം വാങ്ങുന്ന ഉപഭോക്താവിലേയ്ക്ക് വിലയോടൊപ്പം നികുതിഭാരവും കൈമാറുന്നു.

അപ്പോൾ ഉപഭോക്താവ് നൽകുന്ന വിലയിൽ നികുതിയും ഉൾപ്പെടുന്നു.

13. എന്താണ് സെസ്സ് ? 

 സർക്കാർ ചില പ്രത്യേക ആവശ്യങ്ങൾക്കായി ചുമത്തുന്ന അധികനികുതിയാണ് സെസ്സ്. ആവശ്യത്തിനു പണം ലഭിച്ചുകഴിഞ്ഞാൽ സെസ്സ് നിർത്തലാക്കും.  

Eg : വിദ്യാഭ്യാസ സെസ്സ്. 

14. നികുതിയേതര വരുമാനമാർഗ്ഗങ്ങൾ ഏതെല്ലാം?

a) ഫീസ്: 

സർക്കാർ സേവനങ്ങൾക്കുള്ള പ്രതിഫലമായി ഈടാക്കുന്നതാണ് ഫീസ്.

 ലൈസൻസ് ഫീസ്, രജി ഷൻ ഫീസ്, ട്യൂഷൻ ഫീസ് മുതലായവ ഉദാഹരണങ്ങളാണ്.

b) ഫൈനുകളും പെനാൽറ്റികളും നിയമം ലംഘിക്കുന്നതിനു നൽകുന്ന ശിക്ഷയാണ്

പെനാൽറ്റികളും.

ഫൈനുകളും

c) ഗ്രാന്റ് 

ഒരു സർക്കാർ മറ്റൊരു സർക്കാരിനു നൽകുന്ന സാമ്പത്തിക സഹായമാണ് ഗ്രാന്റുകൾ. ഉദാഹരണ മായി, കേന്ദ്ര-സംസ്ഥാന സർക്കാരുകൾ തദ്ദേശ സ്വയംഭരണ സർക്കാരുകൾക്ക് ഗ്രാന്റുകൾ നൽകുന്നു.

d) പലിശ; 

സർക്കാർ വിവിധ സംരംഭങ്ങൾക്കും ഏജൻസികൾക്കും രാജ്യങ്ങൾക്കും നൽകുന്ന വായ്പകൾക്ക് പലിശ ലഭിക്കുന്നു.

e) ലാഭം:

 സർക്കാർ നടത്തുന്ന സംരംഭങ്ങളിൽനിന്നുള്ള വരുമാനമാണ് ലാഭം.

ഉദാ: ഇന്ത്യൻ റെയിൽവേയിൽനിന്നുള്ള ലാഭം.

15. *പൊതുകടം*

സർക്കാർ വാങ്ങുന്ന വായ്പകളാണ് പൊതുകടം.

 രാജ്യത്തിനകത്തുനിന്നും പുറത്തുനിന്നും വായ്പകൾ വാങ്ങാറുണ്ട്. ഇവ യഥാക്രമം ആഭ്യന്തരകടം, വിദേശകടം എന്നറിയപ്പെടുന്നു.

➡️ *ആഭ്യന്തര കടം*

രാജ്യത്തിനകത്തുള്ള വ്യക്തികളിൽനിന്നും സ്ഥാപനങ്ങളിൽനിന്നും സർക്കാർ വാങ്ങുന്ന വായപകളെയാണ് ആഭ്യന്തരകടം എന്നു പറയുന്നത്.

➡️ *വിദേശ കടം* 

വിദേശ ഗവൺമെന്റുകളിൽ നിന്നും അന്തർദ്ദേശീയ സ്ഥാപനങ്ങളിൽനിന്നും സർക്കാർ വാങ്ങുന്ന വായ്പക ളാണ് വിദേശകടം.

16. ഇന്ത്യയിൽ പൊതുകടം വർദ്ധിക്കുന്നതിനുള്ള കാരണങ്ങൾ? 

ജനസംഖ്യാ വർദ്ധനവ്, പ്രതിരോധരംഗത്തെ വർദ്ധിച്ച ചെലവ്, സാമൂഹ്യക്ഷേമപ്രവർത്തനങ്ങൾ, 

വികസനപ്രവർത്തനങ്ങൾ

17. *ബജറ്റ്*

ഒരു സാമ്പത്തികവർഷത്തിൽ സർക്കാർ പ്രതീക്ഷിക്കുന്ന വരവും ചെലവും വിശദമാക്കുന്ന ധനകാര്യരേഖയാണ് ബജറ്റ്. 

ഇന്ത്യയിൽ ഏപ്രിൽ 1 മുതൽ മാർച്ച് 31 വരെയാണ് സാമ്പത്തികവർഷം.



18. ബജറ്റിന്റെ തരങ്ങൾ

a) *സന്തുലിതബജറ്റ്*:

വരുമാനവും ചെലവും തുല്യമായിവരുന്ന ബജറ്റാണ് സന്തുലിത ബജറ്റ്,

b) *മിച്ചബജറ്റ്*:

വരുമാനം ചെലവിനേക്കാൽ കൂടുതലുള്ള ബജറ്റിനെ മിച്ചബജറ്റ് എന്നു വിശേഷിപ്പിക്കുന്നു.

C) *കമ്മിബജറ്റ്*

ചെലവ് വരവിനേക്കാൽ കൂടുതലുള്ള ബജറ്റിനെ കമ്മിബജറ്റ് എന്നു പറയുന്നു.

19)  ധനനയം എന്നാല്‍ എന്ത്?  അതിന്റെ ലക്ഷ്യങ്ങൾ എന്തെല്ലാം ?

പൊതുവരുമാനം, പൊതുചെലവ്, പൊതുകടം എന്നിവയെ സംബന്ധിച്ച സർക്കാർ നയമാണ് ധനനയം. ഈ നയം നടപ്പിലാക്കുന്നത് ബജറ്റിൽക്കൂടിയാണ്.

➡️ ധനനയ ത്തിന്റെ ചില ലക്ഷ്യങ്ങളാണ്

a. സാമ്പത്തികസ്ഥിരത കൈവരിക്കുക.

b. തൊഴിലവസരങ്ങൾ സൃഷ്ടിക്കുക.

C. അനാവശ്യ ചെലവുകൾ നിയന്ത്രിക്കുക.

d. വിലക്കയറ്റത്തെയും വിലച്ചുരുക്കത്തെയും നിയന്ത്രിക്കുന്നു.

e) . സാമ്പത്തിക അസമത്വം കുറയ്ക്കണം.