ഭൂതലവിശകലനം ഭൂപടങ്ങളിലൂടെ

 

ഭൂതല വിശകലനം ഭൂപടങ്ങളിലൂടെ.. 

1. എന്താണ് ധരാതലീയ ഭൂപടങ്ങൾ?

-പ്രകൃതിദത്തവും മനുഷ്യനിർമ്മിതവുമായ എല്ലാ ഭൗമോപരിതല സവിശേഷതകളെയും വളരെ സൂക്ഷമായി ചിത്രീകരിക്കുന്ന  ഭൂപടങ്ങളാണ് ധരാതലീയ ഭൂപടങ്ങൾ.

-ഭൗമോപരിതലത്തിലെ ഉയർച്ചതാഴ്ചകൾ, നദികൾ, മറ്റു ജലാശയങ്ങൾ, വനങ്ങൾ, കൃഷി സ്ഥലങ്ങൾ, തരിശുഭൂമികൾ, ഗ്രാമങ്ങൾ, പട്ടണങ്ങൾ, ഗതാഗത - വാർത്താവിനിമയ മാർഗങ്ങൾ തുടങ്ങിയ പ്രധാനപ്പെട്ട ഭൗമോപരിതല സവിശേഷതകളാണ് ഈ ഭൂപടങ്ങളിൽ ചിത്രീകരിക്കാറുള്ളത്. -ധരാതലീയ ഭൂപടങ്ങൾ വലിയതോത് ഭൂപടങ്ങൾ ആണ്.

2. ഇന്ത്യയിൽ ധരാതലീയ ഭൂപടം നിർമ്മിക്കുന്നതിനുള്ള ചുമതല ആർക്കാണ്? -സർവേ ഓഫ് ഇന്ത്യ

3. ധരാതലീയ ഭൂപടങ്ങളുടെ ഉപയോഗങ്ങൾ?

-  ഭൂപ്രദേശങ്ങളുടെ ഭൗതികവും സാംസ്കാരികവുമായ സവിശേഷതകൾ വിശകലനം ചെയ്യുന്നതിന്.

 - സൈനിക പ്രവർത്തനങ്ങൾക്കും സൈനിക ഭൂപടങ്ങളുടെ നിർമ്മാണത്തിനും.

- സാമ്പത്തിക ആസൂത്രണത്തിന്റെ ഭാഗമായി ഒരു പ്രദേശത്തിന്റെ പ്രകൃതിദത്തവും മനുഷ്യ നിർമ്മിതവുമായ വിഭവങ്ങൾ കണ്ടെത്തി പഠിക്കുന്നതിന്. നഗരാസൂത്രണത്തിന്.

- ഭൂവിനിയോഗം മനസ്സിലാക്കുന്നതിന്. 

-  ഭൂപ്രകൃതി മനസ്സിലാക്കുന്നതിന്.

- വിഭവ സംരക്ഷണത്തിനും വിഭവാസൂത്രത്തിനും.

4.  ഈസ്റ്റിങ്സ്

- ധരാതലീയ ഭൂപടത്തിൽ വടക്ക്-തെക്ക് ദിശയിൽ വരച്ചിട്ടുള്ള ചുവപ്പ് രേഖകളാണ് ഇവ.

 - ഇവയുടെ മൂല്യം കിഴക്ക് ദിശയിലേക്ക് പോകുംതോറും കൂടിവരുന്നു.

- ഭൂതലത്തിലെ സവിശേഷതകൾക്ക് തൊട്ട് ഇടതുവശത്തായി കാണപ്പെടുന്ന ഈസ്റ്റിങ്സിന്റെ മൂല്യമാണ് സ്ഥാന നിർണ്ണയത്തിന് പരിഗണിക്കുക.

5.  നോർത്തിങ്സ്

- ധരാതലീയ ഭൂപടത്തിൽ കിഴക്ക്-പടിഞ്ഞാറ് ദിശയിൽ വരച്ചിട്ടുള്ള ചുവപ്പ് രേഖകളാണ് ഇവ.

 -  ഇവയുടെ മൂല്യം വടക്ക് ദിശയിലേക്ക് പോകുംതോറും കൂടിവരുന്നു.

- ഭൂതലത്തിലെ സവിശേഷതകൾക്ക് തൊട്ട് തെക്കായി കാണപ്പെടുന്ന നോർത്തിങ്സിന്റെ മൂല്യമാണ് സ്ഥാനനിർണ്ണയത്തിന് പരിഗണിക്കുക.

6. കോണ്ടൂർ രേഖകൾ

- ധരാതലിയ ഭൂപടങ്ങളിൽ സമുദ്രനിരപ്പിൽനിന്നും ഒരേ ഉയരത്തിലുള്ള സ്ഥലങ്ങളെ തമ്മിൽ യോജിപ്പിച്ചു വരയ്ക്കുന്ന സാങ്കൽപ്പിക രേഖകൾ ആണ് കോണ്ടൂർ രേഖകൾ.

- കോണ്ടൂർ രേഖ യോടൊപ്പം രേഖപ്പെടുത്തിയിരിക്കുന്ന സമുദ്രനിരപ്പിൽ നിന്നുള്ള ഉയരം കോണ്ടൂർ മൂല്യം എന്നറിയപ്പെടുന്നു.

- അടുത്തടുത്ത രണ്ടു കോണ്ടൂർ രേഖകളുടെ മൂല്യ വ്യാസത്തെ കോണ്ടൂർ ഇടവേള എന്ന് പറയുന്നു. 

- കോണ്ടൂർ രേഖകൾ തമ്മിലുള്ള അകലം കുറവാണെങ്കിൽ പ്രദേശത്തിന് കുത്തനെയുള്ള ചെരിവ് ആയിരിക്കും.

- കോണ്ടൂർ രേഖകൾ തമ്മിലുള്ള അകലം കൂടുതലാണെങ്കിൽ പ്രദേശത്തിന് ചരിവ് കുറവായിരിക്കും. ഭൂപ്രദേശത്തിന്റെ ഉയരം, ചരിവ്, ഭൂരൂപത്തിന്റെ ആകൃതി, നേർകാഴ്ച്ച തുടങ്ങിയവ മനസ്സിലാക്കുന്നതിന് കോണ്ടൂർ രേഖകൾ സഹായിക്കുന്നു.

7.  ധരാതലീയ ഭൂപടങ്ങളിലെ നേർക്കാഴ്ചയും പ്രയോജനങ്ങളും

- ധരാതലീയ ഭൂപടങ്ങളിൽ രണ്ടു സ്ഥലങ്ങൾ തമ്മിൽ പരസ്പരം ദൃശ്യമാണെങ്കിൽ അവ തമ്മിൽ നേർക്കാഴ്ചയിൽ ആണെന്ന് പറയാം. 

-  വൈദ്യുതി പോസ്റ്റുകൾ, മൊബൈൽ ടവറുകൾ, വയർലെസ് ട്രാൻസ്മിഷൻ ടവറുകൾ തുടങ്ങിയവ സ്ഥാപിക്കുന്നതിനും നേർകാഴ്ച സാധ്യതകൾ പ്രയോജനപ്പെടുത്തുന്നു.

-  സ്ഥലങ്ങൾ തമ്മിലുള്ള നേർക്കാഴ്ച കണ്ടെത്തുന്നതിന് കോണ്ടൂർ രേഖകൾ പ്രയോജനപ്പെടുത്തി കലാകൃതി തയ്യാറാക്കണം.

- പ്രദേശത്തിന്റെ ആകൃതി, ചരിവ് എന്നിവ കണ്ടെത്തിയാൽ നേർക്കാഴ്ച ഉണ്ടോയെന്ന്

മനസിലാക്കാം

8). ധരാതലീയ ഭൂപട വിശകലനം

- *പ്രാഥമിക വിവരങ്ങൾ*,

- *ഭൗതിക സവിശേഷതകൾ*,

- *സാംസ്കാരിക സവിശേഷതകൾ*.

എന്നിങ്ങനെ വേർതിരിച്ചാണ് ധരാതലിയ ഭൂപടം വിശകലനം നടത്തുന്നത്.

 A) പ്രാഥമിക വിവരങ്ങൾ.

- ടോപ്പോഷീറ്റിന്റെ നമ്പർ (a)

- പ്രദേശത്തിന്റെ പേര് (b)

- അക്ഷാംശ രേഖാംശ സ്ഥാനം (1), (2)

- രേഖാംശ സ്ഥാനം (d1), (d2)

- ഈസ്റ്റിംങ്സിന്റെ മൂല്യങ്ങൾ (e1), (2) 

- നോർത്തിങ്സിന്റെ മൂല്യങ്ങൾ (f1), (2) 

- ഭൂപടത്തിന്റെ തോത് (g) 

- കോണ്ടൂർ ഇടവേള (h)

 - സർവ്വേ ചെയ്ത വർഷം (i) 

- പ്രസിദ്ധീകരിച്ച വർഷം (j)

- സർവ്വേയുടെ ചുമതല (k)

 B) *ഭൗതിക സവിശേഷതകൾ*

-  അരുവി,

 -നീരുറവ, 

-തടാകം, 

-വിവിധ ഭൂരൂപങ്ങൾ 

C)  *സാംസ്കാരിക സവിശേഷതകൾ*

-അതിർത്തികൾ,

 -കിണർ, 

കുഴൽ കിണർ, പാർപ്പിടങ്ങൾ, 

-വിവിധ തരം റോഡുകൾ, -കൃഷിയിടങ്ങൾ, -പോസ്റ്റോഫീസ്,

 -പോലീസ് സ്റ്റേഷൻ